'தாத்ரா' வாகனம் தரமானது: டி.ஆர்.டி.ஓ. தலைவர் வி.கே.சரஸ்வத்

புது தில்லி, மார்ச் 31:÷ராணுவத்துக்கு வாங்கப்பட்ட "தாத்ரா' வாகனங்கள் தரமானதுதான் என்று பாதுகாப்பு ஆராய்ச்சி மற்றும் மேம்பாட்டு நிறுவன (டி.ஆர்.டி.ஓ.) தலைவர் வி.கே.சரஸ்வத் தெரிவித்துள்ளார்.
முன்னதாக இந்த வகை வாகனங்கள் தரம் குறைந்தவை, அதை கொள்முதல் செய்ததில் ஊழல் நடைபெற்றிருக்க வாய்ப்புள்ளது என்று ராணுவத் தலைமைத் தளபதி வி.கே.சிங் குற்றம்சாட்டியிருந்தார் என்பது குறிப்பிடத்தக்கது.

புது தில்லியில் நடைபெற்றுவரும் பாதுகாப்பு தளவாடங்களுக்கான கண்காட்சியை டி.ஆர்.டி.ஓ. தலைவர் வி.கே.சரஸ்வத் சனிக்கிழமை பார்வையிட்டார். பின்னர் செய்தியாளர்கள் சந்திப்புக் கூட்டத்தில் பங்கேற்றார்.
அவரிடம் தாத்ரா வாகனங்களின் தரம் குறித்து செய்தியாளர்கள் கேள்வி எழுப்பினர்.

இதற்கு பதிலளித்து சரஸ்வத் கூறியதாவது:
"தாத்ரா' டிரக்குகள் மிகவும் தரம் வாய்ந்தவை. நல்ல வேகத்துடன் இயங்குகின்றன. அதை நாட்டின் அனைத்துப் பகுதிகளிலும் பயன்படுத்த முடிகிறது. பிருத்வி, அக்னி உள்ளிட்ட ஏவுகணைகளை இந்த வாகனத்தில் வைத்து எளிதாக ஏவ முடியும். இதுவரை இந்த வாகனங்கள் மிகச் சிறப்பாக இயங்கி வருகின்றன. வாகனத்தின் செயல்பாடு குறித்து எந்தவிதமான புகாரும் வரவில்லை.

தேவைப்பட்டால் மீண்டும் இந்த ரக வாகனங்களை கொள்முதல் செய்யலாம். எனினும், இந்த விஷயத்தில் அரசின் வழிகாட்டுதலின்படி செயல்படுவோம் என்றார் சரஸ்வத்.

இப்போது பாதுகாப்புத் துறை அமைச்சர் ஏ.கே.அந்தோனிக்கும், ராணுவத் தலைமைத் தளபதிக்கும் இடையே நிலவிவரும் மோதல் போக்கு குறித்து அவரிடம் கேட்டபோது, ""நமது செயல்பாடு, நன்மதிப்பை கருத்தில் கொண்டு பாதுகாப்புத் துறையில் ஒற்றுமை நிலவ வேண்டியது மிகவும் அவசியமாகும். தொழில்நுட்ப ரீதியான ஆலோசனைகளை வழங்க நான் தயாராக உள்ளேன். எனக்குத் தெரிந்தவரை பாதுகாப்புத் துறை அமைச்சரும், ராணுவத் தலைமைத் தளபதியும் மிகவும் நல்ல மனிதர்கள். அவர்களுக்கிடையே முரண்பாடு இருந்தால், அதை எச்சரிக்கையுடன் கையாள வேண்டும் என்று கேட்டுக்கொள்கிறேன்'' என்றார்.

தினமணி

தாத்ரா வின் தரம் இருக்கட்டும்
தரம் கெட்ட ஊழல் பேரங்கள்
நடந்ததான்னு சொல்லுங்கோ?

நம்பலாமா

நீங்களே முன்வந்து சொல்றத பார்த்தா உங்களுக்கும் பங்கு இருக்கும் போல தெரியுது!

நீங்களே முன்வந்து சொல்றத பார்த்தா உங்களுக்கும் பங்கு இருக்கும் போல தெரியுது!

அப்புறம் இல்லாமல் இப்படி பேசுவார்களா