சோனியா காந்தியை உறைய வைத்த பாலச்சந்திரனின் ஒளிப்படம்?

**kirikasan** · **kirikasan** Fri Mar 30, 2012 10:58 pm

சோனியா காந்தியை உறைய வைத்த பாலச்சந்திரனின் ஒளிப்படம்?

(தமிழ்வின் இலிருநது ...)

ஜெனிவாவில் இலங்கைக்கெதிராக வாக்களிக்க வேண்டும் என்று காங்கிரஸ் கட்சித் தலைவி சோனியாகாந்தியே, இந்தியப் பிரதமர் மன்மோகன் சிங்கிடம் கூறியதாகவும்,...

...அவர் அவ்வாறு கூறியதற்கு விடுதலைப் புலிகளின் தலைவர் பிரபாகரனின் மகன் கொல்லப்பட்டுக் கிடந்த ஒளிப்படமே காரணம் என இந்திய ஊடகம் தகவல் வெளியிட்டுள்ளது.

வாக்கெடுப்புக்கு சில நாட்கள் முன்னதாக சனல்-4 வெளியிட்ட விடுதலைப் புலிகளின் தலைவர் பிரபாகரனின் 12 வயது மகன் கொல்லப்பட்டது உள்ளிட்ட தமிழர்களின் அவலங்கள் பற்றிய காட்சிகள் சோனியாகாந்திக்கு பாதிப்பை ஏற்படுத்தியிருப்பதாக தோன்றுவதாக தம்மை அடையாளம் காட்ட விரும்பாத காங்கிரஸ் கட்சி வட்டாரங்கள் கூறியுள்ளன.

தமிழ் ஊடகங்களில் வெளியான இந்தப் படங்கள் ஒரு புயலையே தோற்றுவித்தன.

வாக்கெடுப்புக்கு இரண்டு நாட்கள் முன்னதாக, மார்ச் 22ஆம் திகதி தேசிய பாதுகாப்பு ஆலோசகர் சிவ்சங்கர் மேனனும், நிதி அமைச்சர் பிரணாப் முகர்ஜியும் காங்கிரஸ் உறுப்பினர்களிடம் தனியொரு நாட்டுக்கு எதிரான தீர்மானத்துக்கு ஆதரவாக இந்தியா வாக்களிக்க முடியாது என்று கூறியிருந்தனர்.

இதனால் அதிருப்தியடைந்த சில தமிழ் நாடாளுமன்ற உறுப்பினர்கள் சோனியாகாந்தியை அணுகி அவரிடம் முறையிட்டனர். இலங்கையில் தமிழர்கள் கொல்லப்பட்ட படங்களை அவர்கள் சோனியாகாந்தியிடம் காண்பித்து நியாயம் கேட்டனர்.

குறிப்பாக, விடுதலைப் புலிகளின் தலைவர் பிரபாகரனின் இளைய மகன் மார்பில் சுடப்பட்டுக் கிடக்கும் காட்சி அவரை உறைய வைத்தது. இதையடுத்து, தமிழ்நாட்டைச் சேர்ந்த நாடாளுமன்ற உறுப்பினர்களிடம் தான் நடவடிக்கை எடுப்பதாக சோனியாகாந்தி உறுதி வழங்கினார்.

உடனடியாகவே, அவர் பிரதமர் மன்மோகன்சிங்கிடம், ராஜபக்ச அரசுக்கு ஆதரவாக வாக்களிக்கக் கூடாது என்று தெரிவித்துள்ளார்.

ஒரு குழந்தையின் மரணம் இந்திய - இலங்கை உறவையே மாற்றி விட்டது என்று ‘ரைம்ஸ் ஒவ் இந்தியா‘ தகவல் வெளியிட்டுள்ளது.

அதி · அதி Fri Mar 30, 2012 11:18 pm

இந்த மன மாற்றம் உண்மையானதாகவும் பயனுள்ளதாகவும் அமையட்டும்

**ரா.ரா3275** · **ரா.ரா3275** Fri Mar 30, 2012 11:31 pm

அட போங்கம்மா...காலம் போன கடைசில சங்கரா சங்கரான்னுட்டு... என்ன கொடுமை சார் இது

மகா பிரபு · மகா பிரபு Fri Mar 30, 2012 11:34 pm

கருத்து சொல்ல விருப்பமில்லை. என்ன கொடுமை சார் இது

**கே. பாலா** · **கே. பாலா** Sat Mar 31, 2012 8:17 am

தீர்மானத்தை எதிர்த்தால் இனியும் ..பிழைப்பு நடத்தமுடியாது என்பதுதான் காரணம்

**சிவா** · **சிவா** Sat Mar 31, 2012 8:30 am

கே. பாலா wrote:தீர்மானத்தை எதிர்த்தால் இனியும் ..பிழைப்பு நடத்தமுடியாது என்பதுதான் காரணம்

இதுதான் உண்மையான காரணம்!

**ராஜா** · **ராஜா** Sat Mar 31, 2012 10:38 am

தீர்மானத்தை ஆதரிப்பது போல ஆதரித்து , உண்மையில் இலங்கைக்கு ஆதரவாக தீர்மானத்தில் மாற்றங்களை கொண்டு வந்தது யார்?!

பாலாஜி · பாலாஜி Sat Mar 31, 2012 10:49 am

இது போன்ற எண்ணில் அடங்கா குழந்தைகளின் மரணத்திற்க்கு என்ன பதில் இத்தாலி அம்மையாரே ..

மெய்க்காப்பாளர்கள் கண் எதிரே கொலை செய்யப்படும் படும்போது அந்த சிறுவனின் மனநிலையை நினைத்துபாருங்கள் .சின்ன வயதிலும் கண்ணை திறந்த படியே மரணம் ஏற்ற மாவீரன் அவன் .அவன் கண்ணை திறந்து கொண்டே ஏதோ சொல்லுகின்றான் ..

இலங்கைக்கு ஆதரவாக அல்லது சாதமாக திருத்தங்களை கொண்டுவந்து தீர்மானத்தை ஆதரித்து உள்ளீர் ..

தமிழன் எவரும் கை சின்னத்திற்க்கு வாக்கு அளிக்க கூடாது என்ற நிலை வரும் .. (வந்துகொண்டுயிருக்கின்றது )

**kirikasan** · **kirikasan** Sat Mar 31, 2012 7:31 pm

நிச்சயமாக!

1. முதலாவது தமிழ்நாட்டின் கிளர்ந்தெழுந்த ஒற்றுமை
இனிமேல் ஏமாற்றுவேலை சரிவராது என்னும் நிலைமை!

2. புலனாய்வு பிரிவுடன் கூடிய வெளிநாட்டுக்கொள்கை வகுத்தோரின் திட்டங்கள் பதுகாப்புக்கு பங்கம் விளைவித்து
எதிர் திசையில் திருப்பி விட்டதே என்ற காலம்கடந்த ஞானம்! (கச்ச தீவில் கூட இலங்கை ராணுவம் தளம் அமைத்துவிட்டது இந்தியாவின் பாதுகாப்புக்கு பெரும் பின்னடைவுகள்)

3. இப்போது சீனாவின் தந்திரோபாய முன்னெடுப்புக்களினால் தாம் பலமிழந்து வருவதை உணர்ந்து அமெரிக்காவின் நல்லுறவு தேவைப்படும் சூழ்நிலை.

இவைதவிர இரும்பு இதயம் கொண்ட வரின் மகளுக்கு எதிரி பிள்ளை இறந்ததில் மனம் உருகியிருந்தால் புத்தர்போல காவிஆடை அணிந்திருக்காலாமே

அசுரன் · அசுரன் Sun Apr 01, 2012 12:39 am

kirikasan wrote:நிச்சயமாக!

1. முதலாவது தமிழ்நாட்டின் கிளர்ந்தெழுந்த ஒற்றுமை
இனிமேல் ஏமாற்றுவேலை சரிவராது என்னும் நிலைமை!

2. புலனாய்வு பிரிவுடன் கூடிய வெளிநாட்டுக்கொள்கை வகுத்தோரின் திட்டங்கள் பதுகாப்புக்கு பங்கம் விளைவித்து
எதிர் திசையில் திருப்பி விட்டதே என்ற காலம்கடந்த ஞானம்! (கச்ச தீவில் கூட இலங்கை ராணுவம் தளம் அமைத்துவிட்டது இந்தியாவின் பாதுகாப்புக்கு பெரும் பின்னடைவுகள்)

3. இப்போது சீனாவின் தந்திரோபாய முன்னெடுப்புக்களினால் தாம் பலமிழந்து வருவதை உணர்ந்து அமெரிக்காவின் நல்லுறவு தேவைப்படும் சூழ்நிலை.

இவைதவிர இரும்பு இதயம் கொண்ட வரின் மகளுக்கு எதிரி பிள்ளை இறந்ததில் மனம் உருகியிருந்தால் புத்தர்போல காவிஆடை அணிந்திருக்காலாமே