கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

**krishnaamma** · **krishnaamma** Fri Mar 30, 2012 2:13 pm

கோவை: தினமலர் நாளிதழ் மற்றும் சென்னை, எஸ்.ஆர்.எம்., பல்கலைக்கழகம் இணைந்து நடத்தும், பிளஸ் 2 முடித்த மாணவ, மாணவியருக்கான வழிகாட்டி நிகழ்ச்சி கோவையில் இன்று துவங்கி, வரும் ஏப்., 1ம் தேதி வரை நடக்கிறது.

"வழிகாட்டி' நிகழ்ச்சி, கோவை கொடிசியா தொழிற்காட்சி வளாகத்திலுள்ள, "இ' ஹாலில் இன்று காலை 10.00 மணிக்குத் துவங்குகிறது. பிளஸ் 2 முடிக்கும் மாணவ, மாணவியருக்கு அடுத்து என்ன படிப்பது, எந்தக் கல்லூரியில் படிப்பது என்பது உள்ளிட்ட சந்தேகங்களுக்குத் தீர்வுகாண உதவும் வகையில், "தினமலர்' நாளிதழ் சார்பில், கல்வி மற்றும் வாழ்க்கை வழிகாட்டுதலுக்கான "வழிகாட்டி' நிகழ்ச்சி, ஆண்டுதோறும் நடத்தப்படுகிறது.

"தினமலர்' நாளிதழுடன், புதிய தலைமுறை, எஸ்.வி.எஸ்., கல்விக் குழுமம், நேரு கல்விக் குழுமம், கே.எம்.சி.எச்., கல்விக் குழுமம், ஸ்ரீ ஈஸ்வர் இன்ஜினியரிங் கல்லூரி, "சபோல்ஸ்' வாட்டர், ரேடியோ மிர்ச்சி 98.3 எப்.எம்., நிறுவனங்கள் கரம் கோக்கின்றன.

மூன்று நாட்கள் நடக்கும் நிகழ்ச்சியில், தினமும் காலை 10.00 முதல் 11.30 மணி வரையும், மாலை 4.00 முதல் 5.30 மணி வரையும் கருத்தரங்கம் நடக்கிறது. கல்வியாளர்கள் முக்கிய படிப்புகள் குறித்தும், அந்த படிப்புகளுக்கான எதிர்கால வாய்ப்புகள் குறித்தும் பேசுகின்றனர். மாணவ, மாணவியர் மற்றும் பெற்றோரின் சந்தேகங்களுக்கும் விளக்கம் அளிக்கின்றனர்.

கொடிசியா தொழிற்காட்சி வளாகம் "இ' ஹாலில், 110 கல்வி நிறுவனங்களின் ஸ்டால்கள் அமைக்கப்பட்டுள்ளன. காலை 10.00 முதல் மாலை 7.00 மணி வரை கண்காட்சி நடக்கிறது. மாணவ, மாணவியர் கல்லூரிகள் குறித்தும், படிப்புகள் குறித்தும் தெரிந்து கொள்வதுடன், குறிப்பிட்ட கல்லூரியில் சேர விரும்பினால், அதற்கான விண்ணப்பப் படிவத்தை பூர்த்தி செய்து, "ஸ்பாட் அட்மிஷனும்' பெற்றுக் கொள்ளலாம்; அனுமதி இலவசம்.

இன்று காலை 10.00 முதல் 11.30 மணி மற்றும் மாலை 4.00 முதல் 5.30 மணி வரை நடக்கும் கருத்தரங்கில், ஊடகத்துறை படிப்புகள் குறித்து, சென்னை லயோலா கல்லூரி பேராசிரியர் சின்னப்பனும், கடல்சார் அறிவியல் மற்றும் கடல் ஆய்வுக்கல்வி குறித்து, நரசய்யாவும், பயோ என்ஜினியரிங் மற்றும் பயோ டெக்னாலஜி படிப்புகளின் எதிர்காலம் குறித்து, டாக்டர் நாகேஸ்வரனும், தகவல் தொழில்நுட்பத் துறையின் தற்போதைய நிலை குறித்து, டி.சி.எஸ்., நிறுவன அதிகாரி சுமந்த் ராமனும், ஹெல்த் சயின்ஸ் படிப்புகள் குறித்து, பாஸ்கரனும், நானோடெக், ஏரோஸ்பேஸ், ஏரோநாட்டிக்கல் ஆட்டோமொபைல் மற்றும் மெக்கட்ரானிக்ஸ் கல்வி குறித்து, வாசுதேவனும் பேசுகின்றனர்.

நிகழ்ச்சியில், பங்கேற்கும் அனைவருக்கும் "எந்தக் கல்லூரியில் என்ன படிப்பு உள்ளது?' என்பதை விளக்கும் "வழிகாட்டி புத்தகம்' இலவசமாக வழங்கப்படுகிறது.

கோவையில் நடைபெறும் அதே தேதியில் மதுரையிலும் தல்லாகுளம் லட்சுமி சுந்தரம் ஹாலில் வழிகாட்டி நிகழ்ச்சி நடைபெறுகிறது.

யினியவன் · யினியவன் Fri Mar 30, 2012 2:15 pm

மாணவர்கள் வரும் இந்த வாய்ப்பை பயன்படுத்தி பயன் பெற வாழ்த்துகள். பகிர்வுக்கு நன்றிம்மா.

இரா.பகவதி · இரா.பகவதி Fri Mar 30, 2012 2:25 pm

அம்மா ,ஆனால் இது மூழுக்க மூழுக்க விளம்பர நோக்கோடு தான் நடைபெறும்

**krishnaamma** · **krishnaamma** Fri Mar 30, 2012 2:28 pm

இரா.பகவதி wrote:அம்மா ,ஆனால் இது மூழுக்க மூழுக்க விளம்பர நோக்கோடு தான் நடைபெறும்

அடாடா, அப்படியா, நான் ஏதோ சமூக நோக்குடன் நடப்பது என்றல்லவா நினைத்து விட்டேன் சோகம்

யினியவன் · யினியவன் Fri Mar 30, 2012 2:30 pm

krishnaamma wrote:
இரா.பகவதி wrote:அம்மா ,ஆனால் இது மூழுக்க மூழுக்க விளம்பர நோக்கோடு தான் நடைபெறும்

அடாடா, அப்படியா, நான் ஏதோ சமூக நோக்குடன் நடப்பது என்றல்லவா நினைத்து விட்டேன்

80 % விளம்பர நோக்கு 20 % சமூக நோக்கு.
அதைப் புரிந்து கொண்டால் பயன் பெற வாய்ப்பு உண்டு.

**krishnaamma** · **krishnaamma** Fri Mar 30, 2012 2:34 pm

கொலவெறி wrote:
krishnaamma wrote:
இரா.பகவதி wrote:அம்மா ,ஆனால் இது மூழுக்க மூழுக்க விளம்பர நோக்கோடு தான் நடைபெறும்

அடாடா, அப்படியா, நான் ஏதோ சமூக நோக்குடன் நடப்பது என்றல்லவா நினைத்து விட்டேன்
80 % விளம்பர நோக்கு 20 % சமூக நோக்கு.
அதைப் புரிந்து கொண்டால் பயன் பெற வாய்ப்பு உண்டு.

ம... ம.... பாவம் பசங்க, யாராவது நல்ல வழிகாட்டா மாட்டாளா என்று தவிக்குத்துகள் , இவங்க அதை பணம் பண்ணராங்க சோகம்

இரா.பகவதி · இரா.பகவதி Fri Mar 30, 2012 2:41 pm

அடாடா, அப்படியா, நான் ஏதோ சமூக நோக்குடன் நடப்பது என்றல்லவா நினைத்து விட்டேன்

கிருஷ்ணா அம்மா மாணவர்களை மூளை சலவை செய்யவே இந்த மாதிரியான அக்கறை அவர்களுக்கு , புத்தியுள்ளவர்கள் இதனை புத்தியோடு புரிந்து புழைத்து விடுவார் சில அப்பாவி மாணவர்கள் ஆழம் தெரியாமல் காலை விட்டு மாட்டி கொள்வார்கள்

**krishnaamma** · **krishnaamma** Fri Mar 30, 2012 2:45 pm

இரா.பகவதி wrote:
அடாடா, அப்படியா, நான் ஏதோ சமூக நோக்குடன் நடப்பது என்றல்லவா நினைத்து விட்டேன்

கிருஷ்ணா அம்மா மாணவர்களை மூளை சலவை செய்யவே இந்த மாதிரியான அக்கறை அவர்களுக்கு , புத்தியுள்ளவர்கள் இதனை புத்தியோடு புரிந்து புழைத்து விடுவார் சில அப்பாவி மாணவர்கள் ஆழம் தெரியாமல் காலை விட்டு மாட்டி கொள்வார்கள்

ம... புரிந்தது சோகம்

Sponsored content · Sponsored content

கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

Re: கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

Re: கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

Re: கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

Re: கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

Re: கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

Re: கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

Re: கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

Re: கோவை மற்றும் மதுரையில் வழிகாட்டி நிகழ்ச்சி கோலாகல துவக்கம்-30-03-2012

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக