இங்கிலாந்துக்கு எதிரான டெஸ்ட்: இலங்கை வலுவான நிலை

இலங்கை மற்றும் இங்கிலாந்து அணிகளுக்கு இடையிலான முதலாவது டெஸ்ட் போட்டியில் முதல் இன்னிங்சிற்காக துடுப்பெடுத்தாடிய இலங்கை அணி ஜயவர்தனவின் சதத்துடன் வலுவான நிலையில் உள்ளது.

ஸ்டிரோஸ் தலைமையிலான இங்கிலாந்து கிரிக்கெட் அணி இலங்கையில் விளையாடி வருகிறது. இங்கிலாந்து-இலங்கை இடையிலான 2 டெஸ்ட் கொண்ட தொடரில் முதலாவது டெஸ்ட் போட்டி காலியில் நேற்று ஆரம்பமானது. நாணய சுழற்சியில் வெற்றி பெற்று துடுப்பாட்டத்தை தெரிவு செய்த இலங்கைக்கு தொடக்கத்திலேயே அதிர்ச்சிகள் காத்திருந்தன. திரிமன்னே 3 ஓட்டங்கள், சங்கக்கரா 0இ தில்ஷன் 11ஓட்டங்கள்,அடுத்தடுத்து வேகப்பந்து வீச்சில் வீழ்ந்தனர். இதன் பின்னர் மஹேல ஜயவர்த்தன சக வீரர்கள் சமரவீரா 20 ஓட்டங்கள்இ சன்டிமால் 27ஓட்டங்கள்இ பிரசன்ன ஜயவர்த்தன 23ஓட்டங்கள் ஆகியோரிடம் இருந்து கிடைத்த குறுகிய நேர ஒத்துழைப்புடன் அணியை சரிவில் இருந்து ஓரளவு மீட்டார். தனது 30ஆவது டெஸ்ட் சதத்தையும் பூர்த்தி செய்தார். சதத்திற்கு பிறகு வேகமாக ஓட்டம் சேகரிப்பில் ஈடுபட்ட ஜயவர்த்தன 168 ஓட்டங்கள் (290 பந்துஇ 20 பவுண்டரிஇ 3 சிக்சர்) குவித்து இறுதிவரை களத்தில் நின்றார்.முதல் நாள் ஆட்ட நேர முடிவில் இலங்கை அணி முதல் இன்னிங்சில் 8 விக்கெட்டுக்கு 289 ஓட்டங்கள் எடுத்திருந்தது. ஜயவர்த்தன 90இ 147இ 152 ஓட்டங்களில் முறையே பிடியெடுப்பு கண்டத்தில் இருந்து தப்பி பிழைத்தார். இல்லாவிட்டால் இலங்கை அணி அனைத்து விக்கெட்டுகளையும் இழந்தது.

தொடர்ந்து இன்று துடுப்பெடுத்தாடிய இலங்கை அணி சகல விக்கெட்டுகளையும் இழந்து 318 ஓட்டங்களை பெற்றது.

ஜயவர்த்தன நேற்று புதிய சாதனை ஒன்றுக்கும் சொந்தக்காரர் ஆனார். காலி மைதானத்தில் அவர் 2 ஆயிரம் ஓட்டங்களை (மொத்தம் 2100 ஓட்டங்கள்) கடந்தார். இதன் மூலம் டெஸ்ட் கிரிக்கெட்டில் இரண்டு மைதானங்களில் 2 ஆயிரத்திற்கு மேல் ஓட்டம் குவித்த முதல் துடுப்பாட்ட வீரர் என்ற பெருமை அவருக்கு கிடைத்தது. அவர் ஏற்கனவே கொழும்பு எஸ்.எஸ்.சி. மைதானத்திலும் 2697 ஓட்டங்கள் சேர்த்திருப்பது குறிப்பிடத்தக்கது.
-வீரகேசரி இணையம் -

நம்ம பதுவுக்காக - இலங்கையை கிரிக்கெட்டில் மட்டும் வாழ்த்தலாம்.

கொலவெறி wrote:நம்ம பதுவுக்காக - இலங்கையை கிரிக்கெட்டில் மட்டும் வாழ்த்தலாம்.

நன்றி கொலவெறி சார்