"மஞ்சள் துண்டு போடுபவர்கள் பெரியாரைப் பற்றி பேச அருகதையில்லை'

சென்னை : சட்டசபையில், தி.மு.க., உறுப்பினர் சிவசங்கரன் பேசும்போது, கடும் சலசலப்பு ஏற்பட்டது. விவாதம் விவரம்: சிவசங்கரன், பேச்சை ஆரம்பிக்கும்போதே தெரிவித்த ஒரு கருத்துக்கு, அ.தி.மு.க., உறுப்பினர்கள் கடும் எதிர்ப்பு தெரிவித்தனர். "சட்டசபையில் எதைப் பேச வேண்டும்; எதை பேசக்கூடாதென்று விதிகள் இருக்கின்றன. அதை, உறுப்பினர் படித்துவிட்டு வர வேண்டும்' என, நிதியமைச்சர் பன்னீர்செல்வம் கூறினார். அதற்கு, "பெரியாரைப் பற்றித்தான் பேசுகிறேன்; அதுவும் கூடாதா?' என, சிவசங்கரன் கேள்வி எழுப்பினார்.

உடனே, அமைச்சர் செங்கோட்டையன் எழுந்து,""மஞ்சள் துண்டு போடுபவர்கள், பெரியாரைப் பற்றி பேச அருகதையில்லை'' என்றார். இதன்பின் நடந்த விவாதம்: சிவசங்கரன்: அரியலூர் மற்றும் பெரம்பலூர் மாவட்டங்களை முன்னேற்றுவதற்காக, தி.மு.க., ஆட்சியில், பல்வேறு திட்டங்கள் செயல்படுத்தப்பட்டன. உணவுத்துறை அமைச்சர் காமராஜ்: எல்லாம் சரி! அ.ராசாவை விட்டுட்டீங்களே? சிவசங்கரன்: தாராளமாகச் சொல்கிறேன். இந்த மாவட்டங்களின் முன்னேற்றத்திற்காக பாடுபட்ட முன்னாள் மத்திய அமைச்சர் அ.ராசாவிற்கு இந்நேரத்தில் நன்றி தெரிவிக்கிறேன்.

இதைத் தொடர்ந்து, உறுப்பினர் பேசிய கருத்துக்கள் சலசலப்பை ஏற்படுத்தின. உடனே, ""நீங்கள் எதிர்பார்ப்பது போல் பேசுகிறேன்' எனக் கூறிவிட்டு,""அன்பின் உருவாய்... விசுவாசத்திற்கு இலக்கணமாய் இருந்தாலும், எனக்குப் பிடித்த பச்சைத் தமிழனாக பன்னீர்செல்வம் இருக்கிறார்'' என, முந்தைய ஆட்சியில் தி.மு.க., தலைவர் பாராட்டியிருக்கிறார். இப்படி பேசுவது பிடிச்சிருக்கா...?'' என்றார் சிவசங்கரன். உடனே, பன்னீர்செல்வம் எழுந்து,""நான் ஏற்றுக்கொண்ட ஒரே தலைவர், அ.தி.மு.க., பொதுச்செயலர் மட்டும் தான். முந்தைய ஆட்சிக் காலத்தில், இதுபோல் என்னை தேவையில்லாமல் சிலர் வம்புக்கு இழுத்து பேசினர். இப்போது, அந்த வேலையை சிவசங்கரன் செய்கிறார். தேவையில்லாமல், ஆடு நனைகிறதே என ஓநாய் கவலைப்படுவது போல் பேச வேண்டாம்'' என்றார்.

பின்ன என்ன பச்சை சேலை கட்டனனுமா செங்கோட்டையன்

வடிவேலு இல்லாத குறை இல்லை இப்போ.. எல்லாம் இங்கே நடக்கிறது

அப்ப அம்மா காலில் சாஷ்டாங்கமா விழரவங்களுக்கு அருகதை இருக்காமா?

கொலவெறி wrote:அப்ப அம்மா காலில் சாஷ்டாங்கமா விழரவங்களுக்கு அருகதை இருக்காமா?

பண்ணுறதா வெளிப்படையா பண்ண வேண்டியது தானே , அதை விட்டுட்டு மஞ்சள் துண்டு வீட்டிற்கு வெளியே பிள்ளையார் கோவில் என்று ஏன் கேவலமான நாடகங்கள்

இந்த கும்பல் கிட்ட நாம ஏன் இதை எல்லாம் எதிர்பார்க்கனும்?