ஏர்வாடி தர்காவில் மனநலம் பாதித்தவர்களை மரத்தில் கட்டி வைக்கும் படலம் மீண்டும் துவக்கம்

**சிவா** · **சிவா** Tue Mar 27, 2012 12:34 am

கீழக்கரை : ஏர்வாடி பாதுஷா நாயகம் தர்கா வளாகத்தில், ஏராளமான மனநோயாளிகள், மரத்தில், சங்கிலியால் கட்டி வைக்கப்பட்டுள்ளனர்.ராமநாதபுரம் மாவட்டம் ஏர்வாடியில், பாதுஷா நாயகம் தர்காவிற்கு மனநலம் பாதித்தோரை அழைத்து வந்து, பிரார்த்தனை செய்தால் குணமடைவதாக மக்கள் நம்புகின்றனர். இங்கு, 2001, ஆக., 6ம் தேதி ஏற்பட்ட தீ விபத்தில், சங்கிலியால் கட்டப்பட்டிருந்த பெண்கள் உட்பட, 27 பேர் கருகி பலியாகினர். அங்கு இயங்கி வந்த, 17 தனியார் மனநலக் காப்பகங்களை மூட, அரசு உத்தரவிட்டது. தர்கா வளாகத்திலும், மன நோயாளிகளை, சங்கிலியால் கட்டி வைக்க, நிர்வாகத்தினர் தடை விதித்தனர்.மனநல காப்பகங்கள் இல்லாததால், மனநோயாளிகளை அழைத்து வரும் வெளியூர் பக்தர்கள் திண்டாடுகின்றனர். இதை சாதகமாக்கும் உள்ளூர் நபர்கள், பராமரிப்பு, பாதுகாப்பு என்ற பெயரில், பெரும் தொகையை பெற்றுக் கொண்டு, இரவில் தர்கா வளாகத்தில், மனநோயாளிகளை மரத்தில் சங்கிலியால் கட்டி வைக்கின்றனர்.

தர்கா நிர்வாக அலுவலர் சிராஜ்தீன் கூறியதாவது:நிர்வாகத்திற்கு தெரிவிக்காமல் மனநோயாளிகளை சங்கிலியால் கட்டி போட்டு சென்று விடுகின்றனர். சங்கிலியை கழற்றினால், பக்தர்களுக்கு பல பிரச்னைகள் ஏற்படும் என்பதால் நடவடிக்கை எடுக்க முடியவில்லை.சங்கிலியால் சிறை வைக்கப்பட்டுள்ள மற்றும் ரோடுகளில் சுற்றித் திரியும் மனநோயாளிகளை மீட்டு, காப்பகங்களில் சேர்க்க, மாவட்ட நிர்வாகம் முன்வர வேண்டும்.இவ்வாறு சிராஜ்தீன் கூறினார்.

கலெக்டர் நந்தகுமார் கூறுகையில், ""சங்கிலியில் கட்டி வைக்கக் கூடாது. மனநல காப்பகத்தில் சேர்க்க நடவடிக்கை எடுக்க வேண்டும்,'' என்றார்.

தினமலர்

**Aathira** · **Aathira** Tue Mar 27, 2012 12:36 am

இது என்றும் தொடர்கதை.. சொந்தக் காரங்களே இப்படி செய்தால் என்ன செய்வது. பாவம் சோகம்

இந்த பதிவைத் துவங்கியவர் நன்றி கூறியுள்ளார் Aathira

யினியவன் · யினியவன் Tue Mar 27, 2012 12:38 am

நிஜம்மாவே சொல்லனூன்னா இந்த மாதிரி கட்டி வைக்கறவங்க தான் மன நிலை பாதிக்கப் பட்ட மூடர்கள்.

என்னிக்கு தெளியப் போவுதோ இந்த ஆசாமிகளின் மூட நம்பிக்கை அதுவும் சாமியின் பெயரால்.

**ராஜா** · **ராஜா** Tue Mar 27, 2012 10:59 am

அட கடவுளே , எப்படி தான் இது போல கொடுமை படுத்த மனம் வருதோ

Sponsored content · Sponsored content

ஏர்வாடி தர்காவில் மனநலம் பாதித்தவர்களை மரத்தில் கட்டி வைக்கும் படலம் மீண்டும் துவக்கம்

ஏர்வாடி தர்காவில் மனநலம் பாதித்தவர்களை மரத்தில் கட்டி வைக்கும் படலம் மீண்டும் துவக்கம்

Re: ஏர்வாடி தர்காவில் மனநலம் பாதித்தவர்களை மரத்தில் கட்டி வைக்கும் படலம் மீண்டும் துவக்கம்

Re: ஏர்வாடி தர்காவில் மனநலம் பாதித்தவர்களை மரத்தில் கட்டி வைக்கும் படலம் மீண்டும் துவக்கம்

Re: ஏர்வாடி தர்காவில் மனநலம் பாதித்தவர்களை மரத்தில் கட்டி வைக்கும் படலம் மீண்டும் துவக்கம்

Re: ஏர்வாடி தர்காவில் மனநலம் பாதித்தவர்களை மரத்தில் கட்டி வைக்கும் படலம் மீண்டும் துவக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக