அமெரிக்க மீடியாவில் இந்தியர்கள் ஆதிக்கம்

**krishnaamma** · **krishnaamma** Tue Mar 20, 2012 7:45 pm

வாஷிங்டன் : இரண்டு மாநிலங்களுக்கு கவர்னர், ஆயிரம் கோடி டாலர் தொழில் அதிபர்களில் 2 பேர், அரசு உயர் பதவியில் 10க்கும் மேற்பட்டவர்கள்... இப்படி அமெரிக்காவில் ஆதிக்கம் செலுத்தும் இந்தியர்கள், அந்நாட்டு மீடியாவிலும் முன்னிலை வகிப்பது இப்போது தெரிய வந்துள்ளது. உலக புகழ் பெற்ற ‘டைம்’ பத்திரிகையின் ‘எடிட்டர் அட் லார்ஜ்’ என்ற உயர் பதவியில் அபரிசம் பாபி கோஷ் என்ற இந்தியர் உள்ளார். டைம் பத்திரிகையின் மிகப் பெரிய சொத்துகளில் அவர் ஒருவர் என்று அந்த பத்திரிகையின் ஆசிரியர் ரிச்சர்ட் வர்ணிக்கிறார். அதே பத்திரிகையில் ஆசிரியர் குழுவில் உள்ள பரீக் ஜகாரியாவும் இந்தியர். வெளியுறவு கொள்கை ஆலோசகரான இவரும் டைம் பத்திரிகையின் முதுகெலும்பு என்று பெயர் எடுத்தவர்.

அமெரிக்க முன்னணி செய்தி நிறுவனமான சிஎன்என் டிவியில் வார இறுதி தொகுப்புகளை நடத்துவதில் ஒட்டுமொத்த அமெரிக்க நேயர்களை கவர்ந்த இந்தியர் ஜகாரியா. அதே, சிஎன்என் குழுமத்தின் தலைமை மருத்துவ நிருபரான சஞ்சய் குப்தாவும் இந்தியர். ஜப்பானின் ஏற்பட்ட பூகம்பம், சுனாமி மற்றும் ஹைதி நாட்டின் பூகம்பம், இதுவரை ஏற்படாத பாகிஸ்தான் வெள்ளம் ஆகியவற்றின்போது குப்தா வழங்கிய செய்திகள் உலகம் எங்கும் வரவேற்பை பெற்றன. இஎஸ்பிஎன் விளையாட்டு சேனலின் வளர்ச்சி அதிகாரி வின்னி மல்கோத்ரா ஏற்கனவே ஏபிசி நியூஸ் சேனலின் செய்தி தயாரிப்பாளராக இருந்தவர். சமீபத்தில் சிஎன்என் குழுமத்துக்கு மாறியுள்ளார்.