ஆசை வார்த்தைப் பேசி மோசம் செய்த தமிழக முதல்வர் : உதயக்குமார்

First topic message reminder :

நெல்லை: கூடங்குளம் அணு உலை குறித்த தமிழக அரசின் முடிவிற்கு போராட்டக்குழுவினர் கண்டனம் தெரிவித்துள்ளனர். கூடங்குளம் அணு உலை போராட்டம் இன்றோடு 217 நாளை எட்டியுள்ளது. இதற்கிடையே இன்று கூடிய தமிழக அமைச்சரவை, கூடங்குளம் அணுமின் நிலையத்தை திறக்கலாம் என்ற கருத்தை தெரிவித்துள்ளது. இதுதொடர்பாக போராட்டக்குழுவின் ஒருங்கிணைப்பாளர் உதயக்குமார் கூறியதாவது, தமிழக அரசின் இந்த தீர்மானம் அப்பகுதி மக்களிடையே பெரும் ஏமாற்றத்தையும், வருத்ததையும் ஏற்படுத்தியுள்ளது. தமிழக அமைச்சரவை தீர்மானம் மிகவும் துரதிஷ்டமானது. முதல்வர் தமிழக மக்களோடு இருக்கிறார் என்று நம்பியிருந்த வேளையிலே, இப்படிப் பட்ட ஒரு பெரிய குண்டை தூக்கி போட்டிருப்பது உண்மையிலே மக்களுக்கு அதிர்ச்சியையும், ஆச்சர்யத்தையும் அளிக்கிறது என்று உதயக்குமார் கூறினார்.

இதனையடுத்து, ஈழத்திலே இனப்படுகொலை செய்யப்பட்ட மக்களுக்கு இறுதியாக நீதி கிடைக்கக்கூடிய ஒரு வாய்ப்பு உருவாகிக் கொண்டிருந்த சூழலிலே, இந்திய தமிழர்களுக்கு எதிராக இப்படி ஒரு பெரிய அணுகுண்டு வீசப்பட்டிருப்பது மிகுந்த வருத்தத்தையும், கவலையையுமே அளிக்கிறது என்று கூறிய அவர், தன் கூட்டாளிகளோடு தானும் கைது செய்யப்பட்டாலும் அணு உலை மூடும் வரை அப்பகுதி குழந்தைகளாவது போராடிக் கொண்டு தான் இருப்பார்கள் என்றும் கூறினார். மேலும், உங்களுள் ஒருத்தியாக தான் நான் இருப்பேன் என்றும், உள்ளூர் மக்களின் ஆதரவு தான் எனக்கும் என் அரசுக்கும் தேவை என்றும் ஆசை வார்த்தைகள் பேசிய தமிழக முதல்வர் இன்று அமைச்சரவையில் வெளியிட்ட அறிக்கையின் மூலம் தங்களை மோசம் செய்ததாகவும் போராட்டக்குழுவின் ஒருங்கிணைப்பாளர் உதயக்குமார் வருத்தம் தெரிவித்துள்ளார் என தகவல்கள் வெளியாகியுள்ளன.

tinakaran

திருத்தி விட்டேன் சிவா அய்யா .. மன்னிக்கவும்