தீக்குளித்த வாலிபர் கட்டிப்பிடித்தார் நிச்சயிக்கப்பட்ட பெண் கருகி சாவு

இரா.பகவதி · இரா.பகவதி Mon Mar 19, 2012 1:40 pm

First topic message reminder :

பேச மறுத்ததால் ஆத்திரம்
தீக்குளித்த வாலிபர் கட்டிப்பிடித்தார் நிச்சயிக்கப்பட்ட பெண் கருகி சாவு

தீக்குளித்த வாலிபர் கட்டிப்பிடித்தார் நிச்சயிக்கப்பட்ட பெண் கருகி சாவு - Page 2 Tamil-Daily-News-Paper_14942133427

திருப்போரூர் : பேச மறுத்ததால் ஆத்திரமடைந்த வாலிபர் தீக்குளித்தபடி, திருமணம் நிச்சயிக்கப்பட்ட பெண்ணை கட்டிப்பிடித்ததால் படுகாயமடைந்த அவர் சிகிச்சை பலனின்றி இறந்தார். மாமல்லபுரம் அருகேயுள்ள கொக்கிலமேடு கிராமம் மீனவர் பகுதியை சேர்ந்தவர் ஏழுமலை. இவரது மகன் கணபதி(24), மீனவர். அதே பகுதியை சேர்ந்தவர் சுப்பிரமணி. இவரது மகள் சரசு (18).

கணபதி, சரசு இருவரும் காதலர்கள். எனவே, இரு வீட்டாரும் அவர்களுக்கு திருமணம் செய்து வைக்க முடிவு செய்தனர். கடந்த ஜனவரியில் நிச்சயதார்த்தம் நடந்தது. 2 மாதத்தில் திருமணம் நடப்பதாக இருந்தது. இந்நிலையில், கடந்த சில தினங்களாக கணபதியை பார்ப்பதை தவிர்த்து வந்தார் சரசு. மேலும் கணபதியுடன் பேசாமல் இருந்துள்ளார்.
நேற்று காலை 6 மணியளவில், கணபதி வீட்டின் வழியாக சரசு நடந்து சென்றார். அப்போது, வீட்டுக்கு வருமாறு சரசுவிடம் கூறினார் கணபதி. அப்போது, அவர்களுக்குள் வாக்குவாதம் ஏற்பட்டுள்ளது.

இதில், ஆத்திரமடைந்த கணபதி வீட்டில் இருந்த மண்ணெண்ணெயை எடுத்து வந்து தனது உடலில் ஊற்றி தீ வைத்துக் கொண்டார். அருகில் இருந்த சரசுவையும் கட்டிப் பிடித்தார். இதில் இருவரும் தீக்காயம் அடைந்தனர். அக்கம்பக்கதினர் ஓடி வந்து தீயை அணைத்து, இருவரையும் செங்கல்பட்டு அரசு மருத்துவமனையில் சேர்த்தனர். சிகிச்சை பலனின்றி சரசு இறந்தார். கணபதிக்கு தீவிர சிகிச்சை அளிக்கப்பட்டு வருகிறது. இதுகுறித்து, மாமல்லபுரம் போலீசார் வழக்கு பதிவு செய்து விசாரிக்கின்றனர். கணபதி தீ வைத்துக் கொண்டபோது, அவரது குடிசை வீடு தீப்பிடித்தது. வீட்டிலிருந்த பொருட்களும் எரிந்து சாம்பலானது.

thinakaran