சுழன்று அடிக்கிறதே இதய பந்து-அதி

அதி · அதி Sat Mar 17, 2012 6:49 pm

First topic message reminder :

நீயின்றி வெற்றிடமாய் இருக்கும்
இதயத்தை எனக்கே பிடிப்பதில்லை!
நாணம் தவிர்த்து உன் கண் பார்த்து
நானாக காதல் சொல்லும்
தைரியமும் எனக்கில்லை!
கரம் பிடித்தால் தான்
துணை நிற்பாயா?
காதல் சொல்ல நீயாகவே
முன் வர மாட்டாயா?

சொல்வாய்.....சொல்லிவிடுவாய் என்றெண்ணி
தினந்தினம் உள்ளுக்குள் ஏமாந்தேன்!
இதயக்கனவு இன்றாவது நிறைவேறுமா
என எதிர்ப்பார்த்தே நான் வீணானேன்!
உனைப் பிரியும் முன்பே உயிர் பிரியாதோ என
நான் ஏங்கி தவித்ததில் உண்டான வலி மறக்க,
இறுதியாய் காதல் சொல்லி இதமாக
மனதுக்கு மருந்திட்டாய் ஒரு மழை நாளில்!

மகிழ்ச்சி தாளாமல் என் நெஞ்சம் விம்ம
அதற்கும் போட்டியாய்
வெடித்து சிதறியது மேகக்கூட்டம்!
சிந்தும் மழைத் துளிகளுக்கு
முகம் காட்டி நான் நின்ற நேரம்,
பக்கம் வந்த உன் முரட்டு கைகள்
மென்மையாய் என் தோள் தழுவ,
கண்ணுக்கும் வலிக்குமோ என அங்கே
மெதுவாய் உன் இதழ் உரசி போனபோது,
பிரபஞ்சத்தில் மட்டுமா?
என்னுள்ளும் மாறியது வானிலை!

உன் கருவிழி பூக்கள் அசைந்தாடி பார்க்கையில்
சுற்றுவது பூமி மட்டுமா?
சுழன்று அடிக்கிறதே என் இதய பந்தும்!
மார்பினில் சாய்த்து காதோரம் நீ சொன்ன வார்த்தை
ஐயோ
மறுபடியும் உணர்கிறேன் மனதுக்குள் மழைச்சாரல்!

அதி · அதி Mon Mar 19, 2012 8:24 pm

ரா.ரா3275 wrote:உணர்வுகளை எழுத்துக்களில் இறக்கும் கலை உங்களுக்குக் கை வருகிறது...அதுவே உண்மை...யோசிக்காமல் எழுத முடியாது...எழுதாமல் யோசிக்கவும் முடியாது..

நீங்க சொன்னா ஒத்துக்க வேண்டியது தான்.....நன்றி ரா.ரா

**ரா.ரா3275** · **ரா.ரா3275** Mon Mar 19, 2012 10:38 pm

அதிபொண்ணு wrote:
ரா.ரா3275 wrote:உணர்வுகளை எழுத்துக்களில் இறக்கும் கலை உங்களுக்குக் கை வருகிறது...அதுவே உண்மை...யோசிக்காமல் எழுத முடியாது...எழுதாமல் யோசிக்கவும் முடியாது..
நீங்க சொன்னா ஒத்துக்க வேண்டியது தான்.....நன்றி ரா.ரா

நீங்க ஒத்துக்கிட்டா மகிழ்ச்சிதான்...நன்றி அதிபொண்ணு...

Sponsored content · Sponsored content

சுழன்று அடிக்கிறதே இதய பந்து-அதி

சுழன்று அடிக்கிறதே இதய பந்து-அதி

Re: சுழன்று அடிக்கிறதே இதய பந்து-அதி

Re: சுழன்று அடிக்கிறதே இதய பந்து-அதி

Re: சுழன்று அடிக்கிறதே இதய பந்து-அதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக