திருமண நிதியுதவி திட்டத்திற்கு விண்ணப்பம் : ஆன்லைனில் பதிவு

வேலூர்: தமிழகத்தில் பல்வேறு வளர்ச்சி திட்டங்கள் செயல்படுத்தப்பட்டு வருகின்றன. அவற்றில் ஏழை பெண்களுக்கு திருமண உதவித்தொகை திட்டமும் ஒன்று. இந்த திட்டத்தில் கீழ், விண்ணப்பிப்பவர்களுக்கு பணம் மற்றும் தாலிக்கு தங்கம் வழங்கப்படுகிறது. ஆனால் இந்த திட்டத்தில் விண்ணப்பித்து ஒரு சிலர் முறைகேடு செள்வதாக புகார் கூறப்படுகிறது. அதாவது ஏற்கனவே திருமணம் நடந்தவர்கள் கூட, புதிதாக திருமண பத்திரிகை அச்சிட்டு உதவித்தொகை கேட்டு விண்ணப்பிக்கின்றனர் என புகார் எழுந்தது.

மேலும் குறித்த நேரத்தில் மனுவை விண்ணப்பிக்காமல் திருமணத்திற்கு ஓரிரு நாட்களுக்கு முன் விண்ணப்பிப்பதாகவும், இடைத்தரகர்கள், சில அரசியல்வாதிகள் மூலமும் திருமண உதவித்தொகை பெறுவதாகவும் புகார் கூறப்படுகிறது. இதுபோன்ற முறைகேட்டை தடுக்க அரசு பல்வேறு நடவடிக்கை எடுத்து வருகிறது. இதன் ஒரு பகுதியாக சமூக நலத்துறை மூலம் பெறப்படும் அனைத்து மனுக்களையும் ஆன்லைனில் பதிவு செய்யும் திட்டத்தை அறிமுகப்படுத்தியுள்ளது.

முதற்கட்டமாக கிருஷ்ணகிரி, ஈரோடு, கோவை உள்ளிட்ட 7மாவட்டங்களில் ஆன்லைனில் பதிவு செய்யும் முறை அமல்படுத்தப்பட்டது. அடுத்த கட்டமாக ஏப்ரல் 1ம் தேதி முதல் வேலூர், தி.மலை உட்பட அனைத்து மாவட்டங்களிலும் இந்த திட்டம் செயல்படுத்தப்பட உள்ளது. இது குறித்து சமூகநலத்துறை அதிகாரி ஒருவர் கூறுகையில், தமிழகத்தில் மூவலூர் ராமாமிர்தம் அம்மையார் திருமணநிதியுதவி, கலப்பு திருமண நிதியுதவி, விதவைமகள் திருமண நிதியுதவி, ஆதரவற்ற பெண் திருமண நிதியுதவி மற்றும் விதவை மறுமண நிதியுதவி திட்டம் என 5 வகையான திருமண உதவித்தொகை வழங்கப்படுகிறது.

இதில் 10 மற்றும் 12ம் வகுப்பு படித்த பெண்களுக்கு ரூ.25 ஆயிரமும், தாலிக்கு4 கிராம் தங்கமும், பட்டப்படிப்புமுடித்த பெண்களுக்கு ரூ.50 ஆயிரமும் தாலிக்கு 4 கிராம் தங்கமும் வழங்கப்படுகிறது. இந்நிலையில் ஒருசிலர், முறைகேடாக விண்ணப்பித்து இத்திட்டத்தில் உதவி பெறுவதை தவிர்க்கஅனைத்து மனுக்களும் ஆன்லைனில் பதிவு செய்யப்பட உள்ளது. எனவே திருமணத்திற்கு 40 நாட்களுக்கு முன்கூட்டியே விண்ணப்பிக்க வேண்டும். இதற்கென கூடுதலாக கணினிகள் வரவழைக்கப்பட்டு அனைத்து மாவட்டங்களிலும் பணிகள் நடந்து வருகிறது. இந்ததிட்டம் ஏப்ரல் 1ம் தேதி முதல் அனைத்து மாவட்டங்களிலும் அமலுக்கு வருகிறது என்றார்.


தினகரன்

உண்மையான தேவை உள்ளவர்களை சென்றடைந்தால் நலம்

உண்மையான தேவை உள்ளவர்களை சென்றடைந்தால் நலம்

அது எப்படி சென்றடையும் அவ்வாறு நடக்க நமது தலைவர்கள் தான் விடுவார்களா

இதே பணத்த அவங்க சுய தொழில் துவங்க கொடுக்கலாமே.

இந்த திட்டங்கள் ஒட்டு வாங்க அப்புறம் மக்களை முட்டாளாவே ஆக்கரதுக்காக கொண்டு வந்த திட்டம் போல் தான் தெரிகிறது எனக்கு.

தொழில் துவங்க கொடுத்தால் அவர்களே இத விட நல்லா கல்யாணம் செஞ்சிட்டு போறாங்க.

இது எல்லோருக்கும் கிடைக்காது. இதில் ஏகப்பட்ட நிபந்தனைக்கக் உள்ளது.