"எனக்காகக் காத்திருந்த முத்தம்"......

**rameshnaga** · **rameshnaga** Fri Mar 16, 2012 8:03 pm

நாட்களின் கணக்கில்-
இன்றொரு புது வருடம் பிறந்திருக்கிறது.
நேற்றோடு-
எங்களிடமிருந்து ஒரு வருடம் ஒன்று
தொலைந்து போய்விட்டது.
நேற்றைப் போலவே...இன்றும் எல்லாம்-
அதனதன் இயல்பில்தாம் இருந்தன இயற்கையில்.
என்றாலும்-
நாங்கள்தாம் இயல்பு மாறி-
வழமையான ஒரு நாளைப்-
புதுவருடமாக்கிக் கொண்டிருந்தோம்.
எப்போதுமே-
ஆறாம் அறிவே...கற்பனைதானே.
********************************************************************************
நிகழ்காலத்தை ஒதுக்கி வைத்துவிட்டு
நான் நடந்து போகத் துவங்கினேன்...
எனது இறந்த காலத்தில்.
நடந்து செல்கையில்-
மாறிக் கொண்டே இருந்தது எனது முகம்.
ஒரு சமயத்தில்-
அது மனித முகமாயும் இல்லை.
இப்போது நான்-
தவ்வியோ., தவழ்ந்தோ., ஊர்ந்தோ செல்கிறேன்.
இறுதியில்-
இறந்த காலத்தின் எல்லையைக் கடந்து
அதன் ஆரம்பத்தில் நான் அமர்ந்த போது...
அந்த இடத்தில்-
என்னை முத்தமிடத் தயாராய் இருந்தது.....
இயற்கையின் புன்னகை.
************************************************************************

அதி · அதி Fri Mar 16, 2012 8:07 pm

என்னை முத்தமிடத் தயாராய் இருந்தது.....
இயற்கையின் புன்னகை.
அருமையாய் இருக்கு அண்ணா

**rameshnaga** · **rameshnaga** Fri Mar 16, 2012 8:08 pm

ரொம்பவும் நன்றி! அதிபொண்ணு.

**rameshnaga** · **rameshnaga** Sat Mar 17, 2012 12:55 pm

rameshnaga wrote:ரொம்பவும் நன்றி! அதிபொண்ணு.

dhilipdsp · dhilipdsp Sat Mar 17, 2012 12:56 pm

நிகழ்காலத்தை ஒதுக்கி வைத்துவிட்டு
நான் நடந்து போகத் துவங்கினேன்...
எனது இறந்த காலத்தில்.
நடந்து செல்கையில்-
மாறிக் கொண்டே இருந்தது எனது முகம்
அருமை அண்ணா