இன்று இந்தியா- வங்கதேசம் பலப்பரீட்சை

First topic message reminder :



ஆசிய கோப்பை லீக் போட்டியில் இன்று இந்தியா, வங்கதேச அணிகள் மோதுகின்றன. முதல் போட்டியில் வென்ற உற்சாகத்தில் உள்ள இந்திய அணி, தனது அசத்தலை தொடரலாம். பலம் குன்றிய வங்கதேசத்துக்கு எதிராக தனது 100வது சதத்தை அடிக்க, சச்சினுக்கு நல்ல வாய்ப்பு கிடைத்துள்ளது.
இந்தியா, பாகிஸ்தான் இலங்கை மற்றும் வங்கதேசம் என நான்கு நாடுகள் பங்கேற்கும், 11வது ஆசிய கோப்பை கிரிக்கெட் தொடர், மிர்புரில் நடக்கிறது. இதில் இன்று நடக்கும் லீக் போட்டியில் இந்திய அணி, வங்கதேசத்தை சந்திக்கிறது.
இலங்கைக்கு எதிரான முதல் லீக் போட்டியில் 50 ரன்கள் வித்தியாசத்தில் வெற்றி பெற்ற இந்திய அணி, வங்கதேசத்துக்கு எதிரான போட்டியை எளிதாக எடுத்துக் கொள்ளக்கூடாது. இதற்கேற்ப கடந்த போட்டியில் சதம் அடித்த காம்பிர், விராத் கோஹ்லி இன்றும் அபார ஆட்டத்தை தொடர வேண்டும்.
கடந்த 33 இன்னிங்ஸ்களாக சதம் அடிக்கும் முயற்சியில் தோற்று வரும் சச்சினுக்கு, இன்று நல்ல நாளாக அமையட்டும். பலம் குன்றிய வங்கதேசத்துக்கு எதிராக 100வது சதம் அடிப்பார் என எதிர்பார்க்கப்படுகிறது. கேப்டன் தோனி, ரெய்னா ஆகியோருடன் ரோகித் சர்மாவும் வேகமாக ரன்கள் சேர்க்க வேண்டும். தொடர்ந்து ஏமாற்றி வரும் ரவிந்திர ஜடேஜாவுக்குப் பதில் இன்று யூசுப் பதான் களம் காணலாம். இருப்பினும், ஆஸ்திரேலிய தொடரில் இருந்து ஒரு போட்டியில் கூட வாய்ப்பு கிடைக்காமல், இருக்கும் மனோஜ் திவாரிக்கு இன்றும் இடம் கிடைப்பது சிக்கல் தான்.
இர்பான் நம்பிக்கை:
வேகப்பந்து வீச்சில் இர்பான் பதான், வினய் குமார் அணிக்கு தேவையான நேரங்களில் விக்கெட் வீழ்த்துவது சாதகமானது. இலங்கையுடன் ஏமாற்றிய பிரவீண் குமார், இன்று எழுச்சி பெறலாம். இந்த கூட்டணியில் டின்டா இணைவது சந்தேகமே. சுழலில் அஷ்வின் தனது வேலையை சரியாகச் செய்வதால், ராகுல் சர்மா வேடிக்கை பார்க்க வேண்டியது இருக்கும்.
எழுச்சி பெறுமா:
பாகிஸ்தானுக்கு எதிரான முதல் லீக் போட்டியில் வெற்றிக்கு அருகில் வந்து கோட்டை விட்டது வங்கதேசம். இது இந்த வீரர்களின் அனுபவமின்மையை வெளிப்படுத்தியது. இதனால் இன்று கூடுதல் கவனத்துடன் விளையாட காத்திருக்கின்றனர். தமிம் இக்பால், சாகிப் அல் ஹசன் ஆகியோருடன், இம்ருல் கைய்ஸ், நஜிமுதீன், "ஆல் ரவுண்டர்' நாசர் ஹொசைன், கேப்டன் முஷிபிகுரும் ரன்சேர்க்க முயற்சிக்கலாம்.
மொர்டசா பலம்:
இந்திய துணைக்கண்டத்து ஆடுகளங்களின் தன்மை குறித்து வங்கதேச வீரர் மொர்டசாவுக்கு நன்கு தெரியும். இவரது அனுபவம் கைகொடுத்தால், இந்திய அணியை ரன்வேகத்துக்கு தடை போடலாம். தவிர, அப்துல் ரஜாக், சபியுல் இஸ்லாம், மகமதுல்லாவும் பவுலிங்கில் சாதிக்க முயற்சிக்கலாம்.
பைனல் வாய்ப்பு:
இன்றைய போட்டியில் இந்திய அணி வெல்லும் பட்சத்தில் பாகிஸ்தான் அணிக்கு எதிரான, பைனல் வாய்ப்பை உறுதி செய்யலாம். அதேநேரம், சொந்த மண்ணில் சாதித்துக் காட்டியாக வேண்டிய கட்டாயத்தில் உள்ள வங்கதேச அணியும் வெற்றிக்கு கடுமையாக போராடும்.

"2000' பவுண்டரி
சர்வதேச அளவில் 461 ஒருநாள் போட்டிகளில் பங்கேற்றுள்ள இந்திய அணியின் மாஸ்டர் பேட்ஸ்மேன் சச்சின், 48 சதங்கள் உட்பட 18,260 ரன்கள் (1999 பவுண்டரி) எடுத்துள்ளார். இன்று மேலும் ஒரு பவுண்டரி அடிக்கும் பட்சத்தில், 2000 பவுண்டரி அடித்த முதல் வீரர் என்ற பெருமை பெறலாம்.
டெஸ்ட் போட்டிகளைப் (188) பொறுத்தவரையில், 1995 பவுண்டரிகள் உட்பட, மொத்தம் 15,470 ரன்கள் எடுத்துள்ளார்.

கைகொடுக்குமா பயிற்சி
இந்திய அணியின் மாஸ்டர் பேட்ஸ்மேன் சச்சின், தனது 99வது சர்வதேச சதத்தை (51, டெஸ்ட், 48 ஒருநாள்), கடைசியாக (மார்ச் 12, 2011) தென் ஆப்ரிக்க அணிக்கு எதிரான உலக கோப்பை போட்டியில் அடித்து இருந்தார். இதன் பின் ஒரு ஆண்டு நிறைவுற்ற நிலையில், 33 இன்னிங்சில் ஒரு சதம் கூட அடிக்க முடியவில்லை.
இம்முறை சச்சின் சதம் காண்பதில் உறுதியாக உள்ளார். இதற்காக ரோகித் சர்மா, யூசுப் பதான், ராகுல் சர்மா ஆகியோரை பவுலிங் செய்யச் சொல்லி, 70 நிமிடங்களுக்கும் மேலாக தீவிர பேட்டிங் பயிற்சியில் ஈடுபட்டார்.
அப்போது, இவரது புதிய "ஹேர் ஸ்டைல்' குறித்து, எல்லோரும் ஜாலியாக பேசிக்கொண்டனர். சச்சின் வெட்கத்துடன் அவர்களுக்கு நன்றி கூறினார். எது எப்படியோ, சச்சின் இதுவரை இங்கிலாந்து, வெஸ்ட் இண்டீஸ், ஆஸ்திரேலியா மற்றும் இலங்கை போன்ற வலுவான அணிகளை சந்தித்து வந்தார். இன்று எதிர்கொள்ளும் வங்கதேச அணி, சற்று பலவீனமானது. ஆடுகளமும் இந்தியாவைப் போல இருப்பதால், இன்று எப்படியும் 100வது சதத்தை அடிக்க வாய்ப்பு உள்ளது.

நீண்ட இடைவெளி எது
சச்சின் தனது 78வது சத்தை (122), 2007ல் வங்கதேசத்துக்கு எதிரான மிர்புரில் எடுத்தார். இதன்பின் பங்கேற்ற 34 இன்னிங்சில், 15 அரைசதம் உட்பட 1559 ரன்கள் எடுத்த போதும், ஒரு சதம்கூட அடிக்கவில்லை. ஒருவழியாக 2008ல், சிட்னி டெஸ்டில் ஆஸ்திரேலிய அணிக்கு எதிராக 79வது சதம் (154) அடித்தார்.
இப்போது இரண்டாவது முறையாக 33 இன்னிங்சில் சதம் அடிக்காமல் உள்ளார்.
--
அதிக வெற்றி
இந்தியா, வங்கதேச அணிகள் இதுவரை 23 ஒருநாள் போட்டிகளில் மோதியுள்ளன. இதில் 21 முறை வென்ற இந்திய அணி, 2 போட்டியில் மட்டும் தோற்றது.
* மிர்புரில் பங்கேற்ற 12 போட்டிகளில், இந்திய அணி 9ல் வெற்றி பெற்றுள்ளது.
* வங்கதேசத்துக்கு எதிராக விளையாடிய 6 போட்டிகளிலும், இந்தியா தான் வென்றது.
* ஆசிய கோப்பை தொடரில், வங்கதேசத்துக்கு எதிராக பங்கேற்ற 8 போட்டிகளிலும், இந்தியா தான் வெற்றி பெற்றது.
* கடைசியாக நடந்த உலக கோப்பை தொடர் லீக் போட்டியில், இந்திய அணி 4 விக்கெட்டுக்கு 370 ரன்கள் எடுத்து தான், இங்கு எடுக்கப்பட்ட அதிகபட்ச ரன்கள்.
---
இவரும் கிளம்பிட்டாரு...
"எங்களுக்கு எதிராக சச்சினை 100வது சதம் அடிக்க விடமாட்டோம்,' இது தான் இங்கிலாந்தில் துவங்கி, வெஸ்ட் இண்டீஸ், ஆஸ்திரேலியா வரை, அந்தந்த அணி கேப்டன்களின் சபதமாக இருந்தது. இவர்கள் வரிசையில் வங்கதேச துணைக் கேப்டன் மகமதுல்லாவும் சேர்ந்துள்ளார். இவர் கூறுகையில்,"" சச்சின் சிறந்த வீரர் தான். தனது 100வது சதத்துக்காக நீண்ட நாட்களாக காத்திருக்கிறார். எங்களுக்கு எதிராக அவர் இச்சாதனை செய்வதை விரும்பவில்லை. சச்சினை விரைவில் அவுட்டாக்குவோம்,'' என்றார்.


தினமலர்

அண்ணா வருத்தம் வருகிறது .....
தோல்வி தோல்வி தோல்வி

dhilipdsp wrote:அண்ணா வருத்தம் வருகிறது .....
தோல்வி தோல்வி தோல்வி

விடு திலீப் பார்ப்போம் அடுத்த போட்டியை.

மீண்டும் தோல்வியா

எப்படி சொல்லிட்டு போன அவளவுதான்
என்ன தப்பு நம்ம டீம் கிட்ட பேட் டிங் இருக்கு அப் புரமும் பேட் டிங்
பேட் டிங் சொல்லி ஆள் சேகராங்க பௌலிங் வீக் கண்டுக மாட்டிங்காரங்க ?

dhilipdsp wrote:எப்படி சொல்லிட்டு போன அவளவுதான்
என்ன தப்பு நம்ம டீம் கிட்ட பேட் டிங் இருக்கு அப் புரமும் பேட் டிங்
பேட் டிங் சொல்லி ஆள் சேகராங்க பௌலிங் வீக் கண்டுக மாட்டிங்காரங்க ?

அப்படி இல்லை திலீப். மட்டையாளர்களுக்கு பெரும்பாலும் காயம் ஏற்படாது. ஆனால் பந்துவீச்சாளர்கள் அப்படி இல்லை. எளிதாக காயம் ஆகிவிடுவார்கள்.

இவர்கள் வங்க தேச பெண்கள்

நம்ம நாட்டில் மட்டும் தான் பந்துவீச்சாளர்கள் உள்ளார்களா அண்ணா
நம் நாட்டை பொருத்தவரை பந்துவீச்சாளர்கள் புதிதாக சேர்த்து கொள்வதில் ஆர்வம் குறைவு ...............

கே. பாலா wrote:
இவர்கள் வங்க தேச பெண்கள்

நம்பிட்டோம்.

மகா பிரபு wrote:

கே. பாலா wrote:
இவர்கள் வங்க தேச பெண்கள்

நம்பிட்டோம்.

நாம்ம ஊரு பெண்கள் அண்ணாவுக்கு பிடிக்கவில்லை என்று நினைக்கிரேன்

dhilipdsp wrote:நம்ம நாட்டில் மட்டும் தான் பந்துவீச்சாளர்கள் உள்ளார்களா அண்ணா
நம் நாட்டை பொருத்தவரை பந்துவீச்சாளர்கள் புதிதாக சேர்த்து கொள்வதில் ஆர்வம் குறைவு ...............

சரி நடக்கட்டும்...