கூடங்குளம் அணுமின் நிலையம் விரைவில் செயல்படத்துவங்கும்

**சிவா** · **சிவா** Thu 15 Mar 2012 - 21:41

மதுரை : ""மாநில அரசு ஒத்துழைப்புடன் கூடங்குளம் அணுமின் நிலையம் விரைவில் செயல்படும்,'' என, திட்ட இயக்குனர் சுந்தர் தெரிவித்தார்.

மதுரையில் அண்ணா தொழில்நுட்ப பல்கலையில் நேற்று நடந்த அணுமின் விழிப்புணர்வு கருத்தரங்கில் சுந்தர் பேசியதாவது:

குடிநீர், விவசாயம், தொழில் வளர்ச்சிக்கு மின்சாரம் அவசியம். மின்சார தேவையை ஈடுசெய்ய கூடங்குளம் மின் நிலையம் ஒரு வரப்பிரசாதம். இந்நிலையம் வி.வி.ஆர்., ரஷ்யா தொழில் நுட்பத்தில் உருவாக்கப்பட்டது. உலகிலுள்ள 437ல் 270 அணு உலைகள் இதே தொழில்நுட்பத்தில் உருவாக்கப்பட்டவை.

ரஷ்யாவில் 1987ல் ஏற்பட்ட அணு உலை விபத்துக்கு பின், அங்கு 161 அணு உலைகள் அமைக்கப்பட்டன.

ஜப்பானில் புகுஷிமா விபத்துக்கு பின் 63 அணு உலைகளும், சீனாவில் 26 அணு உலைகளும் தற்போது கட்டப்படுகின்றன. அமெரிக்காவில் 104 அணு உலைகள் உள்ளன. அதன் மூலம் ஒரு லட்சம் மெகாவாட் மின்சாரம் உற்பத்தி செய்யப்படுகிறது. ஜெர்மனி, பிரான்ஸில் அணுமின் நிலையங்கள் அமைக்க ஆர்வம் காட்டப்படுகின்றன.

எதிர்ப்பாளர்களின் வதந்தியை நம்ப வேண்டாம். அணு உலை பாதுகாப்பு தொடர்பாக இதுவரை 100 கல்லூரிகளில் விழிப்புணர்வு கருத்தரங்குகள் நடத்தப்பட்டன, என்றார். பல்கலை துணைவேந்தர் முருகேசன், பதிவாளர் பெருமாள்பிள்ளை பேசினர். பேராசிரியர் மனோகரன் வரவேற்றார். மாலதி நன்றி கூறினார்.

தினமலர்

**முத்துராஜ்** · **முத்துராஜ்** Thu 15 Mar 2012 - 23:27

பகிர்வுக்கு நன்றி சிவா அண்ணா .சமீபமாக நான் கலந்துகொண்ட கூடங்குளம் அணுமின் நிலையம் மக்கள் விழிப்புணர்வில் நான் அறிந்த செய்தி ,இந்தியா வில் கட்டபட்டுள்ள கூடங்குளம் அணுமின் நிலையம் தொழில்நுட்பத்தில் சீனாவில் ஒரு அணுமின் நிலையமும் இல்லை .

கூடங்குளம் அணுமின் நிலையம் விரைவில் செயல்படத்துவங்கும்

கூடங்குளம் அணுமின் நிலையம் விரைவில் செயல்படத்துவங்கும்

Re: கூடங்குளம் அணுமின் நிலையம் விரைவில் செயல்படத்துவங்கும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக