"சிதறிக் கிடக்கும் புதையல்"

**rameshnaga** · **rameshnaga** Thu 15 Mar 2012 - 16:11

First topic message reminder :

ஒரு காலிப் புட்டியில்-
காற்றைக் குழித்து ஊதி
"சீழ்க்கை" அடிக்கிறேன்...
ஏதேனும் ஒரு பறவை-
கற்றுக் கொள்ளலாம் என்னிடமிருந்து..
இந்த ஒலியை.
******************************************************
இரவிலும் கேட்டுக் கொண்டே இருக்கிறது...
ஒரு முடிவற்ற கூக்குரல்.
அகாலத்திலும் தொடரும் அது-
வெறும் பசியின் வேதனையாய் இல்லை.
பின் இழக்கக் கூடாத எதை இழந்திருக்கும்
அந்தக் குரல்.....
இந்த அகாலத்தில்?
***********************************************************
தனது தலையில்
தானே தீ வைத்துக் கொள்வதில்லை
எந்த மெழுகுவர்த்தியும்.
***********************************************************
கடும் குளிர்!
பொம்மைக்குத் தன் போர்வையில்
இடம் தந்து ....
தள்ளிப் படுக்கிறது குழந்தை.
************************************************************
நட்சத்திரப் புதையல் சிதறிக் கிடக்கிறது.
எடுக்கத் தெரியாதவன்-
இன்னமும் வடை சுட்டுக் கொண்டிருக்கிறான்
நிலவில்.
***************************************************************

அதி · அதி Thu 15 Mar 2012 - 19:47

எப்போதும் போல இப்போதும் என்னால் ஆச்சர்யப்படத்தான் முடிகிறது அண்ணா உங்கள் அசத்தல் கவிதையைக் கண்டு

**rameshnaga** · **rameshnaga** Thu 15 Mar 2012 - 19:50

ரொம்பவும் நன்றி! அதி பொண்ணு.

Sponsored content · Sponsored content

"சிதறிக் கிடக்கும் புதையல்"

"சிதறிக் கிடக்கும் புதையல்"

Re: "சிதறிக் கிடக்கும் புதையல்"

Re: "சிதறிக் கிடக்கும் புதையல்"

Re: "சிதறிக் கிடக்கும் புதையல்"

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக