பொடுகை விரட்டும் ‘பொடுதலை'

இத்தாவரம் வயல் வரப்புகளில், காடுகளில், தரையில் படரும் சிறிய கொடியினம். இதன் காய்கள் திப்பிலி போல் இருக்கும்.

‘பொடுதலை என்ற பேருரைக்கில் விடுதலையாகும் பேதி’ என்பது பழமொழி. பொடுதலை இலை தலையில் உள்ள பொடுகை குணப்படுத்த வல்லது. பொடுதலை இலை பேதிக்கு நல்ல மருந்து. இவ்விலைச் சாறு கொப்புளம், புண், வீக்கத்திற்கு நல் மருந்து.

நூறு கிராம் பொடுதலை இலையை 50 மில்லி நீரிலிட்டு சிறு தீயில் எரித்து கால்பாகம் சுண்டின பின் வடிகட்டி அதை இரண்டு பங்காக்கி காலை, மாலை குடித்து வர சிறுநீரிலுள்ள இனிப்பை மாற்றும். இக்கஷாயத்துடன் வால்மிளகு, சூரணம் சேர்த்து குடித்துவர சிறுநீரக நீர்த்தாரைப்புண், அதனால் ஏற்படும் வெள்ளைப் படுதல் குணமாகும்.

பொடுகு உள்ளவர்களுக்கு முடி உதிரும், எத்தனை தைலங்கள் தேய்த்தாலும் குணமாகாது. பொடுதலை 150 கிராம், தோலுரித்த சின்ன வெங்காயம் 250 கிராம், வெந்தயம் 50 கிராம் மூன்றையும் ஒன்றிரண்டாக இடித்து இரும்பு வாணலியில் ஒரு லிட்டர் தேங்காய் எண்ணெய்விட்டு அதில் மேற்படி சரக்கை கலந்து சிறு தீயில் எரிக்கவும். நீர் சுண்டி தீயாமல் மிதக்கும் பக்குவத்தில் இறக்கி, ஆறவிட்டு வடிகட்டி பத்திரப்படுத்தவும், இதை தினமும் தேங்காய் எண்ணெய்க்கு பதிலாக தலையில் தேய்த்து தலைவாரிக் கொள்ள வேண்டும்.

பொடுகுக்கு மேற்பூச்சு மட்டும் முழு பலனளிக்காது. உள்ளுக்கும் பொடுதலை இலைகளை நெய்விட்டு வதக்கி, புளி, உப்பு, மிளகாய் போட்டு சேர்த்து துவையல் செய்து சாப்பிட பொடுகு குணமாகும்.

பொடுதலையை வதக்கி நீர்விட்டு கொதிக்க வைத்து இறுத்துக் கொடுக்க இருமல், வலிநோய்கள் ஆகியன தீரும். இலைகளை வதக்கி வறுத்த ஓமத்துடன் சேர்த்தரைத்து நீர்விட்டுக் கொதிக்க வைத்து வடிகட்டி ஒரு சங்களவு புகட்ட குழந்தைகளின் கழிச்சல் நீங்கும்.

இலையுடன் சீரகம் அரைத்து கொடுக்க வெள்ளை படுதல் நிற்கும். இலையைத் துவையல் செய்து உண்டு வரை உள்மூலம் தணியும். இலையை அரைத்து கட்டி, கொப்புளத்தில் பற்றிட கட்டிகள் பழுத்து உடையும்.

இதை யாராவது செய்து பார்த்தது உண்டா?....

எனக்கு தெரிந்து இரெண்டு நடிகர்கள் உபயோகப்படுத்தி பலன் கண்டுள்ளனர்.
பொடுகு* காணாமல் போய்விட்டது.

(கூடவே முடியும் )*

T.N.Balasubramanian wrote:எனக்கு தெரிந்து இரெண்டு நடிகர்கள் உபயோகப்படுத்தி பலன் கண்டுள்ளனர்.
பொடுகு* காணாமல் போய்விட்டது.

(கூடவே முடியும் )*

மேற்கோள் செய்த பதிவு: 1359841

யார் யார் ஐயா? ...ஒன்று 'சோ'.... மற்றவர்?

அவரும் உயிருடன் இல்லை.

T.N.Balasubramanian wrote:அவரும் உயிருடன் இல்லை.

மேற்கோள் செய்த பதிவு: 1359901

அடாடா... பெயரை சொல்லுங்கோ ஐயா... சஸ்பென்ஸ் தாங்க முடியலை....

@T.N.Balasubramanian

ஐயா, இன்னும் நீங்கள் பதில் போடவில்லையே.....

krishnaamma wrote:@T.N.Balasubramanian

ஐயா, இன்னும் நீங்கள் பதில் போடவில்லையே.....

மேற்கோள் செய்த பதிவு: 1360298
முடி கட்டணும் ....சாரி ,,,,,,,,முடிவு கட்டணும் இந்த முடியில்லா விஷயத்திற்கு .
புரட்சி தலைவரை சொல்லுவார்கள்.
போகட்டும் --சகாப்தங்கள் முடிந்துவிட்டன.
சத்யராஜ் /காமெடி செந்தில் /மோகன் என இன்னும் பலர் உள்ளனர்.

@krishnaamma