கிழவியுடனும் கிளியுடனும்-3

**ரா.ரா3275** · **ரா.ரா3275** Wed Mar 14, 2012 6:53 pm

அந்தத் தங்கத் தாவரத்தின் மீது
பேய்மழையாய்ப் பேரன்பைக்
கொட்டிவிட வேண்டும்
வேர்வரை நனையும்படி
குதூகலக் கொப்புளமாய்ப்
பேருந்தில் ஏறிய
என் பிடரியில் அறைந்தனப்
பெரும் கேள்விகள்

:வண்ணங்களைக் கொள்ளையடித்து
வானத்தில் வில்லாய்
வளைத்துக் கட்டியவன் யார்?

தங்கத்தை உருக்கித் தளிர்களாக்கி
அதிலோர்
'தகதக'ச் செடியைச் செய்தவன் யார்?

இந்தப் பேருந்தின் ஜன்னலில் மட்டும்
பெருமழையைப்
பெய்விப்பவன் யார்?

ரத்தச் சிவப்பு ரோஜாவில்
ரகசியமாய் மல்லிகையைச்
சூட்டியவன் யார்?

குளிர்ச்சியைக் குத்தகைக்கெடுத்திருக்கும்
இந்த ஐந்தடிச் செந்தீயைச்
சிருஷ்டித்தவன் யார்?

சொல்லுங்கள் தோழர்களே!

***

கன்னக் கதுப்புகளின்
சின்னக் குழியில்
செல்லமாய்ப் புதைக்கிறாள்

காதோரப் பூனைமுடியில்
என்னைத் தூக்கிலிடுகிறாள்

ரத்தம் ஊறிய உதடுகளால்
ரகசிய பாஷையைப்
பேசாமல் பேசுகிறாள்

மெல்லிய மேலுதட்டுக்கும்
மேலான கூர் நாசிக்கும் இடையே
என்னைப் படுக்க வைத்து இம்சிக்கிறாள்

வகிடு-நெற்றி
புருவ மத்தி-பொழிவாய் இறங்கும் நாசி
உதட்டு தேசம்-
கன்னக் கதுப்புகள்-காதுமடல் கடந்து
மோவாயை அடையும்போதே
மூர்ச்சையாகிப் போகிறது என் மொழியும்
என்னைப்போலவே

அப்படியும் அயர்ந்து அமராமல்
மெல்லக் கீழிறங்கினால்
கழுத்திலும்
கவிதை எழுதி வைக்கப்பட்டிருக்கிறது
குயிலோசைப் பேசும் குரல்வளையோ?
நீ
எச்சில் விழுங்கும்போது கூட
இசை கேட்கிறதடி

முக்கால்வாசி நெஞ்சை மூடிய
உன் சுடிதார் சொல்லியது:

அழகிகளைப் பெற்றவர்களுக்கு
மத்தியில்
ஓர் அழகையேப் பெற்றவர்கள்
உன் தாயும் தகப்பனும் என்று

முழுதாய் வர்ணிக்க இயலாமல்
மூச்சு முட்டிச் சரிந்த
மொழியையும் என்னையும்
சேர்த்துத் தாங்கிய
மூத்தத் தாய்மையின் முகவரி சொன்னது:

காதல் வருகிறதோ இல்லையோ
கவிதை வருகிறது
எந்த மொழிக்கும் உயிரணுக்கள் ஈவது
உலகில் பெண்கள்தான்

-----------------தொடரும் கிழவியுடனும் கிளியுடனும் இந்தப் பயணம்------------

யினியவன் · யினியவன் Wed Mar 14, 2012 7:59 pm

அனாடமி கிளாசை கட்டடித்துவிட்டு வந்த கட்டிளம் காளை
காதல் கொண்டு காதலியை அணு அணுவாய் ரசித்து
காதல் அனாடமியே படைத்து விட்டானே
அவளைப் படைத்தவனை
குலதெய்வமென
தொழுகிரானே

ஆகா ராரா - காதல் அறியா காளைகளையும் காதலிக்க தூண்டும் படைப்பையா இது.

இந்த பதிவைத் துவங்கியவர் நன்றி கூறியுள்ளார் யினியவன்

**ரா.ரா3275** · **ரா.ரா3275** Thu Mar 15, 2012 4:30 am

கொலவெறி wrote:அனாடமி கிளாசை கட்டடித்துவிட்டு வந்த கட்டிளம் காளை
காதல் கொண்டு காதலியை அணு அணுவாய் ரசித்து
காதல் அனாடமியே படைத்து விட்டானே
அவளைப் படைத்தவனை
குலதெய்வமென
தொழுகிரானே

ஆகா ராரா - காதல் அறியா காளைகளையும் காதலிக்க தூண்டும் படைப்பையா இது.

நன்றி அய்யா நண்பரே...

**ஜாஹீதாபானு** · 16/04/2011

முழுதாய் வர்ணிக்க இயலாமல்
மூச்சு முட்டிச் சரிந்த
மொழியையும் என்னையும்
சேர்த்துத் தாங்கிய
மூத்தத் தாய்மையின் முகவரி சொன்னது:

காதல் வருகிறதோ இல்லையோ
கவிதை வருகிறது
எந்த மொழிக்கும் உயிரணுக்கள் ஈவது
உலகில் பெண்கள்தான்

சரியா தான் சொல்லி இருக்காங்க கிழவி........
சூப்பருங்க

வரிகள் அனைத்தும் சூப்பர் மகிழ்ச்சி

ஆமா யாருப்பா அவுங்க ...என்கிட்ட மட்டும் சொல்லுங்க நான் யார்கிட்டயும் சொல்லமாட்டேன்........ ரிலாக்ஸ்

**ரா.ரா3275** · **ரா.ரா3275** Thu Mar 15, 2012 10:18 am

ஜாஹீதாபானு wrote:
முழுதாய் வர்ணிக்க இயலாமல்
மூச்சு முட்டிச் சரிந்த
மொழியையும் என்னையும்
சேர்த்துத் தாங்கிய
மூத்தத் தாய்மையின் முகவரி சொன்னது:

காதல் வருகிறதோ இல்லையோ
கவிதை வருகிறது
எந்த மொழிக்கும் உயிரணுக்கள் ஈவது
உலகில் பெண்கள்தான்

சரியா தான் சொல்லி இருக்காங்க கிழவி........

வரிகள் அனைத்தும் சூப்பர்
ஆமா யாருப்பா அவுங்க ...என்கிட்ட மட்டும் சொல்லுங்க நான் யார்கிட்டயும் சொல்லமாட்டேன்........

என் மனைவிதான்னு சொன்னா நம்பவா போறீங்க?...
(எப்டி எஸ்கேப் ஆனேன் பாருங்க?)

நன்றி நன்றி நன்றி

**ஜாஹீதாபானு** · 16/04/2011

:அடபாவி: :அடபாவி:

**ரா.ரா3275** · **ரா.ரா3275** Thu Mar 15, 2012 10:33 am

ஜாஹீதாபானு wrote: :அடபாவி: :அடபாவி:

**ஜாஹீதாபானு** · 16/04/2011

ரா.ரா3275 wrote:
ஜாஹீதாபானு wrote: :அடபாவி: :அடபாவி:

எதுக்கு இந்த ரியாக்‌ஷன் நல்ல பிள்ளைனு காட்டிக்கவா அநியாயம்

**ரா.ரா3275** · **ரா.ரா3275** Thu Mar 15, 2012 10:39 am

ஜாஹீதாபானு wrote:
ரா.ரா3275 wrote:
ஜாஹீதாபானு wrote: :அடபாவி: :அடபாவி:

எதுக்கு இந்த ரியாக்‌ஷன் நல்ல பிள்ளைனு காட்டிக்கவா

அப்டில்லாம் யார் சொன்னது?...

**கா.ந.கல்யாணசுந்தரம்** · 28/02/2009

வண்ணங்களைக் கொள்ளையடித்து
வானத்தில் வில்லாய்
வளைத்துக் கட்டியவன் யார்?
காதோரப் பூனைமுடியில்
என்னைத் தூக்கிலிடுகிறாள்
எந்த மொழிக்கும் உயிரணுக்கள் ஈவது
உலகில் பெண்கள்தான்

..............என்னங்க இது? ரா ரா .......... நீங்க இன்னுமா சினிமாவுல பாட்டு எழுதலே! யாரப்பா இசையமைப்பாளர் அங்கே ? இவரை மொதல்ல பாட்டு எழுத வுடுங்க.......இளமைத் துள்ளல் இவரது அள்ளல்.
மரக்கமுடியுமா இவரது சொல்லல் !

வாழ்த்துக்கள் ரா.ரா. சிறப்பு.

Sponsored content · Sponsored content

கிழவியுடனும் கிளியுடனும்-3

கிழவியுடனும் கிளியுடனும்-3

Re: கிழவியுடனும் கிளியுடனும்-3

Re: கிழவியுடனும் கிளியுடனும்-3

Re: கிழவியுடனும் கிளியுடனும்-3

Re: கிழவியுடனும் கிளியுடனும்-3

Re: கிழவியுடனும் கிளியுடனும்-3

Re: கிழவியுடனும் கிளியுடனும்-3

Re: கிழவியுடனும் கிளியுடனும்-3

Re: கிழவியுடனும் கிளியுடனும்-3

Re: கிழவியுடனும் கிளியுடனும்-3

Re: கிழவியுடனும் கிளியுடனும்-3

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக