12 வயது சிறுவனை சுட்டுக்கொன்றார் போதை போலீ்ஸ்

**சிவா** · **சிவா** Tue Mar 13, 2012 9:18 am

புதுடில்லி: திருமண வீட்டிற்கு வந்த போதை போலீஸ்காரர் ஒருவர் 12 வயது சிறு‌வனை துப்பாக்கியால் சுட்டுக்கொன்ற சம்பவம் பரபரப்பினை ஏற்படுத்தியுள்ளது. சிறுவனை சுட்ட போலீஸ்காரர் கைது செய்யப்பட்டார்.

டில்லியின் வடக்குபகுதியில் முகர்ஜி நகரில் உள்ளது டாகா கிராமம். இங்கு நேற்று திருமண நிகழ்ச்சி நடக்கவிருந்தது. நேற்று முன்தினம் (ஞாயிறு) இரவு 11.30 மணியளவில் போலீஸ்காரர் ஒருவர் போதையில் மண்டபத்திற்குள் நுழைந்துள்ளார். போதையில் அங்கிருந்த சிலருடன் தகராறு செய்ததாக கூறப்படுகிறது.

இதில் ஆத்திரமடைந்த போலீஸ்காரர் தனது சர்வீஸ் துப்பாக்கியால் முதலில் வானத்தை நோக்கி சுட்டுள்ளார். பின்னர் அங்கு நின்றிருந்த, தருண் என்ற 12 வயது சிறுவனை நோக்கி சுட்டதில் மார்பில் குண்டு பாய்ந்து ரத்தவெள்ளத்தில் கிழே விழுந்தான். மருத்துவமனைக்கு கொண்டு சென்றனர். ஏற்கனவே இறந்துவிட்டதாக டாக்டர்கள் தெரிவித்தனர். இச்சம்பவம் நடந்த இடத்தில் போதையில் இருந்த போலீஸ்காரரை பிடித்து விசாரித்ததில் அவர் பெயர் ஜெய்பாபா, 35 , மேற்கு டில்லியில் சுபாஷ்பேலஸ் போலீஸ் ஸ்டேசனில் கான்ஸ்டபிளாக பணிபுரிகிறார் என்பதும், ஏற்கனவே இரு முறை பணியில் அலட்சியம் செய்ததால் சஸ்பெண்ட் செய்யப்பட்டவர் என்பதும் விசாரணையில் தெரியவந்தது. ஜெய்பாபா கைது செய்யப்பட்டு வழக்குப்பதிவு செய்யப்பட்டுள்ளது.

தினமலர்

யினியவன் · யினியவன் Tue Mar 13, 2012 9:22 am

வருத்தம் தரும் நிகழ்வு.

போதையில் சுட்டவரை கைது பண்ணிட்டாங்க இங்கே
பதவி போதையில் சுட்டவரை என்ன பண்ண போறீங்க அங்கே?

இரா.பகவதி · இரா.பகவதி Tue Mar 13, 2012 1:28 pm

குருவே கான்ஸ்டபிள் கைலயேல்லாம் துப்பாக்கி குடுபாங்களா

முஹைதீன் · முஹைதீன் Tue Mar 13, 2012 1:52 pm

போதை மனிதனின் மூளையை மாத்திவிட்டது. என்ன கொடுமை சார் இது

Sponsored content · Sponsored content

12 வயது சிறுவனை சுட்டுக்கொன்றார் போதை போலீ்ஸ்

12 வயது சிறுவனை சுட்டுக்கொன்றார் போதை போலீ்ஸ்

Re: 12 வயது சிறுவனை சுட்டுக்கொன்றார் போதை போலீ்ஸ்

Re: 12 வயது சிறுவனை சுட்டுக்கொன்றார் போதை போலீ்ஸ்

Re: 12 வயது சிறுவனை சுட்டுக்கொன்றார் போதை போலீ்ஸ்

Re: 12 வயது சிறுவனை சுட்டுக்கொன்றார் போதை போலீ்ஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக