இன்று இந்தியா-இலங்கை மோதல்

First topic message reminder :

ஆசிய கோப்பை லீக் போட்டியில் இன்று இந்தியா, இலங்கை அணிகள் மோதுகின்றன. சமீபத்திய முத்தரப்பு தொடரில் இலங்கை அணியை புரட்டி எடுத்த விராத் கோஹ்லி, மீண்டும் இந்தியாவுக்கு கைகொடுப்பார் என எதிர்பார்க்கப்படுகிறது.

இந்தியா, பாகிஸ்தான் இலங்கை மற்றும் வங்கதேசம் என நான்கு நாடுகள் பங்கேற்கும், 11வது ஆசிய கோப்பை கிரிக்கெட் தொடர், மிர்புரில் நடக்கிறது. இதன் லீக் போட்டியில் இன்று இந்தியா, இலங்கை அணிகள் மோதுகின்றன.

இங்கிலாந்து மண்ணில் பங்கேற்ற ஒருநாள் தொடரில் முழு தோல்வி, ஆஸ்திரேலியாவில் நடந்த முத்தரப்பு தொடரில் 8 போட்டியில் 3 வெற்றி மட்டும் பெற்று, தோனியின் அணி சோகத்தில் உள்ளது. அடுத்தடுத்து அன்னிய மண்ணில் நடந்த தொடரில் அடைந்த தோல்வியால், ஆசிய கோப்பை தொடரில் முதல் அடியே, கவனமாக எடுத்து வைத்தாக வேண்டிய கட்டாயத்தில் உள்ளது இந்திய அணி.

சிறிய மாற்றம்:

இந்திய அணியில் சேவக், ஜாகிர் கான் நீக்கப்பட்டு, யூசுப் பதான், டின்டாவுக்கு இத்தொடரில் வாய்ப்பு தரப்பட்டுள்ளது. இதனால் துவக்க வீரர்களாக காம்பிர், சச்சின் களமிறங்குவது <உறுதி. 100வது சதம் அடிக்கும் சச்சினின் முயற்சி கைகூடும் என்று நம்பலாம்.

இம்முறை துணைக் கேப்டன் அந்தஸ்தில் களமிறங்குகிறார் விராத் கோஹ்லி. இவர், சமீபத்திய முத்தரப்பு லீக் போட்டியில் இலங்கை அணிக்கு எதிராக 86 பந்தில் 133 ரன்கள் விளாசினார். இவரது அதிரடியை இலங்கை அணி மறக்க வாய்ப்பில்லை. இவர் இன்றும் அசத்தினால் இந்தியா எளிதான வெற்றி பெறலாம். ரோகித் சர்மா, ரெய்னா, ரவிந்திர ஜடேஜா ஆகியோர் தங்களை நிரூபித்தாக வேண்டிய கட்டாயத்தில் உள்ளனர்.

அஷ்வின் தலைமை:

வேகப்பந்து வீச்சில் பிரவீண் குமார், வினய் குமார் ஆகியோருடன் டின்டாவும் இணைந்து கொள்கிறார். தவிர, "ஆல் ரவுண்டர்' இர்பான் பதானும் தன்பங்கிற்கு ஆறுதல் தர முயற்சிப்பார். சுழலில் வழக்கம் போல அஷ்வின் தான் தலைமை. ஒருவேளை ஆடுகளத்தின் தன்மை பொறுத்து ராகுல் சர்மாவும் களம் இறங்கலாம்.

புதிய எழுச்சி:

முத்தரப்பு தொடரில் அசத்திய போதும், கோப்பையை நழுவ விட்ட சோகத்தில் இலங்கை அணி உள்ளது. தவிர, தொடர்ந்து போட்டிகளில் பங்கேற்று வருவதால் வீரர்களும் சோர்வாக உள்ளனர்.

பேட்டிங்கில் கேப்டன் ஜெயவர்தனா தில்ஷன், சண்டிமால், சங்ககரா, திரிமான்னே மற்றும் தரங்கா ஆகியோரது அபார ஆட்டம் தொடரும் எனத் தெரிகிறது. "ஆல் ரவுண்டர்' மாத்யூஸ், பெரேரா காயம் குணமடைந்து அணிக்கு திரும்பி இருப்பது பலம் தான்.

மலிங்கா பலம்:

வேகப்பந்து வீச்சைப் பொறுத்தவரையில் "யார்க்கர்' மலிங்காவுடன் இணைந்து குலசேகரா, மகரூப் ஆகியோர் உதவ தயாராக உள்ளனர். சுழலில் ஹெராத்துக்குப் பதில் இடம் பெற்ற லக்மல், சேனநாயகே இருவரும் எப்படி செயல்படுவர் என்பது இன்று தான் தெரியும்.

வெற்றி முக்கியம்:

ஆசிய கோப்பை தொடரில் ஒவ்வொரு அணியும், மற்ற அணியுடன் ஒருமுறை தான் மோத வேண்டும். இதனால் பைனலுக்கு செல்ல வெற்றி முக்கியம். இதனால் இரு அணிகளும் எளிதாக விட்டுத்தராது என்பதால், விறுவிறுப்பான போட்டியை எதிர்பார்க்கலாம்.

12 மாதங்கள் போதுமா சச்சின்

இந்திய அணியின் மாஸ்டர் பேட்ஸ்மேன் சச்சின், கடைசியாக தென் ஆப்ரிக்க அணிக்கு எதிரான உலக கோப்பை போட்டியில், மார்ச் 12ல் சதம் அடித்து இருந்தார். டெஸ்ட் (51), ஒருநாள் போட்டிகளை (48) சேர்த்து, இது 99 வது சதமாக இருந்தது. இதையடுத்து விரைவில் சர்வதேச அளவில் 100வது சதம் அடித்து சாதிப்பார் என்று எதிர்பார்க்கப்பட்டது.

ஆனால், நாட்கள் மாதங்களாகி, மாதங்கள் இப்போது ஆண்டுகளானது தான் மிச்சம். மார்ச் 11, 2011 போட்டிக்குப் பின், இதுவரை சச்சின், தலா 11 டெஸ்ட், ஒருநாள் போட்டிகள் என மொத்தம், 32 (21+11) இன்னிங்ஸ்கள் விளையாடி, ஒரு சதம் கூட அடிக்கவில்லை.

இதில் இங்கிலாந்துக்கு எதிரான ஓவல் (91), வெஸ்ட் இண்டீஸ் அணியுடனான மும்பை டெஸ்டில் (94) இரு முறை சதத்தை நெருங்கினார். சமீபத்திய சிட்னி டெஸ்டில் 80 ரன்கள் எடுத்தார். பாகிஸ்தான் அணிக்கு எதிரான, உலக கோப்பை அரையிறுதியில் 85 ரன்கள் எடுத்தார். இதன் பின் ஒருநாள் போட்டிகளில், சச்சின் இதுவரை 48 (பெர்த், இலங்கை, 2012) ரன்களை தாண்டவில்லை.

தவிர, இவர் சதம் அடித்து ஒரு 12 மாதங்கள் (ஒரு ஆண்டு) முடிந்து விட்டது. இந்நிலையில் ஆசிய கோப்பை தொடர் நடக்கும் வங்கதேசத்தில், ஆடுகளங்கள் சாதகமாக இருப்பதால், சச்சின் சாதனை படைப்பார் என்று நம்பப்படுகிறது.

---

17 மாதங்கள்

சர்வதேச கிரிக்கெட்டில் சச்சின், தனது முதல் சதத்தை, ஆக., 1990ல் இலங்கை அணிக்கு எதிராக அடித்தார். பின் இரண்டாவது சதத்தை, 17 மாதங்கள் கழித்து, ஆஸ்திரேலியாவுக்கு எதிரான சிட்னி (ஜன., 2, 1992) டெஸ்டில் தான் அடித்தார். இப்போது 99வது சதம் அடித்து 12 மாதங்கள் ஆன நிலையில், சச்சின் விரைவில் 100வது சதம் அடிக்க வேண்டும் என எதிர்பார்ப்பு ஏற்பட்டுள்ளது.

---

வெற்றி அதிகம்

மிர்புரில், இந்திய அணி இதுவரை பங்கேற்ற 11 ஒருநாள் போட்டிகளில், 8ல் வெற்றி பெற்றது.

* இலங்கைக்கு எதிராக இங்கு விளையாடிய 3 போட்டிகளில், 2ல் தோற்றுள்ளது.

* கடைசியாக கடந்த உலக கோப்பை தொடரில், வங்கதேசத்துக்கு எதிரான போட்டியில் இந்திய அணி அதிகபட்சமாக 370/4 ரன்கள் குவித்துள்ளது.

* இந்திய அணியின் காம்பிர், இங்கு விளையாடிய 11 போட்டிகளில், தலா 2 சதம், 2 அரைசதம் உட்பட 508 ரன்கள் எடுத்துள்ளார்.

---

பாக்., அணிக்கு அபராதம்

வங்கதேச அணிக்கு எதிரான, ஆசிய கோப்பை முதல் லீக் போட்டியில், பாகிஸ்தான் அணி 21 ரன்கள் வித்தியாசத்தில் வென்றது. இதில் குறிப்பிட்ட நேரத்துக்குள் 2 ஓவர்கள் குறைவாக வீசியதால், பாகிஸ்தான் அணி கேப்டன் மிஸ்பா-உல்-ஹக்கிற்கு 40, மற்ற வீரர்களுக்கு தலா 20 சதவீதம், போட்டி கட்டணத்தில் அபராதம் விதிக்கப்பட்டது.



தினமலர்

பிரசன்னா wrote:இருவர் சதம் அடிதார்களே....

ஆனால் சச்சின் சதம் அடித்திருந்தால் அது சாதனை ஆயிற்றே? கிட்டத்தட்ட ஒரு வருடம் போராடியும் அவரால் அடிக்க முடியவில்லையே....

அதிபொண்ணு wrote:

பிரசன்னா wrote:இருவர் சதம் அடிதார்களே....

ஆனால் சச்சின் சதம் அடித்திருந்தால் அது சாதனை ஆயிற்றே? கிட்டத்தட்ட ஒரு வருடம் போராடியும் அவரால் அடிக்க முடியவில்லையே....

சாதத்தையும் சாதனையையும் மறப்போம் வெற்றியை மட்டும் ருசிப்போம்....

சாதத்தையும்

சாதத்தை எங்களால் மறக்க முடியாது.

மகா பிரபு wrote:

சாதத்தையும்

சாதத்தை எங்களால் மறக்க முடியாது.

என்னலையும் முடியாது ..

பாலாஜி அண்ணா பாத்திங்களா நம்மாளுங்க வின் பன்னிட்டார்கள்.

வை.பாலாஜி wrote:

மகா பிரபு wrote:

சாதத்தையும்

சாதத்தை எங்களால் மறக்க முடியாது.

என்னலையும் முடியாது ..

tongue slip ஆகி ....