கிழவியுடனும் கிளியுடனும்-2

First topic message reminder :




சூரிய வெளிச்சம்
இலைக் கிழிசல்களாய்
என் வீட்டையும் தைத்தது

இப்படிச் சூரியன் வந்து துயிலெழுப்பும்
சொர்க்கச் சூத்திரம் யாருக்கு வாய்க்கும்
என்னைப்போல?

கனவில்
கிளியின் றெக்கைப் படபடப்பைவிட
கிழவியின் நேசமே
நெஞ்சக்கூட்டிலும் இலைப்பரப்பி-கிளைப்பரப்பி
என்னை இன்னும் ஈரமாக்கியது

வாழ்க்கைச் சுருக்கத்தை
வயசும் முகமும் வாசித்தாலும்
சலவை செய்யப்பட்ட-சுருக்கமற்ற
மனசுக்குச் சொந்தக்காரி அந்தக் கிழவி

எழுந்தும் கூட நினைவின் இடுக்குகளிலும்
நேர்க்கோட்டுச் சித்திரமாய்க் கிழவியே

கிளிகளின் கானம்
செவிகளைத் திருடும் யதார்த்தமது-
வாலிப வானத்தின் வசந்த மின்னல்!

ஆனால் அன்பானவர்களே
கிழவிகளின் பாசம் சிலவேளைகளில்
கிழக்கையே சிருஷ்டித்துவிட்டுப் போகும்
நமக்குள்

அந்தக் கிழட்டுக் கிழக்கில்
பேரன்புச் சூரியனே வெளிச்சிக்கும் எப்போதும்
நித்தியமாய்-சத்தியமாய்

தாயைப் பெற்றக் கிழவியும்
தந்தையைப் பெற்றக் கிழவியும்
தாய்க்கிழவிகள் என்பதைவிட
மூத்தத் தாய்மையின் முகவரிகள் என்பேன்

அப்படித்தான் இந்த மூத்தத் தாய்மை
பேருந்தில் எனக்காக என் அப்பனைப் பெற்ற
அழகுக் கிழவி (ஆனதும்)
அவளின் அந்தச் சடுதி நேர அன்பைச் சொல்ல
என்னிடம் இல்லை தமிழ்க் கிளவி

கால்களில் காற்றின் வேகம்
கண்களில் கிழவியும் கிளியும் மாறி மாறி

பேருந்து நிறுத்தம் நெருங்க நெருங்க
பேரன்புக் கிழவிப் புள்ளியாய்த் தெரிந்தாள்
கூடுதலன்புக்காரியான அந்தக் கிழவிக்
கூடைக் கீரை சுமந்தபடி

பாசச் சிரிப்பு
உதடுகளைத் தாண்டியும்
பற்களில் பகடை ஆடியது இருவருக்கும்

இறக்க உதவலாமே கூடையை என்றே
எத்தனித்தால்
இறுமாப்புடன் மறுத்தாள் அன்புக் கிழவி

"இன்னைலேருந்து ஒன் ஆகாசத்துல
இனிப்பு மழதான் ராசா"...
என்று ஆருடம் சொல்ல
"என்ன பாட்டி சொல்றீங்க?"
-கேட்டேன்

“பஸ்ஸு வரட்டும்...
உனக்குள்ள பட்டாசு வெடிப்பா அந்தச் சிறுக்கி"
என்று எனக்குள் ஒரு பூகம்ப வெடியைப்
பொசுக்கென்று வீசினாள் கிழவி

பேசிக்கொண்டிருக்கையிலேயே
பேருந்தின் சக்கரங்கள் இறுக்கிச் சறுக்கிக்
'கிரீச்'சிட்டன

அண்ணாந்து பார்த்தால்
அத்துணைப் பெரிய ஆகாயத்தில்
மொத்தமாய் ஓர் வானவில்

----------தொடரும் கிழவியுடனும் கிளியுடனும் இந்தப் பயணம்-----------

ஜாஹீதாபானு wrote:

இப்படிச் சூரியன் வந்து துயிலெழுப்பும்
சொர்க்க சூத்திரம் யாருக்கு வாய்க்கும்
என்னைப்போல?

இந்த வரிகள் எனக்கு ரொம்ப பிடிச்சிருக்கு ...........

தாயைப் பெற்றக் கிழவியும்
தந்தையைப் பெற்றக் கிழவியும்
தாய்க்கிழவிகள் என்பதைவிட
மூத்தத் தாய்மையின் முகவரிகள் என்பேன்

மூத்தத் தாய்மையின் முகவரிகள் .....
தாய்மைக்கு முகவரி சொன்ன விதம் அருமை ...........

மிக்க நன்றிகள் ஜாகீதாபானு அவர்களே...

ஜாஹீதாபானு wrote:

அருண் wrote:முதுமை தாயின் முகவரி பயணம் அருமை அண்ணா..!
தொடருங்கள்..!

ஆதரவுக்கு நன்றி...

இரா.பகவதி wrote:

இந்த வரிகள் எனக்கு ரொம்ப பிடிச்சிருக்கு .......

மூத்தத் தாய்மையின் முகவரிகள் .....
தாய்மைக்கு முகவரி சொன்ன விதம் அருமை ....

பாட்டி இந்த கவிதையே உங்களுக்க தான் ராஜசேகர் அண்ணா எழுதினங்க
அப்புறம் என் இது புடிச்சிருக்கு அது புடிச்சிருக்குனு சொல்லுரிங்க ,எல்லாமே புடிச்சிருக்கு நு சொல்லுங்க அப்புறம் இதே மாதிரி உங்கள பாராட்டி நிறைய கவிதை போடுவாங்க

அவங்கள ஏன் இப்டி வம்புக்கு இழுக்கறீங்க?...

அவங்கள ஏன் இப்டி வம்புக்கு இழுக்கறீங்க?...

இப்போ எல்லாம் நம்ம பாட்டி சரியா ஈகரை பக்கம் வரதுள்ள அதான் , இப்படி கலாட்டா பண்ணினாவது வரங்களானு பாப்போம்

இரா.பகவதி wrote:

அவங்கள ஏன் இப்டி வம்புக்கு இழுக்கறீங்க?...

இப்போ எல்லாம் நம்ம பாட்டி சரியா ஈகரை பக்கம் வரதுள்ள அதான் , இப்படி கலாட்டா பண்ணினாவது வரங்களானு பாப்போம்

அவங்கல்லாம் பிசியான ஆட்களா இருப்பாங்க பகவதி...

பிரமிப்பா இருக்கு ரா.ரா. படிக்க படிக்க படிச்சிக்கிட்டே இருக்கலாம் போல அத்தனை சுவை உங்கள் எழுத்தில்

அவங்கல்லாம் பிசியான ஆட்களா இருப்பாங்க பகவதி...

அதிபொண்ணு wrote:பிரமிப்பா இருக்கு ரா.ரா. படிக்க படிக்க படிச்சிக்கிட்டே இருக்கலாம் போல அத்தனை சுவை உங்கள் எழுத்தில்

அய்யைய்யோ...நெகிழ்வான நன்றிகள் அதிபொண்ணு அவர்களே...

பிரமிப்பா இருக்கு ரா.ரா. படிக்க படிக்க படிச்சிக்கிட்டே இருக்கலாம் போல அத்தனை சுவை உங்கள் எழுத்தில்

அட நீங்க இன்னும் பேப்பர் தின்கிற பழக்கத்த விடலையா , ராஜசேகர் அண்ணா வீட்டுல பெபேர்ல இருந்த கவிதை எடுது சாப்பிட்டது மட்டுமல்லாமல் சுவையாக இருக்கிறது என்று வேறு சொல்கிரிகளா