கர்ப்பிணி பெண்களுக்கு கவனிக்க வேண்டிய ஒன்று..!

தலை முதல் பாதம் வரை சகலத்தையும் புரட்டிப்போட்டு, தற்காலிகமாக சில புதிய பிரச்னைகளையும் கொடுக்கும் கர்ப்ப காலம். பற்களில் உண்டாகிற பாதிப்பு அதில் முக்கியமானது மட்டுமல்ல... பலராலும் அலட்சியப்படுத்தப்படுவதும்கூட. கர்ப்ப காலத்தில் கர்ப்பிணிகள் சந்திக்கிற பல் பிரச்னைகள், அவற்றுக்கான காரணங்கள், தீர்வுகள் பற்றி விரிவாகப் பேசுகிறார் பல் மருத்துவ நிபுணர் யஷ்வந்த் குமார் வெங்கட்ராமன்.

கர்ப்பிணிகளுக்கு ஏற்படற பல் தொந்தரவுகளுக்கு ஹார்மோன் மாற்றங்களும் முக்கிய காரணம். ஈறுகள் வீங்கறதும், பல் தேய்க்கிறப்ப ரத்தக்கசிவு உண்டாகிறதும் இருக்கும். இதுபோன்ற ஈறுகள் வீக்கத்துக்கு gingivitis என்று பெயர். கர்ப்ப காலத்துல உமிழ்நீர் சுரப்பும் அதிகமா இருக்கும். உடல் முழுக்க ரத்த ஓட்டம் அதிகமா இருக்கிறதால, ஈறுகள் மிருதுவாகறது, கூச்சம், வீக்கம்கூட இருக்கலாம்.

சிலருக்கு ஈறுகள்ல பெரிய கட்டிகள் வரலாம். கர்ப்ப காலத்துல உண்டாகிற பல் மற்றும் ஈறு தொடர்பான பிரச்னைகளை அலட்சியப்படுத்தக்கூடாது. குறைப்பிரசவம் நடக்கவும், எடை குறைவான குழந்தை பிறக்கவும் கூட இது காரணமாகலாம்’’ என்கிற டாக்டர் யஷ்வந்த், கர்ப்பத்தின் போது மேற்கொள்ள வேண்டிய சோதனைகளைப் பட்டியலிடுகிறார்.

பொதுவான பரிசோதனைகளுக்கு முதல் 3 மற்றும் கடைசி 3 மாதங்களைத் தவிர்த்து, இடைப்பட்ட 3 மாதங்களில் பல் மருத்துவரை சந்தித்து ஆலோசனை பெறலாம். பற்களுக்கான எக்ஸ் ரே எடுப்பதைத் தவிர்க்கவும். பல் தொடர்பாக ஏதேனும் அவசர சிகிச்சை என்றால் உங்களையும் உங்கள் சிசுவையும் பாதிக்காத படி, பிரத்யேக பாதுகாப்பு முறையுடன், பல் மருத்துவர் எக்ஸ் ரே எடுக்கப் பரிந்துரைப்பார்.

தினம் 2 வேளை பல் துலக்குவது, ஒரு முறை ஃபிளாஸ் செய்வது, தரமான பேஸ்ட் மற்றும் பிரஷ் உபயோகிப்பதெல்லாம் கர்ப்ப காலத்திலும் பின்பற்றப்பட வேண்டியவை.மசக்கை காரணமாக சிலர் அதிக இனிப்பு எடுத்துக் கொள்வார்கள்.

அதன் மூலம் பற்கள் சொத்தையாகலாம். பல் சொத்தைக்குக் காரணமான பாக்டீரியா, அம்மாவிடமிருந்து, குழந்தைக்குப் போகலாம் என்கிறது சமீபத்திய ஆராய்ச்சி. எனவே கர்ப்ப காலத்தில் என்ன சாப்பிடுகிர்கள் என்பதில் கவனம் தேவை.

உங்களது குழந்தையின் பல் வளர்ச்சிக்கு, நீங்கள் சாப்பிடுகிற சத்தான ஆகாரங்களே பிரதானம். எனவே கால்சியம் நிறைந்த பால், சீஸ்,
தயிர் போன்றவற்றைத் தவறாமல் சேர்த்துக் கொள்ளவும். பிரசவத்துக்குப் பிறகும் முறையான பல் பரிசோதனையும், பராமரிப்பும் அவசியம் என்பதை மறந்து விடாதீர்கள்.

தினகரன்//

கர்ப்பமும் கர்ப்பிணிகளும் ன்னு
கவிதையில் ஆராய்ச்சி பண்ற ராராவுக்கு
கண்டிப்பா இக்கட்டுரை உதவியா இருக்கும் அருண்.

நன்றி கொலை வெறி அண்ணா..!