கிழவியுடனும் கிளியுடனும்-1

**ரா.ரா3275** · **ரா.ரா3275** Sat Mar 10, 2012 3:36 pm

First topic message reminder :

கிழவியுடனும் கிளியுடனும்-1 - Page 3 Images?q=tbn:ANd9GcTTB_5DNGPo8KQxNJtIj-6NhaZB3ASUvieHr7Y7EwcTIcmrWp0V3Q

வெயில் குடை விரிக்கும்
சூரியக் கோடையில்
ஜில்லென்ற மழைமேகமாய்
இறங்கி வந்தாய் பேருந்திலிருந்து
தட்ப வெப்பம் மாற்றும் சக்தி
தந்தது யாருனக்கு?

பெயர்-ஊர் இரண்டு மட்டுமன்று
எதுவும் அறியேன் உன்னைப்பற்றி
இருந்தும்
ஆகாத அறிமுகத்திலேயே
ஆசைமழை அடைமழையாக

சின்னச் சாரல் கூட
உன்மேல் பட வாய்ப்பில்லை
என் கண்கள்தான்
விழிக்குடையால் வேலி வேய்ந்திருக்கிறதே
உன்மீது

முதல் பார்வையில் காதல்
முதல் மழையைப் பெய்ய வைக்கும்
வானிலை அறிக்கை வாசிக்கும்
வாலிப உலகமே சொல்லுங்கள்
அவள் என்னை எப்போது
கண்கொண்டு நனைப்பாள் ?

கேட்டுக்கொண்டிருக்கும்போதே
எனக்கானப் பேருந்து இரைச்சலுடன் கிளம்ப...
நடைமுறை யதார்த்தம் என்னை நகர்த்த
மழைமேகக் கூட்டிலிருந்து விலக
பேருந்துக் கூரைக் கிழித்துக் கொட்டியது
கோடை நடப்பை

கிளம்பும்போதாவது
அந்தத் தங்கக் கிளி நோக்காதா என்னை?
என் நோக்கம் நிறைவேறும் முன்னமே
கிளம்பிய பேருந்தைக் கிழவி கூட
திட்டினாள்
கிழடு தட்டியவளுக்குப் புரிந்த
என் அடைமழைச் சாரல்
அந்த இளம்கிளிக்கு மட்டும் அடிக்கவில்லையா?

என் பேருந்து மறையும்போதும்
திரைப்பட நாயகிப் போல
திரும்பிப் பார்க்கவில்லை அவள்

அருகில் இடம் தந்த பாட்டி
அர்த்தப் புன்னகையால்
என் அடிமனம் வருடினாள்...
"தெனம் இதே நேரம்தான் ராசா எனக்கும் பஸ்ஸு"...
ஒரு வேளை இந்தக் கிழவி
என் அப்பனை பெற்றவளோ முன் ஜென்மத்தில்?
கேள்வியோடே தலை அசைத்துச் சிரித்தேன்

-----தொடரும் கிழவியுடனும் கிளியுடனும் இந்தப் பயணம்-----

**ரா.ரா3275** · **ரா.ரா3275** Sun Mar 11, 2012 9:25 pm

சதாசிவம் wrote:கவிதை அருமை,
பஸ்ஸில் பயணம் செய்த அனுபவம் ஏற்பட்டது.

வெயிற்குடை, ஆசைமழை, விழிக்குடை போன்ற வார்த்தைகள் அரிதாகவே கவிதைகளில் இடம்பெறுகிறது. அழகாக எடுத்து ஆண்டமைக்கு பாராட்டுகள்.

சதாசிவம் அவர்களின் பின்னூட்டம் என் எழுத்திற்குமா?...
நெஞ்சார்ந்த நன்றிகள்...

**ரா.ரா3275** · **ரா.ரா3275** Sun Mar 11, 2012 9:27 pm

மகா பிரபு wrote:தொடருங்கள் ராரா. உங்கள் பயணத்தை.

நன்றி பிரபு...

**ரா.ரா3275** · **ரா.ரா3275** Sun Mar 11, 2012 9:35 pm

Aathira wrote:இந்தக் கவிதைக் குறுங்காவிம் மிகவும் மனத்தை மென்மையாக வருடிச் செல்கிறது. நான் சந்தோஷித்தேன். ரொம்ப சந்தோஷித்தேன்.. அதுமட்டுமல்ல.... ரொம்ப ரொம்ப சந்தோஷித்தேன்... தொடருங்கள்.. கிழவியுடன் நானும் தொடர்வேன்.. கிளியின் சாரலை ரசித்தபடி...

அய்யோ...உங்கள் பாராட்டுக்கு நன்றி ஆதிரா அவர்களே...
நெகிழ்ந்தேன்...நெஞ்சார்ந்த நன்றிகள்...

**ரா.ரா3275** · **ரா.ரா3275** Sun Mar 11, 2012 9:36 pm

கொலவெறி wrote:
ரா.ரா3275 wrote:இதில் கவிதை இருந்தால் சந்தோஷியுங்கள்...
கதை இருந்தால் ரொம்ப சந்தோஷியுங்கள்...
இரண்டும் இருந்தால் அது........
என்ன சொல்ல?....
வார்த்தை தெரியவில்லை....
மாயா மாயா மாயா எல்லாம் மாயா
சாயா சாயா சாயா எல்லாம் சாயா

சந்தோஷி சந்தோஷி சந்தோஷி
நீ சந்தோசம் கொண்டாடும் கவியாசி

சந்தோஷி சந்தோஷி சந்தோஷி
உன் சந்தோசம் உன் கவியில் நீ யோசி

நண்பரே நன்றி நன்றி...

Sponsored content · Sponsored content

கிழவியுடனும் கிளியுடனும்-1

கிழவியுடனும் கிளியுடனும்-1

Re: கிழவியுடனும் கிளியுடனும்-1

Re: கிழவியுடனும் கிளியுடனும்-1

Re: கிழவியுடனும் கிளியுடனும்-1

Re: கிழவியுடனும் கிளியுடனும்-1

Re: கிழவியுடனும் கிளியுடனும்-1

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக