பின்லேடன் 3 மனைவிகள் பாகிஸ்தானில் திடீர் கைது

இரா.பகவதி · இரா.பகவதி Fri Mar 09, 2012 3:56 pm

சட்டவிரோத குடியேற்றம்
பின்லேடன் 3 மனைவிகள் பாகிஸ்தானில் திடீர் கைது

இஸ்லாமாபாத் : பாகிஸ்தானில் சட்ட விரோதமாக வசித்ததாக வழக்கு பதிவு செய்யப்பட்டு பின்லேடனின் 3 மனைவிகள் நேற்று கைது செய்யப்பட்டனர். பாகிஸ்தானின் அபோட்டாபாத் நகரில் ராணுவ பயிற்சி மையம் அருகில் உள்ள வீட்டில் சர்வதேச பயங்கரவாதி ஒசாமா பின்லேடன் வசித்து வந்தார். கடந்த ஆண்டு மே 2ம் தேதி அமெரிக்க அதிரடி படையினர் அந்த கட்டிடத்தை சுற்றி வளைத்து தாக்குதல் நடத்தினர். பின்லேடனை சுட்டுக் கொன்றனர். பிறகு அவரது உடல் ஹெலிகாப்டரில் எடுத்து செல்லப்பட்டு கடலுக்கு அடியில் புதைக்கப்பட்டதாக அமெரிக்க ராணுவம் தெரிவித்தது.

பின்லேடனுடன் தங்கியிருந்த 3 மனைவிகள், குழந்தைகள், பேரக் குழந்தைகளை அமெரிக்க வீரர்கள் பிடித்து பாகிஸ்தான் போலீசிடம் ஒப்படைத்தனர். அவர்களை ரகசிய இடத்தில் வைத்து, கடந்த 6 மாதங்களுக்கு மேலாக போலீசார் விசாரணை நடத்தி வந்தனர். விசாரணை முடிந்து 3 பெண்களும் குழந்தைகளுடன் துபாய், ஏமன் செல்ல திட்டமிட்டுள்ளதாக சமீபத்தில் தகவல் வெளியானது.

இந்நிலையில், பாகிஸ்தானில் சட்ட விரோதமாக நுழைந்து குடியிருந்ததாக அவர்கள் மீது வழக்கு பதிவு செய்யப்பட்டுள்ளதாக உள்துறை அமைச்சர் ரகுமான் மாலிக் நேற்று தெரிவித்தார். ‘‘சட்ட விரோதமாக பாகிஸ்தானில் தங்கியிருந்த குற்றத்துக்கு பின்லேடன் மனைவிகள் மீது நடவடிக்கை எடுக்க சட்ட நிபுணர்கள், புலனாய்வு அமைப்பினர் முடிவு செய்தனர். அதன்படி, 3 பேரும் குழந்தைகளுடன் கைது செய்யப்பட்டு நீதிமன்றத்தில் ஆஜர்ப்படுத்தப்பட்டனர். நீதிமன்ற உத்தரவின்பேரில் விசாரணை காவலில் வைக்கப்பட்டுள்ளனர்’’ என்றார் அவர்.

தினகரன்

யினியவன் · யினியவன் Fri Mar 09, 2012 4:15 pm

அமெரிக்காவுக்கு பயந்த மாதிரியே நடிக்கி ராணுவ
இந்த பாகிஸ்தான் ராணுவ ஆளுங்க.

சரி அவங்கள கைது பண்ணி என்னத்த செய்யப் போறானுவ?

இரா.பகவதி · இரா.பகவதி Fri Mar 09, 2012 4:18 pm

சரி அவங்கள கைது பண்ணி என்னத்த செய்யப் போறானுவ

அவங்களுக்கு ட்ரைனிங் கொடுது மறுபடியும் விடுருவங்க குரு

**சிவா** · **சிவா** Fri Mar 09, 2012 6:11 pm

இரா.பகவதி wrote:
சரி அவங்கள கைது பண்ணி என்னத்த செய்யப் போறானுவ
அவங்களுக்கு ட்ரைனிங் கொடுது மறுபடியும் விடுருவங்க குரு

என்ன ட்ரைனிங்!

இரா.பகவதி · இரா.பகவதி Fri Mar 09, 2012 7:22 pm

என்ன ட்ரைனிங்

சிவா அண்ணா ஒரு சின்ன கன்ஃப்யூஷன் நான் இதே டைம் சைனா பாகிஸ்தான் தீவிரவாதிகள் தொடர்பு பத்தி ஒரு பதிவு போடுருந்தேன் சைனா மினிஸ்டர் தீவிரவாதிகளை கைது செய்யனுனு சொல்லீருந்தாரு அந்த பதிவுக்கு போட வேண்டிய கொம்மெந்த இதுல போட்டுட்டேன்

Sponsored content · Sponsored content

பின்லேடன் 3 மனைவிகள் பாகிஸ்தானில் திடீர் கைது

பின்லேடன் 3 மனைவிகள் பாகிஸ்தானில் திடீர் கைது

Re: பின்லேடன் 3 மனைவிகள் பாகிஸ்தானில் திடீர் கைது

Re: பின்லேடன் 3 மனைவிகள் பாகிஸ்தானில் திடீர் கைது

Re: பின்லேடன் 3 மனைவிகள் பாகிஸ்தானில் திடீர் கைது

Re: பின்லேடன் 3 மனைவிகள் பாகிஸ்தானில் திடீர் கைது

Re: பின்லேடன் 3 மனைவிகள் பாகிஸ்தானில் திடீர் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக