ராராவின் மகளிர் தின சிறப்பு - சிரிப்பு

First topic message reminder :

ராராவின் மகளிர் தின சிறப்பு - சிரிப்பு


அரை தூக்கத்தில் புரண்டு படுத்த ராராவை எழுப்பியவாறே
கையில் காப்பியுடன் வந்தார் ராராவின் மனைவி.


தனக்கு முன்பே எழுந்து, குளித்து, காப்பி கலந்து கொண்டு வந்த
மனைவியைப் பார்த்த அதிர்ச்சியில் ராராவுக்கு மயக்கமே வந்து விட்டது.


ஆஹ் ன்னு அலறிவிட்டார் ராரா கையைத் தடவிக் கொண்டே - அட நாந்தாங்க கிள்ளினேன் - இது உண்மைதான், நீங்கள் காண்பது கனவல்ல நிஜம்ன்னு ப்ரூவ் பன்னத்தான்னு சொன்னார் ராராவின் மனைவி.


சீக்கிரம் குளிச்சிட்டு வாங்க உங்களுக்கு பிடிச்ச இடியாப்பமும், தேங்கா பாலும், குருமாவும் பண்ணியிருக்கேன் காலை டிபனுக்கு. அப்படியே மத்தியானத்துக்கு முருங்கைக்காய் சாம்பார், வத்தக் குழம்பு, ரசம், பாயசம் எல்லாம் பண்ணி கேரியர்ல பேக் பண்ணி வெச்சிருக்கேன்னு சொன்னத கேட்டு ராராவே தன்னைத் தானே கிள்ளிப் பார்த்துக் கொண்டு ஆஹ்ஹ் ன்னு அலறினார்.


உங்களுக்கு எப்பவுமே விளையாட்டு தான் போங்க என்று செல்லமாக கன்னத்தில் கிள்ளினார் ராராவின் மனைவி.


குளித்து வந்தவருக்கு தயாராக உடுத்த எடுப்பான உடைகளையும் தயாராக வைத்திருந்தார். அன்பான உபசரிப்பில் அதிகமாகவே சாப்பிட்டார் ராரா. பேப்பரில் இன்றைய ராசி பலனை அவசரமாக எடுத்துப் படித்தார் - ஒரு வேளை சனி விலகி இன்று சுக்கிரன் நேரா அவருகுள்ளையே பாஞ்சிட்டாரோன்னு ஒரு டவுட்ல.


மத்தியான சாப்பாட்ட வேஸ்ட் பண்ணாம சாப்ட்ருங்க அப்படியே ஈவினிங் ஷோ ரெண்டு பேரும் படத்துக்கு போயிட்டு முருகன் இட்லிக் கடைல டின்னர் பண்ணிட்டு வந்திடுவோம் என்றார்.


அலுவலகத்தில் ராராவுக்கு வேலையே ஓடவில்லை. என்ன ஆச்சு இன்னிக்கு இவ்ளோ கவனிப்பு என்று - கல்யாணம் ஆகி இந்த ஒரு வருஷத்துல இந்த மாதிரி அன்பையும் அக்கறையையும் அவர் பார்த்ததே இல்லை என்பதால்.


மதிய உணவும் அமர்களமாக இருந்தது. ஈவினிங் ஷோவும் பார்த்து இரவு உணவையும் முடித்து வந்து சந்தோஷ களைப்பில் மிதந்து அப்படியே உறங்கியும் போனார்கள் இருவரும்.


மறு நாள் விடிகையில் ராராவும் ஆர்வமாக நேற்றைய நினைவுகள் இதமாக மனதில் ஓட - காப்பிக்காக ஏங்கியபடியே எழுந்தார். வீட்டில் யாரும் இருப்பதற்கான அறிகுறியே இல்லை.


எல்லாம் போட்டது போட்டபடியே கிடக்க ஆள் அரவமே இல்லை. அடுத்த வீட்டு காம்பவுண்ட் அருகில் பேச்சு கேட்க - அங்கே ராராவின் மனைவியும் பக்கத்து வீட்டு மாமியும் கதை பேசிக் கொண்டிருந்தார்கள்.


மாமி: என்னம்மா நேத்தி நாம போட்ட ப்ளான் எப்படி வொர்க் அவுட் ஆச்சு?


ராரா மனைவி: நல்லா வொர்க் அவுட் ஆச்சு மாமி. எனக்கு ஏதோ என்னவோ ஆகிப் போச்சுன்னு அவருக்கு ஒரு டவுட். உங்க வீட்ல எப்படி போச்சு மாமி?


மாமி: எங்க ஆத்துக்காரர் நம்பவே இல்லேடி மா - கல்யாணம் ஆகி ரொம்ப வருஷம் ஆச்சோன்னோ - அதான்.


ராரா மனைவி: மாமி நேத்தி ஒரு நாள் மகளிர் தினத்துக்காக நாம கஷ்டப் பட்டு மகளிரா இருந்து பாக்கலான்னு ட்ரை பண்ணினதே இவ்ளோ கஷ்டமா இருக்கே - எப்படித் தான் வாழ்க்கை பூரா அப்படி இருக்காங்களோ நம்ம பொண்ணுங்கல்லாம் என்று பெரு மூச்சு விட்டார்.


மாமி: அதாண்டி நேக்கும் புரியல - சரி சரி எனக்கு பசிக்கறது - சீக்கிரம் சாப்பிட்டு அந்த சீரியல் ஆரம்பிக்கறதுக்கு முன்னாடி வந்திடறேன்னு கிளம்பினார்.


ராரா வுக்கு தலையில் இடி விழுந்தது போல் ஒரு உணர்வு.
அடப் பாவிங்களா ஆசை காட்டி மோசம் பண்ணிட்டாங்களேன்னு ஒரே சோகம்.


தன் கையே தனக்கு உதவின்னு - ஆகிற வேலைய அவரே பாக்க கிளம்பினார் வருத்தத்துடன்.


மகளிர் அணி வரிந்து கட்டி என்ன அடிக்க வரதுக்கு முன்னாடி நா எஸ்கேப்ப்ப்ப்.


ராராவும் என்ன அடிக்க ஆள் திரட்டி ஆர்ப்பாட்டமா வராருன்னு கேள்விப் பட்டேன்.


ஆண்கள் அணிக்காக குரல் குடுத்த என்ன அவங்களாவது சப்போர்ட் பண்றாங்களான்னு பாப்போம்.

வேலன் இப்போ எதுக்கு இவ்வளவு மகிழ்ச்சி கொலவெறி அவங்க விட்டு அம்மாட்ட அடி வாங்குனதுக்காகவா

தம்பி கொலவெறி கலைவெறியுடன் தான் சொந்த அனுபவத்தை தம்பி ரா.ரா. வின் பெயரிலே எழுதியுள்ளார். பாராட்டுகள்

ரேவதி wrote:முதலில் நடந்த விஷ்யங்களை படித்ததும் நான்கூட டென்ஷன் ஆயிட்டேன் மிஸ்ஸஸ். ராராயும் மாமியும் பேசியதை கேட்டதும்தான் உயிரே வந்துட்டு

அடிப்பாவி இப்படி சேம் சைட் கோல் போடுவியோ .............

( கோபிக்கவேண்டாம் ரேவதி, சும்மா கலாட்டாக்குதான் )

இனியனின் கற்பனையை விட உங்க கற்பனை சூப்பர்

கிறிஷ்ணம்மா அக்கா நான் சொன்னது என்னோட கற்பனை இல்லை அதுதான் உண்மை பாத்தீங்களா நான் உண்மையா சொன்னதுநல குரு சைலன்ட் ஆயிட்டாறு

இனியவன், நீங்க ரொம்ப நல்ல நகைசுவை உணர்வும் கற்பனைத்திறனும் உடைய ஆசாமி என்று நினைக்கிறேன் அற்புதம் , அற்புதம்

ரொம்ப நல்லா இருந்தது ரொம்ப ரசித்து படித்தேன் வளர்க உங்கள் திறன்

இரா.பகவதி wrote:வேலன் இப்போ எதுக்கு இவ்வளவு மகிழ்ச்சி கொலவெறி அவங்க விட்டு அம்மாட்ட அடி வாங்குனதுக்காகவா

அய்யோ சும்மா ஒரு சந்தோழத்துலதான்.......நீங்க நெனக்கிற மாதிரி இல்ல....அப்புறம் கொலவெறி அண்ணா கோவப்பட்டு அருவாளா தூக்கிட்டா?.....

உதயசுதா wrote:அட பாவிகளா. நம்ம நாட்டுல அதிகமா உழைக்கிறது பெண்கள் தான் என்று ஒரு சர்வே இருக்கு தெரியுமா ?
ஏதோ ஒண்ணு இரண்டு இடத்துல நடக்கிறதை வச்சு மொத்த பெண்களையும் கிண்டல் செய்வதை நான் வன்மையாக கண்டிக்கிறேன்.
வீட்டு சுமை,அலுவலக சுமை என்று எந்நேரமும் போராடுபவள் பெண் என்பதால் தான் மகளிர் தினம் என்று கொண்டாடுகிறோம்

உதயசுதா கோச்சுக்காதீங்க. சும்மா தமாசுக்கு தான்.

பெண்கள் நாட்டின் கண்கள் - சந்தோஷமா உங்களுக்கு இப்ப.

(சமாளிச்சிட்டடா கொலவெறி)

சிவா wrote:கொலவெறியின் வீட்டில் நிகழ்ந்ததை ராரா எனப் பெயர் மாற்றிப் பதிந்து அமர்க்களப்படுத்திவிட்டார்.

அற்புதமான நகைச்சுவைக் காட்சி.

நேர்ல பாத்தா மாதிரி புருடால்லாம் விடக் கூடாது சிவா.
சத்தியமா ராரா தான் அவங்க வீட்ல நடந்தத சொன்னாரு -
இப்ப கூட பயந்து போயி ரெண்டு நாளு ஊருக்கு ஓடிப் போயிட்டாரு.

அய்யோ சும்மா ஒரு சந்தோழத்துலதான்.......நீங்க நெனக்கிற மாதிரி இல்ல....அப்புறம் கொலவெறி அண்ணா கோவப்பட்டு அருவாளா தூக்கிட்டா?

வேலன் அண்ணா என் குருவ நீங்க இன்சல்ட் பனின விசியம் தெறிஞ்சி அவர் வெறியோட உங்களை தேடிக்கிட்டு இருக்காரு முடிஞ்சா தப்பிசிகொங்க

முடிஞ்சா விரட்டி பிடிக்க சொல்லுங்க?