இரட்டை வேடம் போடும் கருணாநிதி : பிராமணர் சங்கம் கடும் கண்டனம்

**சிவா** · **சிவா** Tue Mar 06, 2012 12:37 pm

First topic message reminder :

சென்னை : பிராமணர்களுக்கு எதிராக வன்முறையைத் தூண்டும் விதத்தில், "பார்பனக் கூட்டம் நடுங்க வேண்டும்' என, தி.மு.க., தலைவர் கருணாநிதி பேசியதை வன்மையாகக் கண்டித்து, தமிழ்நாடு பிராமணர் சங்கம் அறிக்கை வெளியிட்டுள்ளது.

தமிழ்நாடு பிராமணர் சங்கம் வெளியிட்டுள்ள அறிக்கை: தற்கால அரசியலுக்கு ஒவ்வாத நிலைப்பாடாக, 1912ம் ஆண்டு திராவிட இயக்கக் கூட்டத்தில், டாக்டர் நடேசன் மற்றும் டி.எம்.நாயர் கூறிய கருத்துக்கு, மெருகு பூசி சினிமா பாணியில் புதிதாகக் கதை அளக்கிறார் தி.மு.க., தலைவர் கருணாநிதி. நூறு ஆண்டுகளுக்கு முன்னர், அதாவது, 1912ல் நடைபெற்றது பிரிட்டிஷ் அரசாங்கம் - தமிழ்நாடு என்று அப்போது இல்லாமல், சென்னை மாகாணம் ராஜதானி என்று அழைக்கப்பட்டு, ஆந்திரா, கேரளா, கர்நாடகா என்று பிரிக்கப்படாமல் இருந்தது. அப்போது திராவிட இயக்கத்தின் தலைவர்கள் என்று கூறப்பட்ட டி.எம்.நாயர் (மலையாளம் பேசுபவர்) சர்.பி.டி.தியாகராஜன் (தெலுங்கு பேசுபவர்) டாக்டர் நடேசன் போன்றவர்கள் நீதிக் கட்சியின் சார்பில் வெள்ளையர்களுக்கு ஆதரவாகச் செயல்பட்டவர்கள்; நமது சுதந்திர போராட்டத்தைக் கொச்சைப்படுத்தியவர்கள். சுதந்திர நாளை, துக்க நாளாகக் கொண்டாடியவர்கள்.

கடந்த, 1960 வரை பல ஆயிரக்கணக்கான பிராமண தமிழ் ஆசிரியர்கள் தமிழகத்தில் பல பள்ளிகளிலும், கல்லூரிகளிலும் சிறப்பாக பணியாற்றியதை யாரும் மறந்திருக்கமுடியாது. முன்னாள் ஜனாதிபதி டாக்டர் அப்துல் கலாம், தான் ராமேஸ்வரத்தில் படித்தபோது, உதவி செய்த ஆசிரியரான சுப்பிரமணிய அய்யரை தன் பதவியேற்புக்கு டில்லிக்கு அழைத்துச் சென்று மரியாதை செய்தார் .

இப்படிப்பட்ட சூழ்நிலையில், தற்போதைய நிலைமைக்கு ஒவ்வாத பிராமண எதிர்ப்புக் கொள்கையை, தனக்கு சிக்கல், தோல்வி வரும்போதெல்லாம் ஒரு ஆயுதமாக எடுப்பதில் கருணாநிதி வல்லவர்.

பிராமணர்களின் அறிவுரைப்படி, ஆலோசனை உதவியுடன் தனது கட்சியையும், குடும்ப வியாபாரத்தையும் வளர்த்தவர் தான் இந்த தலைவர்.

தயாளுவில் ஆரம்பித்து, ஸ்டாலின் மனைவி மற்றும் குடும்பத்தின் மூன்று தலைமுறைக்கு பிரசவம் பார்த்தது பிராமணரான டாக்டர் பி.ராமமூர்த்தியும், அவரது மனைவியுமான டாக்டர் இந்திரா ராமமூர்த்தியும் தான். பல ஆண்டுகளாக இவருக்கு ஆடிட்டராக இருப்பது ஜெகதீசன் அன்ட் கம்பெனி. தற்போது எங்கு போனாலும் உடன் வந்து மருத்துவம் செய்வது பிராமணரான டாக்டர் கோபால் தான்.

கடந்த, 1996ல், 2006ல் ஆட்சி செய்தபோது ஆலோசனை வழங்கியது, டாக்டர் எம்.எஸ்.குகன் ஐ.ஏ.எஸ்., 2006- 2011 வரை தலைமைச் செயலராகவும், கோப்புகளில் தனியாகக் கையெழுத்து இடும் அளவுக்கு அதிகாரம் படைத்தவராக எஸ்.ஸ்ரீபதி ஐ.ஏ.எஸ்., உள்துறைச் செயலராக (ஹோம் செகரட்டரி) மாலதி ஐ.ஏ.எஸ்., மேடைகளில், விழாக்களில் தன்னைப் பற்றி புகழ்பாட கவிஞர் வாலி, குடும்ப பிசினஸ் பார்ட்னராக இந்தியா சிமென்ட்ஸ் சீனிவாசன், தனக்கு யோகாசனம் சொல்லிக் கொடுக்க தேசிகாச்சாரி என்று இவரது தேவைகளுக்கான பிராமணர் பட்டியல் தொடரும். தனக்குத் தேவை என்றால் இவர்கள் எல்லோரும் பிராமணர்கள் அல்லாதவர்கள்.

ஏன் இந்த இரட்டை வேஷம் - போலி நாடகம்?

தன் வீட்டுக் குழந்தைகள், பேரப்பிள்ளைகள் சென்னை டி.ஏ.வி., பள்ளியில் இந்தி படிக்கலாம்; மற்றவர்கள் தமிழ் தான் படிக்க வேண்டும். தமிழ் சுதந்திரப் போராட்ட தியாகி கோட்டாவில் தனது பேரன் (மு.க.அழகிரி மகன்) அண்ணா பல்கலைக்கழகத்தில், பி.இ., படிக்கலாம். தன் வீட்டு குழந்தைகளுக்கு ஸ்டாலின், தயாநிதி, கலாநிதி, சூர்யா, ஆதித்யா போன்ற சம்ஸ்கிருத பெயர்கள். தனது 'டிவி'க்களுக்கு சூரியா, ஆதித்யா, தேஜா, உதயா, ஜெமினி, சன் நெட்வொர்க் என்று வேற்று மொழிப் பெயர்கள். எத்தனை வருடங்களுக்குத்தான் இந்தப் பெரிய பித்தலாட்டம், ஏமாற்று வேலை?

எந்த பிராமணனும் ஊரை அடித்து உலையில் போடவில்லை. அரசாங்கப் பணத்தை, மக்களது வரிப் பணத்தை, கொள்ளையடித்து கோடீஸ்வரன் ஆனதில்லை. டெலிகாம் ஊழல், சேது சமுத்திரத் திட்ட ஊழல், வீராணம் ஊழல் என்றெல்லாம் விஞ்ஞான முறையில் பொதுச் சொத்தை கொள்ளையடித்து, இந்தியாவிலேயே ஒரு பெரிய கோடீஸ்வர குடும்பம் என்று பெயர் பெறவில்லை!

கடந்த 1967க்கு பிறகு, தமிழகத்தில் ஆட்சி செய்த , அமைச்சர்கள் பலர் இப்போது குறைந்தபட்சம், 100-200 கோடி ரூபாய்க்கு அதிபதி. இன்ஜினியரிங் கல்லூரி, மருத்துக் கல்லூரி, சினிமா தயாரிப்பு என்றெல்லாம் பல துறைகளில் பெரிய முதலாளிகள். இதெல்லாம் எப்படி வந்தது? கருணாநியின் மகள் டில்லி திகார் சிறையில் எட்டு மாதம் கம்பி எண்ணியது எதற்காக?

தனது குடும்பத்தில் நடக்கும் வாரிசு பிரச்னையை, கட்சியின் தோல்வியை திசை திருப்பவே, இந்த பிராமணர் எதிர்ப்பு நாடகம். ஆனால், நமது அரசியல் சாசனப்படி எந்த ஜாதியையும், பழித்துச் சொல்ல, இழிவுபடுத்த சட்டத்தில் இடமில்லை.

எல்லா மக்களுடன் அமைதியாக, நட்பாக வாழும் பிராணமர்கள் மீது வன்முறையை தூண்டும்படி, அச்சுறுத்தும் படியாக பேசும், தி.மு.க., தலைவர்கள் கருணாநிதி மீதும், அன்பழகன் மீதும் மத்திய, மாநில அரசுகள் சட்டப்படி கடும் நடவடிக்கை எடுக்க வேண்டும். இவ்வாறு அந்த அறிக்கையில் பிராமணர் சங்கம் கூறியுள்ளது.

தினமலர்

யினியவன் · யினியவன் Tue Mar 06, 2012 6:17 pm

ராஜா wrote:
உதயசுதா wrote:கருணாநிதி கபட வேட தாரி இல்லை.
கருணாநிதி கபட வேடதாரி இல்லை என்று சொல்லுரிங்களா ?எதை வைத்து இப்படி சொல்லுகிறீர்கள் ?

அவரு மேக்கப் போடறது இல்லியாம்.

உதயசுதா · உதயசுதா Tue Mar 06, 2012 6:25 pm

ராஜா wrote:
உதயசுதா wrote:கருணாநிதி கபட வேட தாரி இல்லை.
கருணாநிதி கபட வேடதாரி இல்லை என்று சொல்லுரிங்களா ?எதை வைத்து இப்படி சொல்லுகிறீர்கள் ?

ஐயாயோ நான் சொல்ல வந்தது கருணாநிதி மட்டும் இல்லை இந்த அறிக்கைய விட்டவனும் கபட வேட தாரி என்றுதான்

உதயசுதா · உதயசுதா Tue Mar 06, 2012 6:27 pm

pgasok wrote:என்னை பொறுத்த வரையுலும் கூட பாரதிய ஜனதா விட வித்தியாச முறையில் ஜாதி மற்றும் மத அரசியலில் வல்லவர் கருணாநிதி ராஜாவை கைது செய்யும் போது கூட நான் நாளை கண்டிப்பாக ராஜா ஒரு தலித் என்பதால் கைது செய்யப்பட்டார் என்று அறிக்கை விடுவார் என்று சொன்னேன் மறுநாள் எல்லா ஏடுகளிலும் தான் அறிக்கை
அதேபோல் எனக்கு ஒரு சந்தேகம் கருணாநிதி கடவுளுக்கு விரோத போக்கு கொண்டவரா இல்லை இந்து மத விரோத போக்கு கொண்டவரா உதயசுதா அக்கா கொஞ்சம் சொல்லுங்கள்
குறிப்பு : சத்தியமாக நான் பிரமினன் இல்லை

avaru இந்து மத கடவுளுக்கும் ,இந்துக்களுக்கும் மட்டும் விரோதமானவர்.

**ராஜா** · **ராஜா** Tue Mar 06, 2012 6:28 pm

உதயசுதா wrote:ஐயாயோ நான் சொல்ல வந்தது கருணாநிதி மட்டும் இல்லை இந்த அறிக்கைய விட்டவனும் கபட வேட தாரி என்றுதான்

உதயசுதா wrote:கருணாநிதி கபட வேட தாரி இல்லை.இந்த அறிக்கைய சொன்னவன் தான் கபட வேட தாரி.அவரு ஆட்சில இருந்த வரைக்கும் அவருக்கு நல்லா ஜால்ரா அடிச்சுட்டு இப்ப ஆட்சில இல்லை என்றதும் குறை சொல்ல வந்து இருக்கான்னா யார் கபட வேட தாரி.கருணாநிதி பற்றி எல்லாருக்கும் தெரிந்தே இருக்கிறது.

இதில் நீங்க அப்படி சொல்லலியே , கருணாநிதி நல்லவர் என்பது போல தானே சொல்லியுள்ளீர்கள்

யினியவன் · யினியவன் Tue Mar 06, 2012 6:40 pm

சுதா சொன்னது அந்த அர்த்தத்தில் இல்லை - பத்திரிக்கையாளர்கள் தவறாக கோட் செய்து விட்டார்கள். போதுமா விளக்கம் ராஜா?

**ராஜா** · **ராஜா** Tue Mar 06, 2012 6:43 pm

கொலவெறி wrote:சுதா சொன்னது அந்த அர்த்தத்தில் இல்லை - பத்திரிக்கையாளர்கள் தவறாக கோட் செய்து விட்டார்கள். போதுமா விளக்கம் ராஜா?

கொலவெறியோட விளக்கம் சொல்லுறப்ப போதாதுன்னு எப்படி சொல்ல முடியும் ........ அய்யோ, நான் இல்லை

யினியவன் · யினியவன் Tue Mar 06, 2012 6:46 pm

அவங்களே ஆபீஸ்ல போனடிச்சு அரத் தூக்கத்தில திரு திருன்னு முழிச்சிட்டு இருக்கறப்ப, நொய் நொய்ன்னு கேட்டா பாவம் என்ன பண்ணுவாங்க?

**சிவா** · **சிவா** Tue Mar 06, 2012 6:49 pm

கொலவெறி wrote:அவங்களே ஆபீஸ்ல போனடிச்சு அரத் தூக்கத்தில திரு திருன்னு முழிச்சிட்டு இருக்கறப்ப, நொய் நொய்ன்னு கேட்டா பாவம் என்ன பண்ணுவாங்க?

அப்ப நெய்... நெய்.. என்று கேட்கலாமா/

யினியவன் · யினியவன் Tue Mar 06, 2012 6:51 pm

சிவா wrote:
கொலவெறி wrote:அவங்களே ஆபீஸ்ல போனடிச்சு அரத் தூக்கத்தில திரு திருன்னு முழிச்சிட்டு இருக்கறப்ப, நொய் நொய்ன்னு கேட்டா பாவம் என்ன பண்ணுவாங்க?

அப்ப நெய்... நெய்.. என்று கேட்கலாமா/

வை வைன்னு வஞ்சிடப் போறாங்க.

**ராஜா** · **ராஜா** Tue Mar 06, 2012 6:55 pm

கொலவெறி wrote:
சிவா wrote:அப்ப நெய்... நெய்.. என்று கேட்கலாமா/
வை வைன்னு வஞ்சிடப் போறாங்க.

அதெல்லாம் வைய்ய மாட்டாங்க , மாமா வழக்கமா சமையலறையில் இருந்து இப்படி தானே சுதாவிடம் டவுட் கேட்பார்.

Sponsored content · Sponsored content

இரட்டை வேடம் போடும் கருணாநிதி : பிராமணர் சங்கம் கடும் கண்டனம்

இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

Re: இரட்டை வேடம் போடும் கருணாநிதி : பிராமணர் சங்கம் கடும் கண்டனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக