கல்கி இதழ் - கோம்பைக்குக் கொண்டு வாங்க!

**பிரசன்னா** · **பிரசன்னா** Sun Mar 04, 2012 2:24 pm

தேனி மாவட்டத்தில் ஆதி கிராமம் கோம்பை. காலப்போக்கில் அதனைச் சுற்றித்தான் ஆங்காங்கே கிராமங்கள் அமையத் தொடங்கின. பழம்பெருமைக்குரிய கோம்பை கிராமத்தில், கடந்த முந்நூறு வருடங்களாக மஞ்சள் காமாலை நோய்க்கு மூலிகை மருத்துவம் செய்து வருகிறது அமரர் என். எஸ். வீரணத் தேவர் குடும்பம்.
தற்போது வீரணத்தேவர் மகன்கள் என்.எஸ்.வி. கண்ணன், என்.எஸ்.வி. சக்திவேல் இருவரும் கோம்பை கிராமத்தில் மருத்துவம் பார்த்து வருகின்றனர். “மதுரை, தேனி மாவட்டம் என்று மட்டுமில்லாது, கேரளாவிலிருந்தும் தினசரி நிறைய பேர் வந்து போகின்றனர். காலையில் ஆறு மணிக்குத் தொடங்கும் எங்கள் வைத்தியம், காலை பன்னிரண்டு மணிக்குள் முடிந்துவிடும். ஏனெனில், காலையில் வெறும் வயிற்றில் மூலிகை மருந்து தருவதே உடனடி பலன் தரும்!’ எனச் சொல்கிறார் சிறப்பு மருத்துவர் கண்ணன்.
“மஞ்சள் காமாலை தெய்விக மூலிகை மருத்துவ மையத்துக்கு சராசரியாக தினசரி இருநூறு நோயாளிகள் வந்து பயன்பெற்றுச் செல்கின்றனர். மஞ்சள் காமாலை ஏ வைரஸ், பி வைரஸ், வரக்காமாலை, ஊதுகாமாலை என மஞ்சள் காமாலை நோய் வகைகளில் ஏ டு இசட் வரை இருக்கு’ - என்கிறார் சிறப்பு மருத்துவரும் மூலிகை ஆய்வாளருமான சக்திவேல். அண்ணன், தம்பி என சகோதரர்கள் இருவருமே சுருளி மலைப்பகுதிகளில் தேடியலைந்து மூலிகைகளைப் பறித்து வந்து மருந்து தயாரிக்கின்றனர்.
“மஞ்சள் காமாலையின் அனைத்து வகை நோய்களுக்கும் கல்லீரல் சம்பந்தமான நோய்களுக்கும் பக்கவிளைவுகள் ஏதுமின்றி 12 வகை அரிய மூலிகைகளைக் கொண்டு மருந்து தயாரித்துத் தருகிறோம்! இவையெல்லாம் சுருளி மலை மூலிகை புண்ணியத்தில் நடக்கின்றது!’ எனக் கூறும் சக்திவேல் மூலிகை ஆய்வாளர் மட்டுமல்ல. நவீன கவிஞரும் கூட. சைதன்யா என்கிற பெயரில் கவிதைகளும் எழுதி வருகிறார்.

பொ. கணேசபாண்டியன், தேனி

யினியவன் · யினியவன் Sun Mar 04, 2012 2:34 pm

பகிர்வுக்கு நன்றி பிரசன்னா.

இரா.பகவதி · இரா.பகவதி Sun Mar 04, 2012 2:36 pm

**கே. பாலா** · **கே. பாலா** Sun Mar 04, 2012 2:38 pm

எங்க ஊர்பக்கம்....பரவை என்ற ஊரில் மஞ்சள் காமாலைக்கு மூலிகை வைத்தியம் செய்கிறார்கள் ..இங்கே உள்ள எம்‌பி‌பி‌எஸ் ... மருத்துவர்களே இந்தமூலிகை வைதியத்தை சிபாரிசு செய்கின்றனர்

இரா.பகவதி · இரா.பகவதி Sun Mar 04, 2012 2:40 pm

எங்க ஊர்பக்கம்

பாலா அண்ணா உங்கள் ஊர்

**கே. பாலா** · **கே. பாலா** Sun Mar 04, 2012 2:41 pm

இரா.பகவதி wrote:
எங்க ஊர்பக்கம்
பாலா அண்ணா உங்கள் ஊர்

திருதுறைபூண்டி, திருவாரூர் மாவட்டம் சிரி

இரா.பகவதி · இரா.பகவதி Sun Mar 04, 2012 2:45 pm

பாலா அண்ணா நன்றி மகிழ்ச்சி

ஹர்ஷித் · ஹர்ஷித் Sun Mar 04, 2012 10:33 pm

தேனி மாவட்டத்தில் இது மட்டும் அல்ல பல விதமான சிகிச்சைகள் செய்யப்படுகின்றது.பக்க வாதம்,விஷ முறிவு மருத்துவம் மேலும் பல....

தகவலுக்கு நன்றிகள். அருமையிருக்கு