தூங்கத் தெரியாத பொம்மைகள்.

**rameshnaga** · **rameshnaga** Sat Mar 03, 2012 7:58 pm

First topic message reminder :

உளியின் அடியில்...
கற்கள் சிதறுகின்றன.
இதுவரை....
அந்தப் பாறையில்
தான் இருந்ததை அறியாத கடவுள்...
நாளை முதல்...
உங்களின் முன் நிற்கலாம்....
என்றும் மாறாத புன்னகையுடன்.
************************************************************
பூக்கள்..
முட்களின் மேல்...
என்றாலும் மாறுவதில்லை...
தேனருந்த வரும் பூச்சியின் காதல்.
****************************************************************
நான்....
ஒல்லியாய்தான் இருக்கிறேன்.
என் நிழலோ....வெகு குண்டாய்....
எனக்குத் தெரியவில்லை.
எனது நிழல் என்னை எப்படித்
தின்று வளர்ந்ததென?
*****************************************************************
குழந்தையின் கனவுகளைச்
சுமக்கும் பொம்மை....
தூங்கத் தெரியாமல் விழித்திருக்கிறது
எல்லா இரவுகளிலும்.
***********************************************************************

**rameshnaga** · **rameshnaga** Mon Mar 05, 2012 2:45 pm

ரொம்பவும் நன்றி! அருண்., ரஞ்சித்குமார்.

**உமா** · **உமா** Mon Mar 05, 2012 3:13 pm

அருமை ...நல்ல சிந்தனை நாகா அவர்களே..தனி தனியே மேர்க்கோல் செயலாம் என நினைத்தேன். ஆனால் என்ன வார்த்தைகளை சொல்லி பாராட்டுவது என்று தெரியவில்லை. அந்த அளவு உள்ளது வரிகள்.
மகிழ்ச்சி