முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

**இளமாறன்** · **இளமாறன்** Sat Mar 03, 2012 1:21 am

மெல்போர்ன், மார்ச். 2-

இந்தியா,ஆஸ்திரேலியா, இலங்கை அணிகளுக்கு இடையேயான முத்தரப்பு ஒருநாள் கிரிக்கெட் போட்டி ஆஸ்திரேலியாவில் நடந்து வருகிறது. இதுவரை 11 `லீக்' போட்டிகள் முடிந்து விட்டன. இதில் ஆஸ்திரேலியா 19 புள்ளிகளுடன் முதல் இடத்தை பிடித்து இறுதிப் போட்டியில் விளையாட தகுதி பெற்றது.

இந்தியாவும், இலங்கையும் 15 புள்ளிகளுடன் சமநிலையில் உள்ளது. இந்தியா பங்கேற்கும் `லீக்' ஆட்டங்கள் முடிந்து விட்டது. இன்று நடைபெறும் கடைசி `லீக்' போட்டியில் இலங்கையும், ஆஸ்திரேலியாவும் மோதுகின்றன. இன்றைய ஆட்டத்தில் இலங்கை தோற்றால் இந்தியாவுக்கு இறுதிப்போட்டி வாய்ப்பு உள்ளது. அந்த அணி வெற்றி பெற்றாலோ, போட்டி `டை' அல்லது மழையால் ரத்தானால் அது இலங்கைக்கு சாதகமாக அமைந்துவிடும்.

பரபரப்பான இந்த போட்டி மெல்போர்ன் நகரில் இன்று காலை தொடங்கியது. டாஸ் வென்ற இலங்கை முதலில் பேட்டிங் செய்தது. தொடக்க ஆட்டக்காரர்களாக ஜெயவர்த்தனே, தில்ஷான் களம் இறங்கினார்கள். இலங்கை 10 ரன் எடுப்பதற்குள் முதல் விக்கெட்டை இழந்தது.

தொடக்க வீரர் ஜெயவர்த்தனே டேவிட் ஹஸ்சி பந்தில் ரன்அவுட் ஆனார். அவர் 5 ரன் மட்டுமே எடுத்தார். அடுத்து தில்ஷான் 9 ரன்கள் எடுத்த நிலையில் பேட்டின்சன் பந்தில் வடேயிடம் `கேட்ச்' கொடுத்து ஆட்டம் இழந்தார். அப்போது இலங்கையின் ஸ்கோர் 17 ரன்கள். தொடக்கத்தில் இலங்கை அணி தடுமாறினாலும் பின்னர் வந்த சங்ககாரா-சந்திமால் ஜோடி நிலைத்து நின்று ஆடியது. ஆட்டத்தின் 25-வது ஓவரில் இருவரும் அரை சதத்தை தாண்டி அணியின் ஸ்கோரை உயர்த்தினார்கள்.

சிறப்பாக ஆடிய சங்ககரா 64 ரன்களிலும், சண்டிமால் 75 ரன்களும் எடுத்து ஆட்டமிழந்தனர். அடுத்து வந்த திரிமன்னே நிலைத்து ஆட, மறுமுனையில் விக்கெட்டுகள் சரிந்தன. 43 ஓவரில் ஹாட்ரிக் விக்கெட்டுகளை வீழ்த்தி இலங்கை அணிக்கு அதிர்ச்சி தந்தார் டேனியல் கிறிஸ்டியன். 43 வது ஓவரை வீசிய கிறிஸ்டியன் 43 வது ஓவரின் மூன்றாவது பந்தில் பெரேராவையும், நான்காவது பந்தில் சேனநாயகேவையும், ஐந்தாவது பந்தில் குலசேகராவையும் வீழ்த்தி ஹாட்ரிக் சாதனை படைத்தார். அணியை சரிவிலிருந்து மீட்ட திரிமன்னே 51 ரன்களில் ஆட்டமிழந்தார்.

ஆட்டத்தின் கடைசி பந்தில் மலிங்கா 2 ரன்களில் ஆட்டமிழந்தார். ஹெராத் 14 ரன்களுடன் களத்தில் இருந்தனர். 50 ஓவர் முடிவில் இலங்கை அணி அனைத்து விக்கெட்டுகளையும் இழந்து 238 ரன்கள் எடுத்தது.

பின்னர் 239 ரன்கள் எடுத்தால் வெற்றி என்ற இலக்குடன் ஆஸ்திரேலியா பேட்டிங்கை தொடங்கியது. தொடக்க ஆட்டகாரர்களாக வாடே, வார்னரும் களம் இறங்கி விளையாடினர். மலிங்கா வீசிய 3- வது ஓவரில் வார்னர் 6 ரன் எடுத்திருந்த போது கேட்ச் ஆனார். அடுத்து வந்த வாட்சன், வாடேவுடன் இணைந்து விளையாடினார். வாடே 9 இருக்கும் போது குலசேகரா பந்தில் எல்.பி.டபிள்யூ முறையில் ஆட்டம் இழந்தார்.

அதன் பின் வந்த பாரஸ்ட் 2 ரன்னில் பெவுலியன் திரும்பினார். அதை தொடர்ந்து வந்த மைக்கேல் ஹஸ்சி வாட்சனுடன் ஜோடி சேர்ந்து விளையாடினர் இவருவம் விக்கெட்டை காப்பாற்றும் நோக்கத்துடன் விளையாடினர். வாட்சன் அரை சதம் அடித்தார்.சிறப்பாக விளையாடி வந்த மைக்கேல் ஹஸ்சி 29 ரன்னில் அவுட் ஆனார். அப்போழுது ஆஸ்திரேலியாவின் ஸ்கோர் 134 ரன்னாக இருந்தது.

பின்னர் களம் வந்த டேவிட் ஹஸ்சி வாட்சனுடன் ஜோடி சேர்ந்து அதிரடியாக விளையாடி அரை சதம் அடித்தார். சிறப்பாக விளையாடி வந்த வாட்சன் 65 ரன் அடித்திருந்த போது மலிங்கா பந்து வீச்சில் போல்டு ஆனார்.

அவரைத் தொடர்ந்து வந்த வீரர்கள் சொற்ப ரன்னில் வெளியேற டேவிட் ஹஸ்சி மற்றும் இறுதிவரை போராடினார். கடைசி ஓவருக்கு மட்டும் 10 ரன்கள் தேவை என்ற நிலை இருந்தது. குலசேகரா வீசிய இறுதி ஓவரில் முதல் பந்தை சிக்சருக்கு அடிக்க முயன்று பவுண்டரி எல்லையில் தில்சனிடம் கேட்ச் கொடுத்து வெளியேறினார் டேவிட் ஹஸ்சி. இதனால் இலங்கை 9 ரன் வித்தியாசத்தில் பரபரப்பான வெற்றி பெற்றது.

இலங்கை அணியின் வெற்றியை அடுத்து இந்திய அணி இறுதி போட்டியில் கலந்து கொள்ளும் வாய்ப்பு தகர்ந்தது.

மாலைமலர்

யினியவன் · யினியவன் Sat Mar 03, 2012 1:39 am

அவர்கள் தோற்று நாம் உள்ளே போவதை விடின்
அவர்கள் வென்று அவர்கள் செல்வது தவறில்லை.

முன் வாசல் வழி வெற்றி நடை போட்டு போவதே சிறப்பு.
புற வாசல் வழி போவது இழுக்கே.

மகா பிரபு · மகா பிரபு Sat Mar 03, 2012 7:05 am

திரிஷா இல்லைனா திவ்யா.
காமன்வெல்த் இல்லைனா ஆசிய கோப்பை .

மகா பிரபு · மகா பிரபு Sat Mar 03, 2012 7:37 am

வெற்றி பெற வேண்டிய இந்தப் போட்டியில் ஆஸ்திரேலியா கடைசி ஓவர் வரை இழுத்தடித்து வேண்டுமென்றே தோற்றது. இதன் மூலம் இந்தியாவை இறுதிச் சுற்றுக்குள் நுழையவிடாமல் தடுத்து விட்டது. இலங்கை அணிக்கு எதிராக நடந்த கடைசி லீக்கில் இந்திய வீரர்கள் மின்னல் வேகத்தில் ஆடி 40 ஓவருக்குள் அந்த இலக்கை எட்டி வெற்றி பெற்று போனஸ் புள்ளியும் பெற்றனர். இதனைக் கண்டு ஆஸ்திரேலிய அணி மிரண்டு விட்டது. இந்திய அணி கடும் சவாலை அளிக்கும் என்று கருதியதால் இலங்கையை வெற்றி பெற வைத்து விட்டது.

தினபூமி

**சிவா** · **சிவா** Sat Mar 03, 2012 8:59 am

திறமையானவர்கள் மட்டுமே வெற்றிக்கனியைச் சுவைக்க முடியும்!

**ராஜா** · **ராஜா** Sat Mar 03, 2012 10:45 am

கொலவெறி wrote:அவர்கள் தோற்று நாம் உள்ளே போவதை விடின்
அவர்கள் வென்று அவர்கள் செல்வது தவறில்லை.

முன் வாசல் வழி வெற்றி நடை போட்டு போவதே சிறப்பு.
புற வாசல் வழி போவது இழுக்கே.

என்னுடைய கருத்தும் இது தான் ,

மகா பிரபு wrote:
வெற்றி பெற வேண்டிய இந்தப் போட்டியில் ஆஸ்திரேலியா கடைசி ஓவர் வரை இழுத்தடித்து வேண்டுமென்றே தோற்றது. இதன் மூலம் இந்தியாவை இறுதிச் சுற்றுக்குள் நுழையவிடாமல் தடுத்து விட்டது. இலங்கை அணிக்கு எதிராக நடந்த கடைசி லீக்கில் இந்திய வீரர்கள் மின்னல் வேகத்தில் ஆடி 40 ஓவருக்குள் அந்த இலக்கை எட்டி வெற்றி பெற்று போனஸ் புள்ளியும் பெற்றனர். இதனைக் கண்டு ஆஸ்திரேலிய அணி மிரண்டு விட்டது. இந்திய அணி கடும் சவாலை அளிக்கும் என்று கருதியதால் இலங்கையை வெற்றி பெற வைத்து விட்டது.
தினபூமி

இலங்கைக்கு ஆஸ்ட்ரேலியா விட்டுக்கொடுத்தது என்பது தவறான கருத்து , ஆஸ்ட்ரேலியாவுக்கு இந்தியாவை விட இலங்கை தான் அச்சுறுத்தலான அணி என்பது தகுதி சுற்று போட்டிகளிலேயே அனைவருக்கும் தெரிந்திருக்கும்

யினியவன் · யினியவன் Sat Mar 03, 2012 11:31 am

மகா பிரபு wrote:திரிஷா இல்லைனா திவ்யா.
காமன்வெல்த்் இல்லைனா ஆசிய கோப்பை .

இந்தக் காமன் வெல்த் ் உங்ககிட்ட நிறைய இருக்கு பிரபு
அதான் த்ரிஷா இல்லேன்னாலும் திவ்யா ஓகேன்னு சொல்றீங்க.

உதயசுதா · உதயசுதா Sat Mar 03, 2012 11:35 am

ஆமா இவனுக என்னத்த ஆடி, என்னத்த ஜெயிச்சு.
உலக கோப்பை வாங்கியதோட சந்தோசபாட்டுக்க வேண்டியதுதான்

மகா பிரபு · மகா பிரபு Sat Mar 03, 2012 11:43 am

கொலவெறி wrote:
மகா பிரபு wrote:திரிஷா இல்லைனா திவ்யா.
காமன்வெல்த்் இல்லைனா ஆசிய கோப்பை .
இந்தக் காமன் வெல்த் ் உங்ககிட்ட நிறைய இருக்கு பிரபு
அதான் த்ரிஷா இல்லேன்னாலும் திவ்யா ஓகேன்னு சொல்றீங்க.

ஆமா அண்ணா. நாம யாரு .? இன்னும் மூணு வருஷத்துக்கு உலக சேம்பியன். . அப்படி இருக்கும் போது இந்த சின்ன காமன்வெல்த் கோப்பையெல்லாம் நமக்கு எதுக்கு. அதோட இதை நாம் வாங்குனாலும் உலக சேம்பியன் னு தான் சொல்லுவாங்க. சிரி

**பிரசன்னா** · **பிரசன்னா** Sat Mar 03, 2012 11:45 am

கடைசியில் ஆட்டம் ரொம்பவே விறுவிறுப்பாக இருந்தது...

Sponsored content · Sponsored content

முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக