முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

**இளமாறன்** · **இளமாறன்** Sat Mar 03, 2012 1:21 am

First topic message reminder :

மெல்போர்ன், மார்ச். 2-

இந்தியா,ஆஸ்திரேலியா, இலங்கை அணிகளுக்கு இடையேயான முத்தரப்பு ஒருநாள் கிரிக்கெட் போட்டி ஆஸ்திரேலியாவில் நடந்து வருகிறது. இதுவரை 11 `லீக்' போட்டிகள் முடிந்து விட்டன. இதில் ஆஸ்திரேலியா 19 புள்ளிகளுடன் முதல் இடத்தை பிடித்து இறுதிப் போட்டியில் விளையாட தகுதி பெற்றது.

இந்தியாவும், இலங்கையும் 15 புள்ளிகளுடன் சமநிலையில் உள்ளது. இந்தியா பங்கேற்கும் `லீக்' ஆட்டங்கள் முடிந்து விட்டது. இன்று நடைபெறும் கடைசி `லீக்' போட்டியில் இலங்கையும், ஆஸ்திரேலியாவும் மோதுகின்றன. இன்றைய ஆட்டத்தில் இலங்கை தோற்றால் இந்தியாவுக்கு இறுதிப்போட்டி வாய்ப்பு உள்ளது. அந்த அணி வெற்றி பெற்றாலோ, போட்டி `டை' அல்லது மழையால் ரத்தானால் அது இலங்கைக்கு சாதகமாக அமைந்துவிடும்.

பரபரப்பான இந்த போட்டி மெல்போர்ன் நகரில் இன்று காலை தொடங்கியது. டாஸ் வென்ற இலங்கை முதலில் பேட்டிங் செய்தது. தொடக்க ஆட்டக்காரர்களாக ஜெயவர்த்தனே, தில்ஷான் களம் இறங்கினார்கள். இலங்கை 10 ரன் எடுப்பதற்குள் முதல் விக்கெட்டை இழந்தது.

தொடக்க வீரர் ஜெயவர்த்தனே டேவிட் ஹஸ்சி பந்தில் ரன்அவுட் ஆனார். அவர் 5 ரன் மட்டுமே எடுத்தார். அடுத்து தில்ஷான் 9 ரன்கள் எடுத்த நிலையில் பேட்டின்சன் பந்தில் வடேயிடம் `கேட்ச்' கொடுத்து ஆட்டம் இழந்தார். அப்போது இலங்கையின் ஸ்கோர் 17 ரன்கள். தொடக்கத்தில் இலங்கை அணி தடுமாறினாலும் பின்னர் வந்த சங்ககாரா-சந்திமால் ஜோடி நிலைத்து நின்று ஆடியது. ஆட்டத்தின் 25-வது ஓவரில் இருவரும் அரை சதத்தை தாண்டி அணியின் ஸ்கோரை உயர்த்தினார்கள்.

சிறப்பாக ஆடிய சங்ககரா 64 ரன்களிலும், சண்டிமால் 75 ரன்களும் எடுத்து ஆட்டமிழந்தனர். அடுத்து வந்த திரிமன்னே நிலைத்து ஆட, மறுமுனையில் விக்கெட்டுகள் சரிந்தன. 43 ஓவரில் ஹாட்ரிக் விக்கெட்டுகளை வீழ்த்தி இலங்கை அணிக்கு அதிர்ச்சி தந்தார் டேனியல் கிறிஸ்டியன். 43 வது ஓவரை வீசிய கிறிஸ்டியன் 43 வது ஓவரின் மூன்றாவது பந்தில் பெரேராவையும், நான்காவது பந்தில் சேனநாயகேவையும், ஐந்தாவது பந்தில் குலசேகராவையும் வீழ்த்தி ஹாட்ரிக் சாதனை படைத்தார். அணியை சரிவிலிருந்து மீட்ட திரிமன்னே 51 ரன்களில் ஆட்டமிழந்தார்.

ஆட்டத்தின் கடைசி பந்தில் மலிங்கா 2 ரன்களில் ஆட்டமிழந்தார். ஹெராத் 14 ரன்களுடன் களத்தில் இருந்தனர். 50 ஓவர் முடிவில் இலங்கை அணி அனைத்து விக்கெட்டுகளையும் இழந்து 238 ரன்கள் எடுத்தது.

பின்னர் 239 ரன்கள் எடுத்தால் வெற்றி என்ற இலக்குடன் ஆஸ்திரேலியா பேட்டிங்கை தொடங்கியது. தொடக்க ஆட்டகாரர்களாக வாடே, வார்னரும் களம் இறங்கி விளையாடினர். மலிங்கா வீசிய 3- வது ஓவரில் வார்னர் 6 ரன் எடுத்திருந்த போது கேட்ச் ஆனார். அடுத்து வந்த வாட்சன், வாடேவுடன் இணைந்து விளையாடினார். வாடே 9 இருக்கும் போது குலசேகரா பந்தில் எல்.பி.டபிள்யூ முறையில் ஆட்டம் இழந்தார்.

அதன் பின் வந்த பாரஸ்ட் 2 ரன்னில் பெவுலியன் திரும்பினார். அதை தொடர்ந்து வந்த மைக்கேல் ஹஸ்சி வாட்சனுடன் ஜோடி சேர்ந்து விளையாடினர் இவருவம் விக்கெட்டை காப்பாற்றும் நோக்கத்துடன் விளையாடினர். வாட்சன் அரை சதம் அடித்தார்.சிறப்பாக விளையாடி வந்த மைக்கேல் ஹஸ்சி 29 ரன்னில் அவுட் ஆனார். அப்போழுது ஆஸ்திரேலியாவின் ஸ்கோர் 134 ரன்னாக இருந்தது.

பின்னர் களம் வந்த டேவிட் ஹஸ்சி வாட்சனுடன் ஜோடி சேர்ந்து அதிரடியாக விளையாடி அரை சதம் அடித்தார். சிறப்பாக விளையாடி வந்த வாட்சன் 65 ரன் அடித்திருந்த போது மலிங்கா பந்து வீச்சில் போல்டு ஆனார்.

அவரைத் தொடர்ந்து வந்த வீரர்கள் சொற்ப ரன்னில் வெளியேற டேவிட் ஹஸ்சி மற்றும் இறுதிவரை போராடினார். கடைசி ஓவருக்கு மட்டும் 10 ரன்கள் தேவை என்ற நிலை இருந்தது. குலசேகரா வீசிய இறுதி ஓவரில் முதல் பந்தை சிக்சருக்கு அடிக்க முயன்று பவுண்டரி எல்லையில் தில்சனிடம் கேட்ச் கொடுத்து வெளியேறினார் டேவிட் ஹஸ்சி. இதனால் இலங்கை 9 ரன் வித்தியாசத்தில் பரபரப்பான வெற்றி பெற்றது.

இலங்கை அணியின் வெற்றியை அடுத்து இந்திய அணி இறுதி போட்டியில் கலந்து கொள்ளும் வாய்ப்பு தகர்ந்தது.

மாலைமலர்

**ராஜா** · **ராஜா** Sat Mar 03, 2012 11:48 am

ஆஸ்ட்ரேலியா மட்டையாளர்கள் குறிப்பாக Dஹஸ்ஸி போட்டியை எதிர்கொண்ட விதம் அட்டகாசமாக இருந்தது. சூப்பருங்க

**பிரசன்னா** · **பிரசன்னா** Sat Mar 03, 2012 11:52 am

ராஜா wrote:ஆஸ்ட்ரேலியா மட்டையாளர்கள் குறிப்பாக Dஹஸ்ஸி போட்டியை எதிர்கொண்ட விதம் அட்டகாசமாக இருந்தது.

அதே...

பாலாஜி · பாலாஜி Sat Mar 03, 2012 12:02 pm

இறுதி போட்டிகளில் இந்தியாவை விட இலங்கை அணி தான் ஆஸியை வெல்ல முடியும் என்பது தகுதி சுற்று போட்டிகளிலேயே தெரிந்துவிட்டது ..

இந்தியாவில் உலககோப்பை நடைபெற்றதால்தான் இந்தியா அணி இலங்கையை வெல்ல முடிந்தது என்று நினைக்கின்றேன் . இல்லையென்றால் இலங்கை உலக சாம்பியன் ஆகி இருக்கும் ..

**அருண்** · **அருண்** Sat Mar 03, 2012 12:22 pm

ஆஸ்ட்ரேலியா ஈசியாக ஜெயிக்க வேண்டிய ஆட்டத்தை வேன்றுமென்று விட்டுக்கொடுத்தது போல் உணர்வு..! ஒன்னும் புரியல

பாலாஜி · பாலாஜி Sat Mar 03, 2012 12:27 pm

அருண் wrote:ஆஸ்ட்ரேலியா ஈசியாக ஜெயிக்க வேண்டிய ஆட்டத்தை வேன்றுமென்று விட்டுக்கொடுத்தது போல் உணர்வு..!

நிச்சயம் இல்லை , என்னை பொறுத்தவரை ஆஸி இலங்கையை விட இந்தியா இறுதி ஆட்டத்திற்கு வருவதைதான் விரும்பும் ..

இந்தியா அணியை குறைத்து சொல்லவில்லை , இப்ப உள்ள சூழ்நிலையில் இந்தியாவைவிட இலங்கை பலம் பொருந்தியது .. ஆசியா கோப்பையை இலங்கை வெல்லும் ..

**அருண்** · **அருண்** Sat Mar 03, 2012 12:35 pm

வை.பாலாஜி wrote:

நிச்சயம் இல்லை , என்னை பொறுத்தவரை ஆஸி இலங்கையை விட இந்தியா இறுதி ஆட்டத்திற்கு வருவதைதான் விரும்பும் ..

இந்தியா அணியை குறைத்து சொல்லவில்லை , இப்ப உள்ள சூழ்நிலையில் இந்தியாவைவிட இலங்கை பலம் பொருந்தியது .. ஆசியா கோப்பையை இலங்கை வெல்லும் ..

உண்மைதான் ஜி! இலங்கை ஆஸி வுடன் மோதிய ஆட்டங்களில் ஒரு மாச் தவிர அனைத்தும் வெற்றி பெற்றுள்ளது.
ஓகே ஜி ஆசிய கோப்பையில் பார்ப்போம் இந்தியாவின் ஆட்டத்தை..!

பது · பது Sat Mar 03, 2012 1:03 pm

மகா பிரபு · மகா பிரபு Sat Mar 03, 2012 1:10 pm

பது wrote:

உங்களுக்கு ஜாலி.
இந்தியா அணி காலி . சோகம்

முஹைதீன் · முஹைதீன் Sat Mar 03, 2012 1:12 pm

ஆஸி சுலபமாக வெற்றிபெற வேண்டிய மாட்ச். ஆனால் இந்தியா உள்ளே வரக்கூடாது என்றே விளையாடியது மாதிரி தோன்றுகிறது.

இது இந்தியாவிற்கு ஒரு பாடம்.

பது · பது Sat Mar 03, 2012 1:18 pm

முஹைதீன் wrote:ஆஸி சுலபமாக வெற்றிபெற வேண்டிய மாட்ச். ஆனால் இந்தியா உள்ளே வரக்கூடாது என்றே விளையாடியது மாதிரி தோன்றுகிறது.

இது இந்தியாவிற்கு ஒரு பாடம்.

இதை நான் வன்மையாக கண்டிக்கிறேன் எதிர்ப்பு

Sponsored content · Sponsored content

முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

Re: முத்தரப்பு கிரிக்கெட்:பரபரப்பான ஆட்டத்தில் இலங்கை வெற்றி- இந்தியாவின் இறுதிப்போட்டி வாய்ப்பு தகர்ந்தது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக