என் தாய் வீடு..

**ரா.ரா3275** · **ரா.ரா3275** Thu Mar 01, 2012 12:13 am

முன்பெல்லாம் எனக்கு
அம்மா என்று அழைக்கவாவது
ஒருத்தி இருந்தாள்
என்றேனும் அவளைப் பார்க்கப்
போகையில் மாத தவணையில் பணம் கட்டியேனும்
எனக்கொரு புடவை வாங்கி
வைத்திருப்பாள்
முடியாவிட்டாலும்
எழுந்து எனக்குப் பிடித்ததை
பார்த்துப் பார்த்து சமைத்துத் தருவாள்
உதவி செய்யப் போனால்கூட
வேண்டாண்டி இங்கையாவது நீ
உட்கார்ந்து தின்று போ; அங்கே உனக்குத் தர யாரிருக்கா? என்பாள்.
என்னதான் நான் பேசாவிட்டாலும்
இரண்டொரு நாளைக்கேனும்
எனை அழைத்து எப்படி இருக்க..
என்னடி செய்த..
உடம்பெல்லாம் பரவாயில்லையாயென்று கேட்பாள்
இப்போது எனக்கென்று யாருமேயில்லை.
நானெப்படி இருக்கேனோ என்று
வருந்த அம்மா போல் யார் வருவா???
அவள் ஊட்டிவளர்த்த சோறும்
கட்டி அணைத்த அன்பையும் தர
அவளைப்போல் இனி யாரிருக்கா???
அம்மா இல்லாத வீடென்றாலும்
எப்பொழுதேனும் அங்கே சென்று
அவள் இருந்த இடத்தை, அவள் தொட்ட பொருட்களையெல்லாம்
தொட்டுப் பார்க்க நினைப்பேன்,
எனக்கென்று அங்கே ஏதேனும்
வாங்கி வைக்காமலா போயிருப்பாளென்றுகூட நினைப்பேன்.
ஒரு சொட்டுக் கண்ணீராவது
விட்டுத் தானே போயிருப்பாள்
இல்லாவிட்டாலென்ன, பொருளென்ன பொருள்
எனக்கென்று அவள்
அங்கே எத்தனை நினைவினை சேர்த்துவைத்து
அழுதிருப்பாள்?? அந்த ஒரு சொட்டுக்
கண்ணீரேனும் ஈரம் காயாமல் எனக்காக இருக்காதா? என்றுத்
தோன்றும்.
ஆனால் -
எத்தனை இலகுவாகச் சொல்கிறதுயென் வீடு
அம்மா இல்லாத அந்த வீட்டில்
உனக்கென்னடி வேலையென்று!!

-வித்யாசாகர்

என் தாய் வீடு.. Images?q=tbn:ANd9GcR8GzwvUKJn4v6tlNTdBmmSUzQRvQcevI58BfODV48NwJxS5qSi7Q

என் தாய் வீடு.. Images?q=tbn:ANd9GcR8GzwvUKJn4v6tlNTdBmmSUzQRvQcevI58BfODV48NwJxS5qSi7Q

உதயசுதா · உதயசுதா Thu Mar 01, 2012 10:00 am

இந்த கவிதையா படிக்கிற நிமிஷத்தில் தன்னோட தாயை எல்லாரும் நினைத்து கொள்வார்கள். அது போல என் தாயின் நினைவு வந்து கண் கலங்கியது.
நான் இங்கு இருந்து போகும் போது என்னை எந்த வேலையும் செய்யவிடாமல்,நீயே வருஷத்துக்கு ஒரு தடவை தான் வரே என்று எனக்கு என்ன பிடிக்கும் என்று பார்த்து பார்த்து செய்யும் என் தாயின் அன்புக்கு ஈடு இணை எதுவும் இல்லை.

இந்த பதிவைத் துவங்கியவர் நன்றி கூறியுள்ளார் உதயசுதா

**ரா.ரா3275** · **ரா.ரா3275** Thu Mar 01, 2012 10:12 am

உதயசுதா wrote:இந்த கவிதையா படிக்கிற நிமிஷத்தில் தன்னோட தாயை எல்லாரும் நினைத்து கொள்வார்கள். அது போல என் தாயின் நினைவு வந்து கண் கலங்கியது.
நான் இங்கு இருந்து போகும் போது என்னை எந்த வேலையும் செய்யவிடாமல்,நீயே வருஷத்துக்கு ஒரு தடவை தான் வரே என்று எனக்கு என்ன பிடிக்கும் என்று பார்த்து பார்த்து செய்யும் என் தாயின் அன்புக்கு ஈடு இணை எதுவும் இல்லை.

உண்மைதான் உதயசுதா அவர்களே...ஒவ்வொரு தாயும் ஓர் உயர்ந்த அழகுதான்...அந்த உறவுக்கு இணை இல்லைதான்...

**ரிபாஸ்** · **ரிபாஸ்** Thu Mar 01, 2012 11:44 am

தாய்க்கு நிகர் இந்த உலகத்தில் எதுவும் இல்லை அண்ணா சூப்பர்

**ரா.ரா3275** · **ரா.ரா3275** Thu Mar 01, 2012 12:57 pm

ரிபாஸ் wrote:தாய்க்கு நிகர் இந்த உலகத்தில் எதுவும் இல்லை அண்ணா சூப்பர்

உங்கள் நன்றிகள் இதை எழுதிய வித்யாசகருக்கு போய்ச் சேரட்டும்...

மகா பிரபு · மகா பிரபு Thu Mar 01, 2012 1:04 pm

ஒரு இனம் புரியாத பாசம் இதை படிக்கும் பொது ஏற்படுகிறது. பகிர்வுக்கு நன்றி ராரா.

இரா.பகவதி · இரா.பகவதி Thu Mar 01, 2012 1:21 pm

அண்ணா அருமை தாய் பாசதுக்கு நிகர் இவுலகில் வெர்ரெதுவும் இல்லை

**ரா.ரா3275** · **ரா.ரா3275** Sat Mar 03, 2012 10:58 am

மகா பிரபு wrote:ஒரு இனம் புரியாத பாசம் இதை படிக்கும் பொது ஏற்படுகிறது. பகிர்வுக்கு நன்றி ராரா.

நன்றி பிரபு...தாய்ப் பாசம் அப்படிதான்...

**ரா.ரா3275** · **ரா.ரா3275** Sat Mar 03, 2012 10:58 am

இரா.பகவதி wrote:அண்ணா அருமை தாய் பாசதுக்கு நிகர் இவுலகில் வெர்ரெதுவும் இல்லை

உண்மை பகவதி... ஆமோதித்தல்

யினியவன் · யினியவன் Sat Mar 03, 2012 11:27 am

உங்க தாய் வீடுன்னு வந்தேன்
வித்தியாசாகரின் தாய் வீடா?
யார் தாயா இருந்தா என்ன
தாய்மை ஒன்றுதானே.

பகிர்வுக்கு நன்றி ராரா.

Sponsored content · Sponsored content

என் தாய் வீடு..

என் தாய் வீடு..

Re: என் தாய் வீடு..

Re: என் தாய் வீடு..

Re: என் தாய் வீடு..

Re: என் தாய் வீடு..

Re: என் தாய் வீடு..

Re: என் தாய் வீடு..

Re: என் தாய் வீடு..

Re: என் தாய் வீடு..

Re: என் தாய் வீடு..

Re: என் தாய் வீடு..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக