புதிய வழிகாட்டி மதிப்பீடுகள்

**krishnaamma** · **krishnaamma** Fri Mar 02, 2012 10:02 pm

ரியல் எஸ்டேட் துறையினரும், நடுத்தர வர்க்கத்தினரும் அச்சத்தோடு எதிர்நோக்கி இருக்கும், புதிய வழிகாட்டி மதிப்பீடுகள், சங்கரன்கோவில் இடைத்தேர்தலுக்குப் பிறகே அமலாக உள்ளன. தமிழக அரசுக்கு அதிக வருவாய் பெற்றுத் தரும் துறைகளில், மூன்றாவது இடத்தில் இருக்கிறது பத்திரப் பதிவுத் துறை. இதன் கடந்த நிதியாண்டு வருவாய், 5,000 கோடி ரூபாய். வழிகாட்டி மதிப்பீடுகளை மாற்றி அமைத்து, வருவாயை மேலும் அதிகரிக்க, தமிழக அரசு திட்டமிட்டது. இதற்கு முன் இந்த மதிப்பீடுகள், 1996, 2000, 2003 மற்றும் 2007ம் ஆண்டுகளில் மாற்றப்பட்டிருந்தன. இம்முறை, சந்தை மதிப்புக்கு இணையாக, வழிகாட்டி மதிப்பீடுகள் உயர்த்தப்பட்டு உள்ளன.
தற்போதைய நிலை...: மாநிலத்தில் உள்ள, 10 மாநகராட்சிகள்; 140 நகராட்சிகள்; 400 பேரூராட்சி பகுதிகளில் தான், வழிகாட்டி மதிப்பீடு கடுமையாக அதிகரிக்கப்பட்டு உள்ளது. முக்கியமாக, தேசிய நெடுஞ்சாலை, மாநில நெடுஞ்சாலை, ரயில்வே லைன் மற்றும் புறநகர்ப் பகுதிகளில், மதிப்பீடுகள் எகிறியுள்ளன. சதுர அடி, 10 ரூபாய் இருந்த இடங்கள் எல்லாம், 25 ரூபாய், 50 ரூபாய் என, மாற்றப்பட்டுள்ளன. இவ்வாறு, பத்திரப்பதிவுத் துறை தரப்பில், மொத்தப் பணிகளையும் முடிக்க, ஜன., 31ம் தேதி ஆகிவிட்டது. இதற்கான அனைத்து ஒப்புதல்களும் பெறப்பட்டு விட்டன. புதிய வழிகாட்டி மதிப்பீடை அதிகரிப்பதற்கான கோப்பு, தற்போது முதல்வரின் ஒப்புதலுக்காக காத்திருக்கிறது. அறிவிப்பு எப்போது? மதிப்பீடு
அதிகரிப்பு, எத்தகைய விளைவை ஏற்படுத்தும் என்பதில், தமிழக அரசுக்கு குழப்பம் இருக்கிறது. சங்கரன்கோவில் இடைத்தேர்தல் வர உள்ளதால், அதில் ஏதும் எதிர்விளைவு ஏற்பட்டுவிடுமோ என்ற கவலையும் தென்படுகிறது. மார்ச் இறுதியில் வரப்போகும் பட்ஜெட்டிலேயே அறிவித்து விடலாம் என்ற யோசனையையும், உயரதிகாரிகள் சிலர் முன்வைத்துள்ளனர். எப்போதுஅறிவித்தாலும், அறிவிப்புக்கும், அமலாக்கத்துக்கும் இடையில், 10 முதல், 15 நாட்கள் வரை அவகாசம் தேவைப்படும். அப்போது தான், சர்வே எண்களுக்கு ஏற்ப, பதிவேடுகளை அதிகாரிகளால் தயாரிக்க முடியும். எப்படி பார்த்தாலும், மார்ச் 31ம் தேதிக்குப் பிறகே, புதிய வழிகாட்டி மதிப்பீடுகள் அமலுக்கு வரும். அதுவரை, நடுத்தர வர்க்கத்தினரும், ரியல் எஸ்டேட் துறையினரும், நிம்மதி பெருமூச்சு விடலாம்.- ஆர்.ரங்கராஜ் பாண்டே -

**krishnaamma** · **krishnaamma** Fri Mar 02, 2012 10:03 pm

எனக்கு புரியவில்லை, இதனால் வீடுகள் விலை ஏறுமா? யாராவது விளக்குங்களேன் அநியாயம்

**கே. பாலா** · **கே. பாலா** Fri Mar 02, 2012 10:18 pm

krishnaamma wrote:எனக்கு புரியவில்லை, இதனால் வீடுகள் விலை ஏறுமா? யாராவது விளக்குங்களேன்

பத்திரப் பதிவு செய்யும் கட்டணம் அதிகரித்துவிடும் ....ஒரு லட்சம் ரூபாயில் வீட்டை பத்திர பதிவு செய்தவர்கள் .இப்போது கிட்டத்தட்ட ...2 லட்சம் ...அல்லது 2 1/2 லட்சம் என்று பதிவுதொகையாக அரசுக்கு செலுத்தவேண்டியிருக்கும்

இந்த பதிவைத் துவங்கியவர் நன்றி கூறியுள்ளார் கே. பாலா

யினியவன் · யினியவன் Fri Mar 02, 2012 10:52 pm

முழுக்க முழுக்க தமிழில் இருப்பதால் உங்களுக்கு புரியவில்லை கிருஷ்ணாம்மா.

தமிழையே ஆங்கிலத்தில் சொன்னால் தான் நமக்கு புரிகிறது - என்ன செய்வது? புன்னகை

இதைத் தான் கைட்லைன் வேல்யூ ன்னு சொல்லுவாங்க. அரசாங்கம் நிர்ணயிக்கின்ற இடத்தின் மதிப்பு. இத வைத்துத் தான் ரெஜிஸ்ட்ரேஷன் ஸ்டேம்ப் ட்யூட்டி.

மார்கெட் ரேட்டுக்கும் கைட்லைன் வேல்யூக்கும் மிக அதிக வித்தியாசம் இருந்தது.

எனவே கைட்லைன் வேல்யூவை ஏற்றுகிற பொழுது கூடிய விரைவில் மார்கெட் ரேட்டும் உயர்ந்துதான் போகும். கண்டிப்பாக ரியல் எஸ்டேட்டின் விலை அதிகமாவதை தவிர்க்க இயலாது.

இரா.பகவதி · இரா.பகவதி Fri Mar 02, 2012 11:13 pm

**krishnaamma** · **krishnaamma** Sat Mar 03, 2012 1:56 pm

கே. பாலா wrote:
krishnaamma wrote:எனக்கு புரியவில்லை, இதனால் வீடுகள் விலை ஏறுமா? யாராவது விளக்குங்களேன்
பத்திரப் பதிவு செய்யும் கட்டணம் அதிகரித்துவிடும் ....ஒரு லட்சம் ரூபாயில் வீட்டை பத்திர பதிவு செய்தவர்கள் .இப்போது கிட்டத்தட்ட ...2 லட்சம் ...அல்லது 2 1/2 லட்சம் என்று பதிவுதொகையாக அரசுக்கு செலுத்தவேண்டியிருக்கும்

நன்றி பாலா புன்னகை

**krishnaamma** · **krishnaamma** Sat Mar 03, 2012 2:00 pm

கொலவெறி wrote:முழுக்க முழுக்க தமிழில் இருப்பதால் உங்களுக்கு புரியவில்லை கிருஷ்ணாம்மா.

தமிழையே ஆங்கிலத்தில் சொன்னால் தான் நமக்கு புரிகிறது - என்ன செய்வது?

இதைத் தான் கைட்லைன் வேல்யூ ன்னு சொல்லுவாங்க. அரசாங்கம் நிர்ணயிக்கின்ற இடத்தின் மதிப்பு. இத வைத்துத் தான் ரெஜிஸ்ட்ரேஷன் ஸ்டேம்ப் ட்யூட்டி.

மார்கெட் ரேட்டுக்கும் கைட்லைன் வேல்யூக்கும் மிக அதிக வித்தியாசம் இருந்தது.

எனவே கைட்லைன் வேல்யூவை ஏற்றுகிற பொழுது கூடிய விரைவில் மார்கெட் ரேட்டும் உயர்ந்துதான் போகும். கண்டிப்பாக ரியல் எஸ்டேட்டின் விலை அதிகமாவதை தவிர்க்க இயலாது.

நீங்க சொல்வது ரொம்ப சரி , ரொம்ப தமிழ் என்றாலும் புரியத்தான் மாட்டேன்கிறது சோகம்

உங்க விளக்கத்தினால் எனக்கு நல்லா விளங்கிட்டது புன்னகை

நன்றி இனியவன் புன்னகை