மரணத்தின் வாசணை

செய்தாலி · செய்தாலி Thu 1 Mar 2012 - 17:17

நாற்காலி
இருப்பிலிருந்தே உழைக்கும் மனிதர்கள்
உடல் அசைவிற்காக நடைபழகும்
மாலைப் பொழுது

அந்த வீதியில்
கொஞ்சம் சலனங்களை சுமந்தபடி
தனக்குள்ளே பேசிக்கொண்டு
ஒருவன்

கவனம் சிதறி
பாதங்கள் பாதை மாற
சற்றென பயமுறுத்திச் சென்றது
எதிரே சீறிவந்த வாகனம்

ஆ அம்ம் ..யென
பயங்கர சப்தம் எழுப்பி
வார்த்தைகள் சிக்கிக்கொள்ள
மௌனமானது இதழ்கள்

படபடவென
இரட்டிப்பாய் துடித்தது
நிலை தடுமாறி திகைத்து போன
இதயம்

சிலிர்ந்த
ரோமமும் அதனிடையே கசியும்
வியர்வைத் துளியுமாய்
மிரண்டு நின்றது விழிகள்

நூல் இழை
உரசலின் இடைவெளியில்
மரணத்தின் வாசனையை நுகர்ந்தது
ஆன்மா

திரும்பியபடி
பெரும் சத்தத்தில் திட்டினான்
சுதாரித்து உயிர்பிச்சை இட்ட
வாகனஓட்டி

அவ்வீதியில்
உலவிக் கொண்டிருந்த
அறிமுகமில்லாத மனிதர்களும்
அக்கறையுடன் திட்டினார்கள்

மரணத்தை
நுகர்ந்து சுவாசமுட்டி இதயத்தையும்
செயலிழந்த சிந்தையும் தட்டியெழுப்பியது
திட்டும் சப்த்தங்கள்

நிலையுணர்ந்து
பிழை உணர்ந்து
வார்த்தைகளற்று எதிர்பற்று
மௌனமாய் அவன்

அவனின்
சிந்தனையயும் எண்ணத்தையும்
சிலநிமிஷம் அங்கேயே கட்டிப்போட்டது
அந்த இடம்

அங்கே
அந்த இடத்தை சுற்றி
நிழலாடிக் கொண்டிருந்தது
வாழ்கையின் நம்பிக்கைகள்

சுய
பிழை உணர்ந்தவனின்
விழிகளின் ஓரத்தில் கசிந்தது
கண்ணீர்த் துளிகள்

உதிர்ந்த
கண்ணீர்த் துளிகளில்
ஆன்மா பதிவு செய்தது
அவர்களுக்கான நன்றியை

நடைபயணத்தை
பாதியில் முறித்துக்கொண்டு
கவனத்தோடு திரும்பி நடந்தான்
வீடு வரை

கவனங்கள்
சிதறுகையில் அச்சிதருதலில்
சிதறுகிறது எத்தனையோ மனிதர்களின்
வாழ்க்கை

**ஜாஹீதாபானு** · **ஜாஹீதாபானு** Thu 1 Mar 2012 - 17:34

கவனங்கள்
சிதறுகையில் அச்சிதருதலில்
சிதறுகிறது எத்தனையோ மனிதர்களின்
வாழ்க்கை

அருமையான வரிகள் சூப்பருங்க

எனக்கும் சில நேரம் இப்படி நடந்ததுண்டு சோகம்

முஹைதீன் · முஹைதீன் Thu 1 Mar 2012 - 17:46

அருமையான கவி சூப்பருங்க

sinthiyarasu · sinthiyarasu Thu 1 Mar 2012 - 17:55

கவிதை மிகவும் நன்றாக உள்ளது.

செய்தாலி · செய்தாலி Thu 1 Mar 2012 - 18:51

ஜாஹீதாபானு wrote:
கவனங்கள்
சிதறுகையில் அச்சிதருதலில்
சிதறுகிறது எத்தனையோ மனிதர்களின்
வாழ்க்கை

மிக்க நன்றி சகோ

அருமையான வரிகள்

எனக்கும் சில நேரம் இப்படி நடந்ததுண்டு

செய்தாலி · செய்தாலி Thu 1 Mar 2012 - 18:51

முஹைதீன் wrote:அருமையான கவி

மிக்க நன்றி சகோ

செய்தாலி · செய்தாலி Thu 1 Mar 2012 - 18:52

sinthiyarasu wrote:கவிதை மிகவும் நன்றாக உள்ளது.

மிக்க நன்றி தோழி

யினியவன் · யினியவன் Thu 1 Mar 2012 - 19:02

உணரப் பட்டு உணர்த்தப் பட
எழுதிய வரிகள் மிக மிக அருமை.

**ரா.ரா3275** · **ரா.ரா3275** Thu 1 Mar 2012 - 21:55

///நூல் இழை
உரசலின் இடைவெளியில்
மரணத்தின் வாசனையை நுகர்ந்தது
ஆன்மா ///

அருமையான வெகு அற்புதமான வரிகள்... சூப்பருங்க

கவனக்குறைவால் ஏற்படும் நிலைத் தடுமாற்றம்-பய உணர்வுகளைப்
பாடுபொருளாகப் பதிவு செய்த உங்கள் நுண்மான் நுழைப்புலம் அழகு... மகிழ்ச்சி

இந்த பதிவைத் துவங்கியவர் நன்றி கூறியுள்ளார் ரா.ரா3275

செய்தாலி · செய்தாலி Fri 2 Mar 2012 - 11:25

கொலவெறி wrote:உணரப் பட்டு உணர்த்தப் பட
எழுதிய வரிகள் மிக மிக அருமை.

மிக்க நன்றி நண்பரே

Sponsored content · Sponsored content

மரணத்தின் வாசணை

மரணத்தின் வாசணை

Re: மரணத்தின் வாசணை

Re: மரணத்தின் வாசணை

Re: மரணத்தின் வாசணை

Re: மரணத்தின் வாசணை

Re: மரணத்தின் வாசணை

Re: மரணத்தின் வாசணை

Re: மரணத்தின் வாசணை

Re: மரணத்தின் வாசணை

Re: மரணத்தின் வாசணை

Re: மரணத்தின் வாசணை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக