குழந்தையுடன் எஸ்.எஸ்.எல்.சி தேர்வு எழுதிய மாணவி

பிறந்து 3 நாளே ஆன
குழந்தையுடன் எஸ்.எஸ்.எல்.சி தேர்வு எழுதிய மாணவி

00:55:29Wednesday2012-02-29


கொல்கத்தா : மேற்கு வங்காளத்தில் பிறந்து 3 நாளே ஆன குழந்தையுடன் எஸ்.எஸ்.எல்.சி தேர்வை மாணவி எழுதினார். மேற்கு வங்காளத்தில் சிறுவயதில் திருமணம் நடப்பது சகஜம். இப்படி, திருமணமானவர் சரஸ்வதி ஹல்தர். இவர் நாடியா மாவட்டத்தில் உள்ள பஜன்காட் உயர் நிலை பள்ளியின் 10ம் வகுப்பு மாணவி. இந்த நிலையில் எஸ்.எஸ்.எல்.சி பொதுத் தேர்வு தொடங்கியது. நிறைமாத கர்ப்பிணியாக இருந்த சரஸ்வதி கடந்த வெள்ளிக்கிழமை பெங்காலி மொழி தேர்வு எழுதினார். மறுநாள் சனிக்கிழமை சரஸ்வதிக்கு பெண் குழந்தை பிறந்தது. ஒரு சில நாட்கள் ஓய்வு எடுக்க வேண்டும் என்று டாக்டர்கள் அறிவுறுத்தினர்.

ஆனால், திங்கட்கிழமை நடக்கும் ஆங்கிலத் தேர்வை குழந்தையுடன் சென்று எழுதியே தீருவேன் என்று சரஸ்வதி பிடிவாதம் பிடித்தார். இது பற்றி தேர்வு மையம் அமைந்துள்ள பள்ளியின் தலைமை ஆசிரியர் கிருஷ்ணபாதாவுக்கு தகவல் கொடுத்தார். இதையடுத்து, பள்ளியின் தனி வகுப்பறையில் தேர்வு எழுத ஏற்பாடு செய்யப்பட்டது. நேற்றுமுன்தினம் பள்ளிக்கு கைக் குழந்தையுடன் சரஸ்வதி வந்தார். தனி அறையில் அவர் தேர்வு எழுதினார். குழந்தையை பார்த்துக் கொள்ள அவரது மாமியார் அனிமா உடனிருந்தார்.

மற்ற மாணவர்களைவிட 15 நிமிடங்கள் கூடுதலாக ஒதுக்க ஆசிரியர்கள் முன்வந்தபோதும் குறித்த நேரத்துக்குள் சரஸ்வதி தேர்வை எழுதி முடிந்தார். இது பற்றி சரஸ்வதி கூறுகையில்,‘‘எஸ்.எஸ்.எல்.சி தேர்வுக்காக பல மாதங்களாக தீவிரமாக படித்து வந்தேன். இந்த தேர்வை எழுதமுடியாவிட்டால் ஓராண்டு படிப்பு வீணாகி இருக்கும். இதனால்தான் கைக்குழந்தையுடன் வந்து தேர்வு எழுதினேன்‘‘ என்றார்.



தினகரன்

வாழ்த்துகள் இந்த பெண்ணுக்கு.

எல்லாம் சரி. பத்தாவது படிக்கிற பெண்ணுக்கு கல்யாணம் ஆகி குழந்தை இருக்கா.

அந்த மாநில அரசு என்ன செய்துக்கிட்டு இருக்கு?

உதயசுதா அக்கா நம்ம தமிழ்நாட்டிலேயே இது போல் நிறைய நடக்கின்றன கிராமபுரங்களில்

உதயசுதா wrote:வாழ்த்துகள் இந்த பெண்ணுக்கு.

எல்லாம் சரி. பத்தாவது படிக்கிற பெண்ணுக்கு கல்யாணம் ஆகி குழந்தை இருக்கா.

அந்த மாநில அரசு என்ன செய்துக்கிட்டு இருக்கு?

பாராட்டத்தான் வேண்டும்

உதயசுதா wrote:வாழ்த்துகள் இந்த பெண்ணுக்கு.

எல்லாம் சரி. பத்தாவது படிக்கிற பெண்ணுக்கு கல்யாணம் ஆகி குழந்தை இருக்கா.

அந்த மாநில அரசு என்ன செய்துக்கிட்டு இருக்கு?

உங்களால மட்டும் எப்படி அக்கா இப்படியெல்லாம் கேள்வி கேட்க முடியுது

உதயசுதா wrote:அந்த மாநில அரசு என்ன செய்துக்கிட்டு இருக்கு?

பெயர் சூட்ட அமைச்சர அனுப்பராங்கலாம்.

உதயசுதா அக்கா இருக்கும் பொது அமச்சரவை எதுக்கு , அக்கா ஒரு நல்ல பேர் வைங்க

பல வருஷம் பெயிலாகி பெயிலாகி படிச்சு இருக்கும்.

பிரபு அது நல்ல படிக்குற புள்ள மாதிரி தெரியுது நீங்க எண்ணான பெயில் ஆயி படிச்சிருக்கும் நு சொல்லுரிங்க