காதலர் தின மடல்.

ஹாய், இன்று காதலர் தினம்.
உண்மையான காதலர்க்கு என்றுமே காதலர் தினம் தான்.
அவர் மனங்களில் வினாடிக்கு வினாடி ஊற்றெடுக்கும் அன்பை,
ஒரு பெப்ரவரி 14 இற்குள் அடக்கி விட முடியுமா என்ன?.
ஆன போதிலும் மனதைப் பிழிந்து, உணர்வெனும் மை எடுத்து
பரஸ்பர அன்பை காகிதமாக்கி மடலொன்று வரைகிறேன்,
என் மனதிற்கினிய உனக்கு.
அதற்கு முன்னதாய் ஒன்று...................,
இந்த வாழ்த்து மடலுடனும், இதய சிம்பலுடனும்,
முடிந்து விடும் அத்தியாயம் அல்ல காதல்.
அது ஒரு ஜீவ கானம். வாழ்க்கைத் தந்தியை மீட்டும் போதெல்லாம்,
சந்தோஷ ராகத்தை மட்டுமல்ல, சோக ராகத்தையும் தருகின்ற,
அதிலும் கூட சாந்தியையும் மன திருப்தியையும் தருகின்ற ஒரு
அற்புத கானம். அதை முதலில் நினைவு படுத்து.
Dear friend,
பால்நிலாவும், பொன்னந்தி வானும், பாயும் நதியும், பச்சை வயலும்,
சிலிர்க்கும் பனித்துளியும், அங்கு சிரிக்கும் ரோஜாவும்,
என்றுமே எனக்குப் பிடிக்கும்.
இப்போது இன்னும் இன்னுமே பிடிக்கும். ஏனென்றால்........
என் கற்பனைகளை நிஜங்களாக்கிய நீ என்னவனாகி விட்டாயல்லவா?
இன்றுவரை எனக்குப் புரியாத புதிரொன்று.......
அது தான், நிச்சிந்தையான என் மனதில் அன்பென்ற ஆதாரமிட்டு நீ...
அடிவைத்த கணம். உனக்காவது புரியுமோ என்னவோ.....
பாசத்திலே தாயையும், பரிவிலே தோழியையும்,
அன்பிலே தந்தையையும், அரவணைப்பிலே சோதரரையும் மட்டுமல்ல,.......
கோபத்திலே பகைவனையும் பிரதிபலிப்பதில்,
உனக்கு நிகர் நீ தான்.
என் உள்ளம் கவர்ந்தவனாய் நீ பூரணமானவன். ஆனால்...
என் அயலவனாய் நீ பூரணமடைய வேண்டியவன்.
என் மனதில் நீ ஒரு மென்மையான ஸ்வரம், ஆனாலும்,
உன்னிடம் களையப்பட வேண்டிய வன்மைகள் இல்லாமலில்லை.
ஆகவே இறைவனை யாசி, மனங்களை வாசி,
கொஞ்சமாய் யோசி, அப்புறம் நேசி.
இன்னும் இன்னும் ஒளிர்ந்திடுவாய்.
கடைசியாய், அண்டவெளியிலும், ஆழியின் அடியிலும்,
ஏன், காற்றில்ல வெளிகளிலும் கலந்திருந்து,
மூச்சுக்கு மூச்சு உச்சரிக்கும் காதலே சாட்சியாய் ஆணையிடுகிறேன்,...
கடைசிவரை உன் குறை நிறை அனைத்துடனும் உன்னை நேசிப்பேன்.
என் குறைகளையும் பொறுத்து,
என்றுமே இதே அன்புடன் என்னையும் நேசிக்க வேண்டி,
விடை பெறுகின்றேன்..........

///கடைசிவரை உன் குறை நிறை அனைத்துடனும் உன்னை நேசிப்பேன்.
என் குறைகளையும் பொறுத்து,
என்றுமே இதே அன்புடன் என்னையும் நேசிக்க வேண்டி...///

நிஜமான யதார்த்தமான கோரிக்கை-உணர்வு...
உங்கள் உணர்வு வெற்றி பெறட்டும்...

காதலிருக்கும் வரை அனுதினமும் காதலர் தினமே என்று
அழகாக சொல்லி விட்டீர்கள் சிந்தியா. வாழ்த்துகள்.

சந்தியா வரிகள் அனைத்தும் அருமை

எழுதி இருக்கும் காதல் வரிகள் நல்லா இருக்கு சந்தியா.ஆனா அதை எளிதா படிக்கிற கவிதை மாதிரி எழுதுங்களேன்.
ஏதோ கட்டுரையா படிக்கிற மாதிரி இருக்கு.

ரா.ரா3275 wrote:///கடைசிவரை உன் குறை நிறை அனைத்துடனும் உன்னை நேசிப்பேன்.
என் குறைகளையும் பொறுத்து,
என்றுமே இதே அன்புடன் என்னையும் நேசிக்க வேண்டி...///

நிஜமான யதார்த்தமான கோரிக்கை-உணர்வு...

உங்கள் உணர்வு வெற்றி பெறட்டும்...

நன்றிகள் நண்பரே.

உதயசுதா wrote:எழுதி இருக்கும் காதல் வரிகள் நல்லா இருக்கு சந்தியா.ஆனா அதை எளிதா படிக்கிற கவிதை மாதிரி எழுதுங்களேன்.
ஏதோ கட்டுரையா படிக்கிற மாதிரி இருக்கு.

நன்றி உதயசுதா. முயற்சிக்கிறேன்.

இரா.பகவதி wrote:சந்தியா வரிகள் அனைத்தும் அருமை

நன்றி பகவதி.

இரா.பகவதி wrote:சந்தியா வரிகள் அனைத்தும் அருமை

நன்றி பகவதி.

கொலவெறி wrote:காதலிருக்கும் வரை அனுதினமும் காதலர் தினமே என்று
அழகாக சொல்லி விட்டீர்கள் சிந்தியா. வாழ்த்துகள்.

மிக்க நன்றி நண்பரே.