உலகிலேயே மிகவும் வயதான நபர் நானே! _

பது · பது Sat Feb 25, 2012 2:50 pm

உலகிலேயே தானே வயதான நபரெனவும் சிம்பாப்வே ஜனாதிபதி ரொபேர்ட் முகாபேக்கு ஆரம்பக் கல்வியை தானே கற்பித்ததாகவும் முன்னாள் ஆசிரியர் ஒருவர் உரிமை கோரியுள்ளார்.

சிம்பாப்வே தலைநகரிலிருந்து 30 மைல் தொலைவிலுள்ள குதமா என்னும் இடத்தில் பிறந்த தனக்கு தற்போது 115 வயது என ஒஸ்கார் முன் யொரோ கட்ஸுகுன்யா உரிமை கோரியுள்ளார்.

அவர் 1897 ஆம் ஆண்டில் பிறந்ததாகவும் ஆனால் தனது பிறப்பை உறுதிப்படுத்த போதிய சான்றுகள் இல்லாததால் "கின்னஸ்' உலக சாதனை புத்தகத்தில் உலகின் மிகவும் வயதானவராக தன்னை இடம் பெறச் செய்வதற்கு சிரமத்தை எதிர்கொண்டுள்ளதாகவும் அவர் கூறினார்.

1931 ஆம் ஆண்டில் தனது 34 ஆவது வயதில் ஸவிம்பா எனும் இடத்திலுள்ள ஆரம்ப பாடசாலையில் 7 வயதான முகாபேக்கு கல்வி கற்பித்ததாக அவர் தெரிவித்தார்.

சிம்பாப்வே ஒலிபரப்பு கூட்டுத்தாபனத்துக்கு அளித்தப் பேட்டியிலேயே ஒஸ்கார் முன்யொரோ கட்ஸுகுன்யா கூறினார்.

சிறுவயதில் முகாபே மதிநுட்பம் மிக்க சிறுவனாக விளங்கியதாக அவர் குறிப்பிட்டார்.

1980 ஆம் ஆண்டில் சிம்பாப்வேயின் தலைவராக முகாபே தெரிவு செய்யப்பட்ட பின் அவரின் அழைப்பின் பேரில் அவரை இரு தடவைகள் சந்தித்ததாக ஒஸ்கார் முன்யொரோ கட்ஸுகுன்யா தெரிவித்தார்.

முகாபே தனது 88 ஆவது பிறந்த நாளை கடந்த செவ்வாய்க்கிழமை கொண்டாடியமை குறிப்பிடத்தக்கது.

தற்போது கின்னஸ் உலக சாதனை புத்தகத்தில் உலகின் வயது கூடிய நபராக 114 வயதுடைய கிமுரா இடம் பெற்றுள்ளார்.

1897 ஆம் ஆண்டு பிறந்த தனக்கு தற்போது 115 வயதாகிறது என்கிறார். ___ உலகிலேயே மிகவும் வயதான நபர் நானே! _ 300mugabay