நடந்தோம்! நடக்கின்றோம்!! (கவிதை)

**kirikasan** · **kirikasan** Fri Feb 24, 2012 7:34 pm

செய்தி :-பெல்ஜியத்திலிருந்து ஆரம்பிக்கப்பட்ட நீதிக்கான நடைபயணம் இன்று சுவிஸ் நாட்டிற்குள் பிரவேசம்!அநீதி இழைக்கப்பட்ட ஈழத் தமிழர்களுக்கு ஐ.நாசபையிடம் நீதி கேட்டு 19ஆவது நாளை கடந்து இன்று சுவிஸ் நாட்டிற்குள் சென்றடைகின்றது நீதிக்கான நடை பயணம்.

நடந்தோம்! நடக்கின்றோம்!!

(அன்று)

கடிதொரு பெருநடைஒளிதரு முடிவினை
காணாவென் றேநடந்தோம்
முடிவொரு சுகமென முனைவதில் ஒளிதரும்
மேன்மைதனை நினைந்தோம்
குடிமகன் தமிழ்நில குலமீழம் அழிவுற
கூடிநம் பகை எதிர்த்தோம்
முடிவினில் விடுதலை வருமென நினைந்துயர்
மேடுகள் மலை கடந்தோம்

சுடுநிலம் அடிதனில் சுடவலி சுகமென
சொல்லியே துயர் மறந்தோம்
படுவது பழியென பலதடை அருகெழ
பாதையில் நேர்நடந்தோம்
கொடுவிட அரவமும் இடிமழை புயலொடும்
குளிர் நதியிடை நடந்தோம்
குடுகுடு என விரைந் தெமதீழக் குறியினை
கண்டொளி பெறவிழைந்தோம்

வருவது ஒருபகை என எதிர் நிலைத்திட
வானொடு புவி சேர்ந்தே
ஒருபெரும் பிரளய மெனஎமை எதிர்கொள
ஏங்கி நினை வழிந்தோம்
தருமமும் இழிவுற தலைமுறை அழிந்திட
தமிழ்நில மழிவுறவும்
பொருமிய மனமுடன் புதையுறு குழிகளில்
பூக்களை விதை விதைத்தோம்

(இன்று):’

விதியது பிழைவிட விளைவது தவறென
வீறுட னெழுவதுடன்
கதியென நினைந்திட நடுநிலை தவறியோர்
காரணம் கூறெனவும்
சதியினை செயுமெவர் தனியறை சிறையிட
தகுமொரு பதில்வேண்டி
புதிதொரு வழியின்று நடப்பினும் முடிவினில்
பெறுவது விடுதலை காண்!

இரா.பகவதி · இரா.பகவதி Fri Feb 24, 2012 7:39 pm

அண்ணா கவிதை அருமை

**kirikasan** · **kirikasan** Sat Feb 25, 2012 6:03 pm

நன்றிகள் இரா. பகவதி அவர்களே! மிக்க நன்றிகள்!!

இரா.பகவதி · இரா.பகவதி Sat Feb 25, 2012 6:11 pm

வணக்கம் ,வாருங்கள் கிரிகாசன் அண்ணா ,

Sponsored content · Sponsored content

நடந்தோம்! நடக்கின்றோம்!! (கவிதை)

நடந்தோம்! நடக்கின்றோம்!! (கவிதை)

Re: நடந்தோம்! நடக்கின்றோம்!! (கவிதை)

Re: நடந்தோம்! நடக்கின்றோம்!! (கவிதை)

Re: நடந்தோம்! நடக்கின்றோம்!! (கவிதை)

Re: நடந்தோம்! நடக்கின்றோம்!! (கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக