குடிபோதையில் வாகனம் ஓட்டி மரணம் விளைவித்தால் 10 ஆண்டுகள்

First topic message reminder :



சென்னை: குடிபோதையில் வாகனம் ஓட்டி, மரணம் விளைவிக்கும் நபர் மீது, 10 ஆண்டுகள் தண்டனை விதிக்க வகை செய்யும் சட்டப் பிரிவின் கீழ் வழக்குப் பதிவு செய்ய, போலீசாருக்கு, சென்னை ஐகோர்ட் உத்தரவிட்டுள்ளது. இது போன்ற வழக்குகளில், அபராதம் மட்டுமல்லாமல், தகுந்த தண்டனையும் விதிக்க வேண்டும் என, மாஜிஸ்திரேட்டுகளுக்கும் உத்தரவிடப்பட்டுள்ளது.

சென்னையைச் சேர்ந்தவர் ரமேஷ். இவர், கடற்கரை சாலையில் கார் ஓட்டிச் சென்ற போது, மஞ்சள் கோட்டை தாண்டி, எதிரில் வந்த மோட்டார் சைக்கிள், ஆட்டோ மீது மோதியது. இந்த விபத்தில், ஒருவர் இறந்தார். சிலர் காயமடைந்தனர். கடந்த மாதம் 26ம் தேதி, சம்பவம் நடந்தது. ரமேஷ் மீது முதலில் இந்திய தண்டனைச் சட்டப் பிரிவு 304 (ஏ) - அலட்சியம், கவனமின்மையால் மரணம் ஏற்படுத்துதல், உள்ளிட்ட பிரிவுகளின் கீழ், வழக்குப் பதிவு செய்யப்பட்டது. பின், இவர் மதுபானம் குடித்து விட்டு வாகனத்தை ஓட்டியது தெரிய வந்தது. இதையடுத்து, பிரிவு 304 (2)ன் கீழ் வழக்கு மாற்றப்பட்டது. ஜனவரி 30ம் தேதி, ரமேஷ் கைது செய்யப்பட்டார். ஜாமின் கோரி, சென்னை ஐகோர்ட்டில், ரமேஷ் மனு தாக்கல் செய்தார். மனுதாரர் சார்பில், மூத்த வழக்கறிஞர் சண்முகசுந்தரம், போலீஸ் தரப்பில் கூடுதல் அரசு குற்றவியல் வழக்கறிஞர் எம்.மகாராஜா ஆஜராகினர்.

சமூகத்திற்கு எதிரான குற்றம்: ஜாமின் மனுவை விசாரித்த நீதிபதி எம்.எம்.சுந்தரேஷ் பிறப்பித்த உத்தரவு: குடிபோதையில் வாகனங்களை ஓட்டி விபத்து ஏற்படுத்தும் வழக்குகளில், அபராதம் மட்டும் விதித்து, லேசாக விட்டு விடுகின்றனர். மாஜிஸ்திரேட் கோர்ட்டுகளின் இத்தகைய அணுகுமுறை, சட்டத்துக்கு முரணானது. இதுபோன்ற வழக்குகளை அணுகும் போது, குற்றம் சாட்டப்பட்டவர்களுக்கு விதிக்கப்படும் தண்டனையானது, இதே குற்றங்களை விளைவிக்கக் கூடிய மற்றவர்களுக்கும் விதிக்கும் வகையில் இருக்க வேண்டும். எனவே, இதை தனிப்பட்ட ஒருவருக்கு எதிரான குற்றமாகப் பார்க்காமல், சமூகத்துக்கு எதிரான குற்றமாகக் கருத வேண்டும். விபத்துகளை குறைக்க வேண்டும் என்றால், குடிபோதையில் வாகனங்களை ஓட்டுவதை நிறுத்த வேண்டும். அனைவரும் கவனமுடன் வாகனங்களை ஓட்ட வேண்டும். இந்த வழக்கைப் பொறுத்தவரை, கடந்த மாதம் 30ம் தேதி முதல், சிறையில் மனுதாரர் உள்ளார். போலீஸ் காவலில் எடுத்து விசாரணை நடத்தப்பட்டு விட்டது. எனவே, அவரை ஜாமினில் விட உத்தரவிடப்படுகிறது. சம்பந்தப்பட்ட போலீஸ் நிலையத்தில், தினசரி நான்கு வாரங்களுக்கு ஆஜராக வேண்டும். அதன் பின், தேவைப்படும் போது விசாரணைக்கு ஆஜராக வேண்டும். போலீசாருக்கும், மாஜிஸ்திரேட் கோர்ட்டுகளுக்கும், கீழ்க்கண்ட உத்தரவு பிறப்பிக்கப்படுகிறது.

ஏன் இந்த தண்டனை?

* குடிபோதையில் ஒருவர் வாகனத்தை ஓட்டி, அதன் மூலம் ஏற்படும் விபத்தில் மரணம் விளையும்பட்சத்தில், வாகனத்தை ஓட்டியவர் மீது, இந்திய தண்டனைச் சட்டப் பிரிவு 304 (2)ன் கீழ், போலீசார் வழக்குப் பதிவு செய்ய வேண்டும்.

* ஒவ்வொரு வழக்கின் தன்மை, சூழ்நிலையை மாஜிஸ்திரேட்டுகள் ஆராய வேண்டும். குடிபோதையில் வாகனங்களை ஓட்டுபவர்களுக்கு, வெறும் அபராதம் மட்டும் விதிக்காமல், தகுந்த தண்டனையை முடிவு செய்ய வேண்டும். அவ்வாறு தண்டனை விதிக்கும் போது, சட்டத்தில் கூறப்பட்டுள்ள அடிப்படைக் கொள்கை, நோக்கத்தை மனதில் கொள்ள வேண்டும். இவ்வாறு, நீதிபதி எம்.எம்.சுந்தரேஷ் உத்தரவிட்டுள்ளார்.

இந்திய தண்டனைச் சட்டப் பிரிவு 304 (2) என்ன கூறுகிறது? மரணம் உண்டாக்க வேண்டும் என்கிற நோக்கம் இல்லாமல், விளைவிக்கப்படும் உடல் காயத்தால் மரணம் நேரிடக்கூடும் என தெரிந்து, அவன் செய்த காரியத்தால் மரணம் நடந்தால், அவனுக்கு, 10 ஆண்டுகள் வரை சிறைத் தண்டனை அல்லது அபராதம் அல்லது இரண்டும் சேர்த்து விதிக்கலாம்.

தினமலர்

கொலவெறி wrote:ஓட்ட ரோடு இல்ல பிரபு அதுதான்
ஓட்டை ரோடா இருக்கே.

ஓட்டு ஒழுங்கா போட்டு இருந்தா ஏன் ஓட்டை ரோடு இருக்கு?

மகா பிரபு wrote:

கொலவெறி wrote:ஓட்ட ரோடு இல்ல பிரபு அதுதான்
ஓட்டை ரோடா இருக்கே.

ஓட்டு ஒழுங்கா போட்டு இருந்தா ஏன் ஓட்டை ரோடு இருக்கு?

துட்டுக்கு ஒட்டு போட்டா
புது ரோடா போடுவாங்க
ஓட்ட ரோட்டுக்கு
ஒட்டு தான் போடுவாங்க

கொலவெறி wrote:துட்டுக்கு ஒட்டு போட்டா
புது ரோடா போடுவாங்க
ஓட்ட ரோட்டுக்கு
ஒட்டு தான் போடுவாங்க

போட்ட ஒட்டும்
சொட்டு மழையில் காணமல் போக -நாம்
தட்டு தடுமாறித்தான் போகவேண்டியுள்ளது.

மகா பிரபு wrote:போட்ட ஒட்டும்
சொட்டு மழையில் காணமல் போக -நாம்
தட்டு தடுமாறித்தான் போகவேண்டியுள்ளது.

வாக்கிங் ஸ்டிக் யூஸ் பண்ணி ஸேபா போங்க பிரபு.

கொலவெறி wrote:

மகா பிரபு wrote:போட்ட ஒட்டும்
சொட்டு மழையில் காணமல் போக -நாம்
தட்டு தடுமாறித்தான் போகவேண்டியுள்ளது.

வாக்கிங் ஸ்டிக் யூஸ் பண்ணி ஸேபா போங்க பிரபு.

எல்லாம் காலத்தின் கோலம.

சரி நீங்களே சொல்லுங்கள் இதற்கு தீர்வு , யாருக்கு ஓட்டு போட வேண்டுமென, இருக்குறவன் எல்லாருமே மொள்ளமாரி பயலுக்கா, அதனால துட்டு வாங்கிட்டு ஓட்டு போட்டாலும் வாங்கமா போட்டாலும் எவனும் மக்களுக்கு எதுவும் செய்ய பொரதில்லா. அதனால கிடச்சா வரளிக்கு லாபமுணு நம்ம ஆளுங்க ரெண்டு பக்கமும் துட்டைஉம் பாட்டிலைஉம் வாங்கிக்கிட்டு குடிபோதைல குத்துமதிபா யாருக்காவது போடுறங்க

துட்டு வாங்கலேன்னா எந்த
மொள்ளமாரியா இருந்தாலும்
சட்டைய பிடிச்சு கேக்கலாம்ல.

சடைய பிடிச்சி கேட்டா திருட்டு கேஸ் போட்டு எங்கௌந்தெர்ல போட்ட்ருவங்களே

இரா.பகவதி wrote:சடைய பிடிச்சி கேட்டா திருட்டு கேஸ் போட்டு எங்கௌந்தெர்ல போட்ட்ருவங்களே

துட்டு வாங்கலேன்னா எந்த
மொள்ளமாரியா இருந்தாலும்
சட்டைய பிடிச்சு கேக்கலாம்ல
ஏண்டா துட்டு தரலேன்னு?

கடந்த தேர்தலில் நீங்க எவளவு வாங்கினிக்க