என்கவுன்டர் நடந்தது எப்படி?- காவல்துறை ஆணையர் விளக்கம்

சென்னை: சென்னை - வேளச்சேரியில் பதுங்கியிருந்த கொள்ளையர்களை என்கவுன்டரில் சுட்டுக் கொன்றது தொடர்பாக, மாநகர காவல்துறை ஆணையர் திரிபாதி இன்று மதியம் விளக்கம் அளித்தார்.

சென்னையில் உள்ள 2 வங்கிகளில் கொள்ளையடித்த 5 பேர் நள்ளிரவில் போலீஸ் என்கவுன்டரில் சுட்டுக்கொல்லப்பட்டனர். இவர்கள் அனைவரும் வடமாநிலத்தைச் சேர்ந்தவர்கள்.

சென்னை - வேளச்சேரியில் நள்ளிரவில் போலீஸார் - கொள்ளையர்கள் இடையே பரபரப்பான துப்பாக்கிச் சண்டை நடந்தது.

இந்த என்கவுன்டர் குறித்து சென்னை காவல்துறை ஆணையர் திரிபாதி கூறியது:

சென்னையில் இரண்டு வங்கிகளில் நடந்த கொள்ளை தொடர்பாக தீவிர விசாரணையில் ஈடுபட்டோம். அப்போது, வங்கிகளில் வைக்கபப்ட்டிருந்த கேமராக்களில் பதிவான 400 மணி நேர காட்சிகளை ஆய்வு செய்ததில், சந்தேகத்துக்குரிய நபர் சிக்கினார். அதுபற்றி வீடியோ காட்சி நேற்று வெளியிடப்பட்டது.

இந்த வீடியோ காட்சியில் இருந்த நபரை அடையாளம் கண்டு, நள்ளிரவு 12.30 மணிக்கு போலீஸுக்கு தகவல் வந்தது.

இதைத் தொடர்ந்து, வேளச்சேரி வீட்டில் தங்கியிருந்த மர்ம நபர்கள் பற்றி விசாரிப்பதற்கு போலீஸ் படை சென்றது. அந்த வீட்டில் இருந்தவர்களைச் சரணடையுமாறு போலீஸார் எச்சரிக்கை விடுத்தனர்.

ஆனால், அந்த வீட்டில் இருந்தவர்கள் ஜன்னல் வழியாக போலீஸாரை நோக்கி துப்பாக்கியால் சுட்டனர். இதில், ஆய்வாளர் உள்பட போலீஸார் இருவர் காயமடைந்தனர். அவர்களுக்கு மருத்துவமனையில் தீவிர சிகிச்சை அளிக்கப்பட்டு வருகிறது.

காவல்துறையினர் மற்றும் பொதுமக்களின் பாதுகாப்பு கருதியே போலீஸ் படை, அவர்களைத் திருப்பிச் சுட்டது. அதில், கொள்ளையர்கள் 5 பேரும் காயமடைந்தனர். உடனடியாக, அவர்கள் மருத்துவமனைக்கு கொண்டு செல்லப்பட்டனர். அவர்கள் இறந்து விட்டதாக மருத்துவர்கள் அறிக்கை மூலம் தெரிவித்தனர்.

கொள்ளையர்களில் 4 பேர் பீகார் மாநிலத்தைச் சேர்ந்தவர்கள். ஒருவர், மேற்கு வங்கத்தைச் சேர்ந்தவர். அவர்கள் தங்கியிருந்த வீட்டில் இருந்து துப்பாக்கிகள், பணம், செல்போன்கள், 4 அடையாள அட்டைகள், ஓட்டு உரிமம் கைப்பற்றப்பட்டது.

வங்கிக் கொள்ளையர்கள் பற்றி துப்பு கொடுத்தவரின் விவரம், அவரது பாதுகாப்பு கருதி வெளியிட முடியாது.

இந்த என்கவுன்டர் குறித்து போலீஸ் வழக்குப் பதிவு செய்துள்ளது. இதுபற்றி எஃப்.ஐ.ஆர்., குற்றவியல் நீதிமன்றத்துக்கு அனுப்பப்பட்டுள்ளது. சென்னை குற்றவியல் நீதிமன்றம், இந்த என்கவுன்டர் பற்றி விசாரணை நடத்தும்," என்றார் காவல்துறை ஆணையர் திரிபாதி.

நக்கீரன்

மர்மமாவே இருக்கிறது

ஜன்னல் வழி சுட்டாங்கன்னு சொல்றதெல்லாம் கதையா தெரியுதுங்க.

இப்ப சென்னைல எல்லார் வீட்டிலையுமே கொசு அடிக்கிற பேட் வெச்சு டப்பு டிப்புன்னு சுடறாங்க. அப்ப நம்ம வீட்லயும் என்கவுண்டர் பண்ண வந்திடுவாங்களா?

இந்த மாதிரி என்கவுண்ட்டர்ல சுடுவாங்கன்னு தெரிந்தாலே கொள்ளையர்கள் தமது சாகசங்களை விட்டுவிடுவார்கள்..

வரவேற்கத்தக்க நடவடிக்கை..!

என்னமோ நடக்குது மர்மமா இருக்குது

//காவல்துறையினர் மற்றும் பொதுமக்களின் பாதுகாப்பு கருதியே போலீஸ் படை, அவர்களைத் திருப்பிச் சுட்டது. அதில், கொள்ளையர்கள் 5 பேரும் காயமடைந்தனர். உடனடியாக, அவர்கள் மருத்துவமனைக்கு கொண்டு செல்லப்பட்டனர். அவர்கள் இறந்து விட்டதாக மருத்துவர்கள் அறிக்கை மூலம் தெரிவித்தனர்.//
சுட்டுகொன்னாலும் ...சட்டரீதியாக எப்படி பேட்டி தருகிறார்கள் பாருங்கள்

கே. பாலா wrote://காவல்துறையினர் மற்றும் பொதுமக்களின் பாதுகாப்பு கருதியே போலீஸ் படை, அவர்களைத் திருப்பிச் சுட்டது. அதில், கொள்ளையர்கள் 5 பேரும் காயமடைந்தனர். உடனடியாக, அவர்கள் மருத்துவமனைக்கு கொண்டு செல்லப்பட்டனர். அவர்கள் இறந்து விட்டதாக மருத்துவர்கள் அறிக்கை மூலம் தெரிவித்தனர்.//
சுட்டுகொன்னாலும் ...சட்டரீதியாக எப்படி பேட்டி தருகிறார்கள் பாருங்கள்

இது வழக்கமாக தருகிற அறிக்கை தானே.

தமிழக காவல்துறையின் கம்பீரமான நடவடிக்கை...
பாராட்ட தகுந்த செயல் கொள்ளை அடிப்பவர்களையும் தெரிந்தே பல பேர்களின் உயிரை பறித்தவர்களையும் கைது செய்து பாதுகாப்பாக வைத்திருப்பதை விட இப்படி பரலோகம் அனுப்புவது தான் சிறந்தது...

அஜ்மல் கசாப்னு ஒருத்தன் இன்னும் இருக்கான் அவனையும் இப்படி செய்ய மாட்டார்களா...

ரா.ரமேஷ்குமார் wrote:தமிழக காவல்துறையின் கம்பீரமான நடவடிக்கை...
பாராட்ட தகுந்த செயல் கொள்ளை அடிப்பவர்களையும் தெரிந்தே பல பேர்களின் உயிரை பறித்தவர்களையும் கைது செய்து பாதுகாப்பாக வைத்திருப்பதை விட இப்படி பரலோகம் அனுப்புவது தான் சிறந்தது...

அஜ்மல் கசாப்னு ஒருத்தன் இன்னும் இருக்கான் அவனையும் இப்படி செய்ய மாட்டார்களா...

அவனா செத்தாதான் உண்டு.... செய்ய மாட்டார்கள் என்று தான் நினைக்கிறேன் ரமேஷ்

அசுரன் wrote:அவனா செத்தாதான் உண்டு.... செய்ய மாட்டார்கள் என்று தான் நினைக்கிறேன் ரமேஷ்

அமாம் அண்ணா சின்ன புள்ள பூச்சிகளை எல்லாம் சுட்டு விட்டு திமிங்கலத்தை அப்படியே வைத்து இருக்கிறார்கள்...