கொதிக்கும் நெய்யில் கையால்அப்பம் சுட்டு எடுத்த மூதாட்டி: பக்தர்கள் பரவசம்!

**krishnaamma** · **krishnaamma** Wed Feb 22, 2012 3:46 pm

ஸ்ரீவில்லிபுத்தூர்: விருதுநகர் மாவட்டம், ஸ்ரீவில்லிபுத்தூர் பத்திரகாளியம்மன் கோவிலில் நடந்த சிவராத்திரி விழாவில், கொதிக்கும் நெய்யில், மூதாட்டி கையால் அப்பம் சுடும் நிகழ்ச்சி நடந்தது. சிவராத்திரி அன்று ஸ்ரீவி., முதலியார் பட்டி தெருவில் உள்ள பத்திரகாளியம்மன் கோவிலில், கொதிக்கும் நெய்யில் கையால் அப்பம் சுடும் நிகழ்ச்சி, 50 ஆண்டுகளாக நடந்து வருகிறது. நேற்று முன் தினம் நடந்த விழாவில், அம்மனுக்கு சிறப்பு அலங்காரமும், சிறப்பு வழிபாடுகளும் நடந்தன. இதன் முக்கிய நிகழ்ச்சியான நெய்யில் கையால் அப்பம் சுடும் நிகழ்ச்சி, நள்ளிரவு 12 மணிக்கு நடந்தது. இதற்காக ஸ்ரீவி., ஊரணி பட்டியை சேர்ந்த, 78 வயதான முத்தம்மாள், 90 நாள்கள் விரதமிருந்து, அம்மனுக்கு சார்த்தப்பட்ட புடவையை அணிந்தப்படி,கோவில் வளாகத்தில் அடுப்பு மூட்டி, பக்தர்கள் மாவை பிசைந்து கொடுக்க, அதை கொதிக்கிற நெய்யில் போட்டார். பின் கரண்டி பயன்படுத்தாமலேயே கையால், அப்பத்தை புரட்டி போட்டு வேக வைத்தார். அப்பம் வெந்தவுடன் கையினால் வெளியில் எடுத்தார்.இந்த அப்பங்கள் அம்மனுக்கு படையலிட்டு, பக்தர்களுக்கு வழங்கப்பட்டது. கையால் கொதிக்கிற நெய்யில் அப்பம் சுட்டு எடுத்தது, பக்தர்களை பரவசத்தில் ஆழ்த்தியது. இதை காண சுற்று கிராமங்களில் இருந்து ஏராளமான பக்தர்கள் வந்திருந்தனர்.

யினியவன் · யினியவன் Wed Feb 22, 2012 3:57 pm

சூடான நெய்யெல்லாம் ஒரு பொருட்டல்ல
நம் முத்தம்மாவின் பக்தியில் கைகளிலும் காயமில்ல.

சரி இதெல்லாம் பக்தியின் பேரில் அவசியம் பண்ணத் தான் வேண்டுமா?

**ராஜா** · **ராஜா** Wed Feb 22, 2012 4:04 pm

நானும் இதை கேள்விபட்டிருக்கிறேன் , இந்த பாட்டி 50 வருடங்களாக இதை செய்துக்கிட்டு இருக்கிறாராம் :வணக்கம்:

இரா.பகவதி · இரா.பகவதி Wed Feb 22, 2012 4:05 pm

கண்டிப்பாக வேண்டும் இல்லை சுட சுட அப்பம் சாப்பிட முடியுமா

யினியவன் · யினியவன் Wed Feb 22, 2012 4:08 pm

இரா.பகவதி wrote:கண்டிப்பாக வேண்டும் இல்லை சுட சுட அப்பம் சாப்பிட முடியுமா

சுட சுடத் தான் அப்பம் சாப்பிட முடியும்.
சுடலேன்னா மாவத் தான் குடிக்கோனும்.

இரா.பகவதி · இரா.பகவதி Wed Feb 22, 2012 4:11 pm

அபிடின உங்களுக்கு வேண்டாமா

**இளமாறன்** · **இளமாறன்** Wed Feb 22, 2012 4:25 pm

ரேவதி · ரேவதி Wed Feb 22, 2012 4:39 pm

கொலவெறி wrote:
இரா.பகவதி wrote:கண்டிப்பாக வேண்டும் இல்லை சுட சுட அப்பம் சாப்பிட முடியுமா
சுட சுடத் தான் அப்பம் சாப்பிட முடியும்.
சுடலேன்னா மாவத் தான் குடிக்கோனும்.