ரயில் கூரைகளில் பயணித்தால் இரும்பு குண்டு தாக்குதல்!

**சிவா** · **சிவா** Thu Feb 23, 2012 1:19 am

இந்தோனேசியாவின் ஜகர்த்தாவில் மக்கள் தொகை அதிகம். அதற்கு தகுந்தாற்போல், போதிய போக்குவரத்து வசதி செய்யப்படவில்லை. பணியை முடித்து விட்டு, வீடுகளுக்கு திரும்பும் மக்கள், ரயில் போக்குவரத்தை தான் நம்பியுள்ளனர். "பிசி'யான நேரங்களில் புறப்படும் ரயில்களில், கூட்டம் மிகவும் அதிகமாக இருக்கும். ரயில் பெட்டிகள் நிரம்பியதும், ரயிலின் கூரை மீதும், பொதுமக்கள் ஏறி அமர்ந்து விடுவர். சில நேரங்களில், ரயில் பெட்டிகளுக்குள் இருப்பதை விட, கூரை மீது அமர்ந்து பயணிப்போரின் எண்ணிக்கை தான் அதிகமாக இருக்கும்.

இதனால், பெரிய அளவில் அசம்பாவிதம் ஏற்பட வாய்ப்பு இருப்பதால், ரயில் கூரை பயணத்தை தவிர்க்க, போலீசார் கடும் நடவடிக்கைகளை மேற்கொண்டனர். ஆனாலும், ரயில் கூரை பயணத்தை கட்டுப்படுத்த முடியவில்லை.

இதையடுத்து, தற்போது மிகவும் அபாயகரமான ஒரு விபரீத முடிவை அதிகாரிகள் எடுத்துள்ளனர். இதன்படி, ரயில் பாதையில் போதிய இடைவெளியில், கம்பிகளால் ஆன வளைவுகளை அமைத்து, அவற்றில் சங்கிலியால் கட்டப்பட்ட பெரிய அளவிலான இரும்புக் குண்டுகளை தொங்க விட்டுள்ளனர். ரயில் கூரை மீது அமர்ந்து பயணிப்போரின் தலைகளில், இந்த இரும்புக் குண்டுகள் தாக்கினால், உயிருக்கே ஆபத்து ஏற்படும். ஆனால், இதைப் பற்றி எல்லாம் கண்டு கொள்ளாத ரயில்வே அதிகாரிகள், "ரயில் கூரை பயணத்தை கட்டுப்படுத்துவதற்கு எவ்வளவு கடுமையான நடவடிக்கைகளையும் மேற்கொள்ள தயாராக இருக்கிறோம்...' என, அலட்சியமாக பதில் அளிக்கின்றனர். விஷயம், விபரீதத்தில் முடியாமல் இருந்தால் சரி.

— ஜோல்னா பையன்.

யினியவன் · யினியவன் Thu Feb 23, 2012 1:22 am

வக்கத்த அரசாங்கத்தால்
மக்கள் தான் உயிர் இழக்க நேரும்.

என்ன கொடுமைடா சாமீ.

**சிவா** · **சிவா** Thu Feb 23, 2012 1:27 am

இந்தோனேஷியாவில் மக்களுக்கு அங்குள்ள அரசாங்கம் இதுவரை எதுவுமே செய்ததில்லை என்பதை மலேசியாவில் வந்து வேலை செய்யும் இந்தோனேஷியா நண்பர்கள் மூலம் அறிந்தேன்.

பணவீக்கம் தான் மலிந்துள்ளது.

1 Indonesian rupiah = 0.000111 U.S. dollars

சார்லஸ் mc · சார்லஸ் mc Thu Feb 23, 2012 1:32 am

காட்டுமிராண்டித்தனமாக அல்லவா உள்ளது?! பயம்

இதுதான் தீா்வா? நல்ல சிந்தனையாளா்கள் அந்நாட்டில் இல்லையா? ரயில் கூரைகளில் பயணித்தால் இரும்பு குண்டு தாக்குதல்! 440806

**அகிலன்** · **அகிலன்** Thu Feb 23, 2012 1:42 am

நாட்டில் பொருளாதாரப்பிரச்சனை கட்டுப்பாட்டிட்குள் இல்லை என்று தெரிகிறது.

சார்லஸ் mc · சார்லஸ் mc Thu Feb 23, 2012 1:57 am

அகிலன் wrote:நாட்டில் பொருளாதாரப்பிரச்சனை கட்டுப்பாட்டிட்குள் இல்லை என்று தெரிகிறது.

அதற்காக இப்படியா செய்வாா்கள்... நல்லா இருக்கெ கதை

கிாீஸ், சோமாலியா நாடகளில் கூடத்தான் பொரளாதாரப்பிரச்சினை... அவா்கள்கூட இப்படி முடிவெடுத்ததில்லையே...

**Manik** · **Manik** Thu Feb 23, 2012 8:23 am

என்ன கொடுமைடா இது............ இன்னும் 5 ரயில் அதிகமா விட்டா சரியா போச்சு அதுக்கு போயி இப்படிலாம் தண்டனை கொடுக்கலாமா அவங்க என்ன வேணும்னேவா ரயில் கூரையில் உட்கார்ந்து போறாங்க........... பாவம் அம்மக்கள்