நானிருக்கும் மட்டும்தானே..!

நானிருக்கும் மட்டுந்தானே ஆட்டம் - நானொதுங்க
நாணமின்றிப் பேயணைக்கும் தேகம்
ஊனுயிர்த்த நாள்வரைக்கும் ஒட்டம் - ஊன்படுக்க
ஓடிவந்து நாயிழுத்துப் போகும்
பேனிருக்கும் சூடுதேகம் காணும் - மட்டும்!இன்றிப்
போய்க் குளிர்ந்தாக விட்டுஓடும்
ஏனிருக்கும் போது உள்ளநாட்டம் - இன்னல்செய்ய
இன்னொருத்தர் மேனிதன்னைத் தேடும்

சொல்லிருக்கும் மட்டும்தானே வாழ்வும் - சொல்லிழக்கச்
சுற்றிநிற்கும் கொல்விலங்கும் பாயும்
இல்லையொன்று கையிலென்றுகாணும் - போதுவந்து
ஏதும் எம்மைசீண்டும் பூனைதானும்
கல்லதென்று எண்ணுமுள்ளம் யாவும் - நல்லவரைக்
கட்டி வைத்த வேலிபோடும் வாழ்வும்
இல்லை யென்று ஆகிப்போகும் நேரம் - ஆகுமட்டும்
ஏங்கமுற்று ஏழை நெஞ்சம் வாடும்

உள்ள மெண்ணும் மட்டும்தானே இன்பம் - உள்ளதின்றி
ஒட்டித் தேகம்வீழ எங்கும்சூன்யம்
அள்ளும் இன்பரேகை கொண்டதாகம் - அந்தமாகி
அத்தனைக்கும் சூழ்இருட்டென் றாகும்
வெள்ளிக்காசும் அள்ளிக்கொண்டு போகும் - தன்மையேது
வீணலைந்து வாழ்வழிந்த நாளும்
கொள்ளி கொண்டு ஊர் எரித்துப் போடும் - கண்டதென்ன
கோடிகொண்டும் இல்லையென்றுஆகும்

செய்யஏது மில்லை வந்துநாளும் வன்மைதானும்
சீரழிக்க ஏழைமீது பாயும்
பொய் யெழுந்தஆசை உள்ளம் கொள்ளும் - பேய்களாகிப்
பிய்த்தெறிந்து சாந்தியென்று தூங்கும்
கையெழுந்து காக்க வென்று முந்தும் - மெய்விழுந்து
கட்டைமீது நாம்படுக்கத் தீயும்
பையெழுந்து பற்றியுண்டு தீய்க்கும் - பாசம்கொள்ளப்
பக்கம் யாருமின்றி, வெந்துபோகும்

வல்லதேசம் செய்வதெல்லாம் நீதி - ஆகுமன்றி
வாழ்த்தும் பொய்க்குப் பொன்முடிச்சுப் பாதி
மெல்ல யாரும் பேசினாலும் போகும்- மேடையேற்றி
மென்கழுத்தைச் சுற்றிக் கோடுபோடும்
அல்லதல்ல ஆளும்போது யாரும் - அன்புகொண்டு
ஆனதோ ரினித்தவாழ்வும் சாகும்
வெல்லவென்று என்னசெய்த போதும் -சொல்!விதிக்கு
விட்டுஓடித் தப்பலாமோ கேட்கும்

சில்லுடைந்த தேரென்றாகித் தேகம் - பாதைவிட்டுச்
சீரழிந்து போக ஊரும் கூடும்
நல்லதெண்ணி நாலுவார்த்தை கூறும் -அல்லதென்னில்
நாஒறுத்து வாயுமிழ்ந்து ஏசும்
எல்லையின்றி வான்விரிந்த அண்டம் - எண்ணமான
தெட்டும் தூரம் விட்டழிந்து போகும்
வல்லஎண்ணம் கொண்டுவாளை வீசும் _ வாழ்வுதானும்
வானம் காணு மட்டும் தானே நீசம்!


..

அண்ணா அருமை ,இது எந்த வகையான பாடல்

இரா.பகவதி wrote:அண்ணா அருமை ,இது எந்த வகையான பாடல்

நான் மரபுக்கவிதைகளைப் போலக் கவிஎழுதுகிறேன். மரபு வழி எழுத முயன்றேன்.கற்க நிறைய உள்ளது. கற்கும் வயது கடந்துவிட்டது. அதனால் கற்கும் வேகம் குறைவு. கவிதை எழுதும்வேகம் அதிகம்

கற்கும் வேகம் குறைவு
கவிதை எழுதும் வேகமோ அதிகம்
ஆக மொத்தம் உங்களிடம் இருப்பது விவேகம்
விவேகமிருக்கும் மட்டும் கவிதைகள் பிறக்கும்.

கவிதை அழகு.

சந்தங்களோடு கூடிய உங்கள் கவிதை அழகு...

எல்லோரும் மரபுக் கவிதையா எழுதுரிங்க
படிக்கத் தான் கொஞ்சம் கஷ்டம் அருமையா இருக்கு

ஜாஹீதாபானு wrote:எல்லோரும் மரபுக் கவிதையா எழுதுரிங்க
படிக்கத் தான் கொஞ்சம் கஷ்டம் அருமையா இருக்கு

இது எங்கேயோ இடிக்குதே...
ஏங்க இந்த எசப்பாட்டு உங்களுக்கு?...

ரா.ரா3275 wrote:

ஜாஹீதாபானு wrote:எல்லோரும் மரபுக் கவிதையா எழுதுரிங்க
படிக்கத் தான் கொஞ்சம் கஷ்டம் அருமையா இருக்கு

இது எங்கேயோ இடிக்குதே...
ஏங்க இந்த எசப்பாட்டு உங்களுக்கு?...

தாங்கள் சொல்லுவது புரியவில்லை அய்யா

ஜாஹீதாபானு wrote:

ரா.ரா3275 wrote:

ஜாஹீதாபானு wrote:எல்லோரும் மரபுக் கவிதையா எழுதுரிங்க
படிக்கத் தான் கொஞ்சம் கஷ்டம் அருமையா இருக்கு

இது எங்கேயோ இடிக்குதே...
ஏங்க இந்த எசப்பாட்டு உங்களுக்கு?...

தாங்கள் சொல்லுவது புரியவில்லை அய்யா

போச்சுடா...என் தமிழும் புரியலையா?...