மெல்ல ஆயிரம் வளர்ந்ததா ? - ஆயிரமாவது பதிவு

சதாசிவம் · சதாசிவம் Tue Feb 21, 2012 8:08 pm

First topic message reminder :

அறிவுமி கான்றோர் அதிகம் அரும்பு
அறிவிலோன் ஆற்று மளவா(ன) –அறிவுபெறு
நல்ல தமிழையும் ஈகரை அன்பினால்
மெல்ல வளர்ந்(த)தா யிரம் ?

விளக்கம்

அறிவுமிகு ஆன்றோர் அதிகம் இருக்கும் ஈகரையில்
அரும்பு அளவு அறிவில்லாதவன் ஆற்றும் அளவான அறிவு பெறும்
நல்ல தமிழையையும் ஈகரை அன்பர்கள் அன்பினால் ஆதரித்து
மெல்ல ஆயிரம் வளர்ந்ததா ?
அதிர்ச்சி

**பிஜிராமன்** · **பிஜிராமன்** Thu Feb 23, 2012 10:22 pm

ஆயிரமாம் உம்பதிவை அன்னியன்போல் விட்டேன்பார்
பாயிரம்தான் இப்பதிவு, பன்மடங்கு மேல்செல்வீர்
தாயினைப்போல் மேலாம்நம் தண்டமிழ்நல் ஈகரையின்
ஞாயிறுவாய், நாண்மலராய், நாயகனாய் என்தம்பி

நற்றமிழர் நன்கறிய நல்லதமிழ் சொன்னீர்கள்
கற்பதற்கு ஏற்றவிதம் கச்சிதமாய் செய்கின்றீர்
நற்தொகையை நானூரை நம்மிடையே போற்றினீர்கள்
அற்புதம்தான் உம்பணியை அண்ணன்நான் வாழ்த்துகிறேன்

அடிதோறும் ஒற்றை அழகாய்நான் நீக்க
கடித்தேன்நாக் கைஉம் கவிதிறத்தைக் கண்டு
வரிதோறும் பத்தைய்ந்து சொற்கள் வரவே
சரிபார்த்த கண்ணில் வியப்பு

ஐயா. என்னால் வியப்பில் இருந்து மீள இயலவில்லை, குறுகிய காலத்தில், இப்படி எழுத, உங்களைப்போன்ற கவித்திறம் உள்ளவர்களால் தான் முடியும்.

மிக்க நன்றிகள் ஐயா...... மகிழ்ச்சி

**ரா.ரா3275** · **ரா.ரா3275** Thu Feb 23, 2012 11:07 pm

அய்யா...வியந்தேன்... சற்றே பயந்தேன்
உங்கள் கவிதைத்தேன் படித்தேன் ரசித்தேன்
ஒற்றை நீக்கினால் ஒவ்வோர் அடியிலும்
பதினைந்து எழுத்தெண்ணி வாசித்து இன்புற்றேன்
அய்யா...அற்புதம் செய்தீர்
தமிழணி கலன்தான் என்பேன் இதுவே!

மகிழ்ச்சி

**Dr.சுந்தரராஜ் தயாளன்** · 03/09/2011

சதாசிவம் wrote:மிக்க நன்றி ஐயா,

அடிக்கு அயிரண்டும் பஞ்சமும் கோர்த்து
நொடிக்கு ளெழுதிய நுண்மைத் திறனை
வடிக்க வயதிலை வார்த்தை வருமா
மடியில் வடியும் மது

ஐயா

ஒவ்வொரு அடிக்கும் அயிரண்டு (5x2 =10), பஞ்ச (5) ஆக பதினைந்து எழுத்துகளான வார்த்தைகளை கோர்த்து நொடிக்குள் எழுதிய உங்களின் நுண்மையான அறிவுத்திறனை வார்த்தையால் வடிக்க வயது இல்லை, வர்ணிக்க வார்த்தை வருமா ? (வரவில்லை) பசுவின் மடியில் வடியும் பால் போல் தமிழ்த்தாய் மடியில் சுரக்கும் தேன் போல் உள்ளது உங்கள் கலிப்பா,

இதை படித்தால் தரும் களிப்பா, என்ன கலைப்பா, கற்கண்டின் இனிப்பா, கன்னித்தமிழின் துடிப்பா, ஆஸ்காரின் நடிப்பா, குழந்தையின் சிரிப்பா, குமரியின் குதிப்பா, மலைப்பாய் உள்ளது உம் மரபுப்பா....

மிகவும் நன்றி, தம்பி சதாசிவம், யாப்பின் பெருமையே இது. மகிழ்ச்சி

Sponsored content · Sponsored content

மெல்ல ஆயிரம் வளர்ந்ததா ? - ஆயிரமாவது பதிவு

மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக