விஜயகாந்த் சஸ்பெண்ட் வழக்கு: சபாநாயகருக்கு ஐகோர்ட் நோட்டீஸ்

சென்னை: தமிழக சட்டப்பேரவையில் இருந்து தாம் 10 நாட்களுக்கு சஸ்பெண்ட் செய்யப்பட்டதற்கு எதிராக தேமுதிக தலைவர் விஜயகாந்த் தொடர்ந்த வழக்கில், சபாநாயகருக்கு நோட்டீஸ் அனுப்ப சென்னை உயர் நீதிமன்றம் இன்று உத்தரவிட்டது.

தேமுதிக தலைவர் விஜயகாந்த் மனுவை ஏற்றுக்கொண்ட சென்னை உயர் நீதிமன்ற நீதிபதி ராஜேஸ்வரன், இதுகுறித்து மார்ச் 2-ம் தேதிக்குள் சபாநாயகர், பேரவைச் செயலர் ஆகியோர் பதிலளிக்க வேண்டும் என்று உத்தரவிட்டார்.

மேலும், இந்த வழக்கின் விசாரணையை மார்ச் 2-க்கு ஒத்திவைப்பதாக நீதிபதி அறிவித்தார்.

முன்னதாக, தேமுதிக தலைவர் விஜயகாந்த் தாக்கல் செய்த மனுவில், 'ஆளுநர் உரைக்கு நன்றி தெரிவிக்கும் தீர்மானத்தின் மீது கடந்த பிப்ரவரி 1-ம் தேதி சட்டப்பேரவையில் விவாதம் நடந்தது. எங்கள் கட்சி உறுப்பினர் சந்திரகுமார் பேசிக் கொண்டிருந்தபோது, முதல்வர் ஜெயலலிதா குறுக்கிட்டுப் பேசினார்.

அப்போது நடந்த வாக்குவாதத்தில், நான் பேசியது தொடர்பாக என் மீது அவை உரிமை மீறல் நடவடிக்கை எடுக்கப்பட்டது.

அவையில் பிப்ரவரி 1-ம் தேதி நடந்த சம்பவம் தொடர்பாக ஆராய இப்பிரச்னையை உரிமை மீறல் விசாரணைக் குழுவுக்கு அவைத் தலைவர் அனுப்பினார். அடுத்த நாளே அந்தக் குழுவின் அறிக்கை, அதாவது 24 மணி நேரத்துக்குள் அவையில் தாக்கல் செய்யப்பட்டது.

எனினும் அறிக்கையின் நகல் அவை உறுப்பினர்களுக்கு விநியோகிக்கப்படவில்லை. இது தொடர்பாக அவையில் விவாதம் நடத்தவும் இல்லை.

குரல் வாக்கெடுப்பு மூலம் என்னை அவையிலிருந்து 10 நாள்களுக்கு சஸ்பெண்ட் செய்யும் தீர்மானம் நிறைவேற்றப்பட்டது. இதனை எதிர்த்து தேமுதிக, தி.மு.க. மற்றும் கம்யூனிஸ்ட் கட்சிகள் அவையில் இருந்து வெளிநடப்பு செய்தன.

இந்த சஸ்பெண்ட் காலத்தில் எதிர்க்கட்சித் தலைவர் என்ற முறையிலும், எம்.எல்.ஏ. என்ற முறையிலும் எனக்கு அளிக்கப்பட்டிருந்த அனைத்துச் சலுகைகளும் பறிக்கப்பட்டுள்ளன.

இந்த சஸ்பெண்ட் காலம் என்பது பிப்ரவரி 2-ம் தேதி தொடங்கியது. பிப்ரவரி 4-ம் தேதியுடன் முடிவடைந்த சட்டப்பேரவைக் கூட்டத் தொடரில் 3 நாள்கள் சஸ்பெண்ட் காலம் முடிந்துள்ளது.
அடுத்து நடைபெற உள்ள கூட்டத் தொடரில் இன்னும் 7 நாள்களுக்கு இந்த சஸ்பெண்ட் நடவடிக்கை நீடிக்கும்.

அடுத்தக் கூட்டத் தொடர் எப்போது தொடங்கும் என்று அறிவிக்கப்படவில்லை. அதற்கு இரண்டு மாதங்களுக்கு மேல் ஆகலாம். இந்தக் காலம் முழுவதும் என் மீதான சஸ்பெண்ட் நடவடிக்கை தொடர்கிறது.

இதனால் எம்.எல்.ஏ. என்ற முறையில் எனது தொகுதி மக்களுக்கு பணி செய்ய முடியாமல் நான் தடுக்கப்பட்டுள்ளேன். இது அரசியல் சட்ட விதிகளுக்கு முரணானது.

பேச்சுரிமைக்கு முழு சுதந்திரம் அளிக்கப்பட்டுள்ள இடம் சட்டப்பேரவை. எனினும் ஆளும் கட்சியானது தனக்குள்ள பெரும்பான்மை பலத்தைப் பயன்படுத்தி, மக்களால் தேர்ந்தெடுக்கப்பட்ட உறுப்பினர் ஒருவரின் பேச்சுரிமையை மறுக்கிறது. ஆகவே, இப்பிரச்னையில் நீதிமன்றம் தலையிட வேண்டும்.

என்னை சட்டப் பேரவையிலிருந்து சஸ்பெண்ட் செய்து நிறைவேற்றப்பட்ட தீர்மானத்துக்கு நீதிமன்றம் தடை விதிக்க வேண்டும் என்று விஜயகாந்த் தனது மனுவில் கூறியுள்ளார்.

விகடன் .கொம்

அமைதியா குடுத வேலைய பாத்துக்கிட்டு ஒழுங்கா முடிக்கிட்டு இருக்க வேண்டியது தானே, இந்த வாயலா நம்ம எதிர் கட்சி தலைவருக்கு எவ்வளவு பிரச்சனைகள்

இரா.பகவதி wrote:அமைதியா குடுத வேலைய பாத்துக்கிட்டு ஒழுங்கா முடிக்கிட்டு இருக்க வேண்டியது தானே, இந்த வாயலா நம்ம எதிர் கட்சி தலைவருக்கு எவ்வளவு பிரச்சனைகள்

நான் திரும்ப திரும்ப சொல்லுறேன், தப்பு எதிர்கட்சி தலைவர் பண்ணுனது இல்லை ஆளும்கட்சி ஆட்கள் தான் அவர எவ்வளவு கேவலமா பேச முடியுமோ அவ்வளவு கேவலமா பேசிட்டு அவரு பதில் பேசினது மட்டும் அழகா டி‌வில ஒளிபரபினர்கள்....

ஆளுங்கட்சிக்கு ஜல்ட்ரா அடிச்சிட்டு போலைகிறதா விட்டுட்டு என் இந்த மாதிரி வெட்டி சீன் எதுக்கு , கோர்ட் மட்டும் என்ன இவருக்கு சப்போர்ட் பண்ண போகுதா

இவ்வளவுநாளா இருக்கிற இடம் தெரியாமல் இருந்து விட்டு இப்ப மட்டும்
துள்ளி குதித்தால் எப்படி கேப்டன்..!
உங்களுக்கு உள்ள மரியாதை நீங்களாகவே கெடுத்து கொண்டீர்கள்..!

முடியல

இரா.பகவதி wrote:ஆளுங்கட்சிக்கு ஜல்ட்ரா அடிச்சிட்டு போலைகிறதா விட்டுட்டு என் இந்த மாதிரி வெட்டி சீன் எதுக்கு , கோர்ட் மட்டும் என்ன இவருக்கு சப்போர்ட் பண்ண போகுதா

அப்ப தமிழ்நாட்டில் அனைவரும் அம்மாவிற்க்கு அடிமையா தான் வாழணுமா?

எந்த அம்மாவிற்கு என்று அனைவருக்கும் தெரியும்... சும்மா சும்மா கேள்வி கேட்கபுடாது சொல்லிபுட்டேன்...

உங்களால என்ன முடியல ரேவதி

இரா.பகவதி wrote:உங்களால என்ன முடியல ரேவதி

விஜயகாந்த் சிக்ஸ் பாக் வைக்குறதா யாரு ரேவதிகிட்ட சொல்லி இருக்காங்க.... அது தான் முடியலனு ரேவதி சொல்லி இருக்கு...

இரா.பகவதி wrote:உங்களால என்ன முடியல ரேவதி

ஒரு 10000 கடன் வாங்கி இருக்கேன் அதை அடைக்க முடியாலைனு சொன்னேன்