இந்தியா14 வயதில் ஒரு காதல், ஒரு கொலை!

இரா.பகவதி · இரா.பகவதி Sat Feb 18, 2012 2:24 pm

ஆக்ரா, பிப்.17: தான் விரும்பும் பெண்ணுடன் பேசிவிட்டான் என்பதற்காக வகுப்புத் தோழனையே கொன்றுவிட முடிவு செய்தான் ஒருவன். அவனுக்காக அடியாளாகச் செயல்பட்டான் இன்னொருவன். ஆக்ராவையே அதிர்ச்சியில் உறைய வைத்துள்ளது இந்தக் கொலை.

ஆக்ராவில் உள்ள தனியார் ஆங்கில வழிப் பள்ளியின் 8-வது வகுப்பு மாணவர்கள் அதுல், தேவேந்திரா, பூபேந்திரா. மூவருக்கும் வயது 14.

தேவேந்திரா ஒரு பெண்ணின் மீது விருப்பம் கொண்டான். அது தெரிந்தோ தெரியாமலோ அதுல் அந்தப் பெண்ணுடன் பள்ளிக் கூடத்தில் சிரித்துப் பேசிக் கொண்டிருந்தான். அதுலால் தன்னுடைய காதல் கைகூடாமல் போய்விடும் என்று அஞ்சிய தேவேந்திரா, அதுலைத் தீர்த்துக் கட்டிவிடும்படி தன்னுடைய உற்ற தோழன் பூபேந்திராவைக் கேட்டுக்கொண்டான். சொன்னபடி செய்தால் 5,000 ரூபாய் தருவதாகக் கூறி அட்வான்ஸ் தொகையாக ஆயிரம் ரூபாயும் கொடுத்தான். கொலை செய்தால் போலீஸ் பிடித்துவிடுமே என்று பூபேந்திரா தயங்கினான். என்னுடைய அப்பா போலீஸ் எஸ்.ஐ. தான், நான் உன்னைக் காப்பாற்றிவிடுகிறேன் என்று வாக்குறுதி தந்தான் தேவேந்திரா.

கடந்த புதன்கிழமை இரவு நோட்டுப் புத்தகம் வாங்க கடைவீதிக்குப் போய்க்கொண்டிருந்தான் அதுல். பூபேந்திரா அவனை நெருங்கி பேச்சுக் கொடுத்துக் கொண்டே தனி இடத்துக்கு அழைத்துச் சென்று கத்தியால் குத்தினான். அப்போது அதுல் எதிர்த்துப் போராடியதால் பூபேந்திராவின் விரல்களும் துண்டாகின. இருந்தும் காரியத்தை முடித்ததுடன் உடலை அருகிலிருந்து கடுகு வயலில் புதைத்துவிட்டான்.

அதுல் வீட்டைவிட்டு வெளியே போனபோது தேவேந்திரா, பூபேந்திரா இருவரும் அவனுடன் ஏதோ பேசிக் கொண்டிருந்ததை அதுலின் பெற்றோர்கள் பார்த்துவிட்டனர். எனவே இரவு நீண்ட நேரம் மகன் வீடு திரும்பாததால் பூபேந்திராவை அணுகி, அதுல் எங்கே என்று கேட்டனர். எனக்குத் தெரியாது என்று பதில் அளித்தான் அவன். உன் கையில் என்ன காயம் என்று அவர்கள் கேட்டபோது பதில் சொல்லத்திணறினான்.
பிறகு போலீஸாரிடம் புகார் செய்த அதுலின் பெற்றோர், பூபேந்திராவின் கைக் காயம் குறித்தும் கூறினர். போலீஸார் பூபேந்திராவை அழைத்து விசாரித்தபோது முதலில் தனக்கு எதுவும் தெரியாது என்றே கூறினான். கையில் என்ன காயம், எப்படி ஏற்பட்டது என்று கேட்டபோது முன்னுக்குப் பின் முரணாக உளறினான்.
வியாழக்கிழமை பள்ளிக்கூடத்துக்கு தேவேந்திரா வந்தான். அப்போது அவனைப் போலீஸார் விசாரணைக்கு அழைத்துச் சென்று ""கவனித்ததும்'' எல்லா உண்மைகளையும் ஒப்புக்கொண்டான். இரு மாணவர்களும் கைது செய்யப்பட்டுள்ளனர்.

தினமணி

முஹைதீன் · முஹைதீன் Sat Feb 18, 2012 2:45 pm

மாணவர்களின் முன்னேற்றம் ஆசிரியர்களுக்கும், பெற்றோர்களுக்கும் பெருமை அளிக்கிறது? என்ன கொடுமை சார் இது

சமீபத்திய செய்திகள் அனைத்தும் மாணவர்களை பற்றியே இருக்கிறது.

இந்த பதிவைத் துவங்கியவர் நன்றி கூறியுள்ளார் முஹைதீன்

உதயசுதா · உதயசுதா Sat Feb 18, 2012 4:32 pm

அட பாவி பசங்களா. 14 வயசுல என்ன காதல் வேண்டி கிடக்கு.நான் மட்டும் இவனுகளை பெத்தவங்களா இருந்து இருந்தா இவனுகளை காப்பாத்த எந்த முயற்சியும் செய்யாமல் இந்நேரம் எள்ளும் தண்ணியும் இறைச்சு விட்டு இருப்பேன்

ரேவதி · ரேவதி Sat Feb 18, 2012 4:34 pm

உதயசுதா wrote: எள்ளும் தண்ணியும் இறைச்சு விட்டு இருப்பேன்

ஏன் இதை இறைக்கணும்

அதி · அதி Sat Feb 18, 2012 4:38 pm

கடவுளே....பதினாலு வயதிலேயே கத்தியைத் தூக்கிக்கொள்ளும் இன்றைய மாணவர்களை நினைத்தால் எதிர்கால இந்தியாவைப் பற்றிய பயம் தான் வருகிறது.
மனநல பாடமும் பள்ளிகளில் இனி கட்டாயம் நடத்த வேண்டும் போல.