ஆந்திராவில் பூமிக்கடியில் வைரம் கண்டு பிடிப்பு

**இளமாறன்** · **இளமாறன்** Fri Feb 17, 2012 1:32 am

நகரி, பிப்.16-

ஆந்திர மாநிலம் அனந்தபுரம் மாவட்டம் உரவ கொண்டா, வச்சீர கரூர், பாமிடி போன்ற பகுதிகளில் பூமிக்கடியில் வைரம் இருப்பதாக அப்பகுதி மக்கள் அரசு அதிகாரிகளுக்கு தகவல் தெரிவித்தனர். இதையடுத்து அப்பகுதிகளுக்கு அரசு உயர் அதிகாரிகள் மற்றும் சிறப்பு நிபுணர் குழு சென்று பார்வையிட்டது.

பின்னர் பூமிக்கடியில் இருந்து எடுக்கப்பட்ட மண்ணில் வைரங்கள் இருப்பதை கண்டுபிடித்தனர். அதிகாரி கிருஷ்ணய்யா கூறும் போது, பாமிடி, உரவகொண்டா பகுதிகளில் பூமிக்கடியில் வைரம் இருப்பதை கண்டறிந்துள்ளோம். இங்கு மண்ணில் இருந்து வைரத்தை பிரித்தெடுக்கும் ஆலைகள் அமைக்க திட்டமிட்டுள்ளோம் என்றார்.

இந்நிலையில் பாமிடி பகுதியில் இருப்பது வைரம் தானா என்பதை அறிய வெளிநாட்டில் இருந்தும் ஒரு நிபுணர் குழுவினர் வந்தனர். அவர்கள் மண்ணைப் பரிசோதனை செய்து அதில் வைரம் இருப்பதை உறுதி செய்தனர். இதையறிந்ததும் அப்பகுதி மக்கள் மகிழ்ச்சி அடைந்தனர்.

மாலைமலர்