செத்துப் போன 18 லட்சம் பேர் உயிருடன் உலவும் அதிசயம்

வாஷிங்டன் : இந்தியாவில், தேர்தல் காலங்களில், செத்துப் போனவர்கள் கூட வாக்காளர்கள் பட்டியலில் இடம் பெற்று விடுவர் என்பது நமக்குத் தெரியும் தான். ஆனால், தொழில்நுட்பம் வளர்ந்துள்ள அமெரிக்காவிலும் இப்படி செத்துப் போன 18 லட்சம் பேர், வாக்காளர் பட்டியலில் உயிருடன் இருக்கின்றனர் என்றால் ஆச்சரியம் தானே!

அமெரிக்காவில், இந்தாண்டு நவம்பரில் அதிபர் மற்றும் காங்கிரஸ் சபைக்கான தேர்தல்கள் நடக்க உள்ளன. இந்நிலையில், "ப்யூ சென்டர்' என்ற அமைப்பு சமீபத்தில் நடத்திய ஆய்வில் பல அதிர்ச்சிகரமான தகவல்கள் வெளியாகியுள்ளன.அமெரிக்காவில், ஒவ்வொரு எட்டு பேரில் ஒருவரது வாக்காளர் பதிவு புதுப்பிக்கப்படாமல் அல்லது சரியான விவரம் இல்லாமல் உள்ளது. அதாவது மொத்த மக்கள் தொகையில், இரண்டு கோடியே 40 லட்சம் பேரின் தகவல்கள் சரியாக பதியப்படவில்லை.அதோடு, செத்துப் போன 18 லட்சம் பேரின் பெயர்கள் வாக்காளர்கள் பட்டியலில் இருந்து நீக்கப்படாமல் உள்ளன. தகுதி வாய்ந்த அமெரிக்க குடிமக்கள் ஐந்து கோடியே 10 லட்சம் பேர் வாக்காளர் பட்டியலில் இடம் பெறவில்லை.அதேபோல், 27 லட்சத்து 50 ஆயிரம் பேர் குறைந்தது இரு மாநில வாக்காளர் பட்டியல்களில் இடம் பெற்றுள்ளனர்.

ஒரு கோடியே 20 லட்சம் பேரின் விவரங்கள், முகவரி, இடம் மாறுதல், தகவல் தொடர்பு விவரம் போன்றவற்றில் சரியான தகவல்களோடு இல்லாமல் தவறுகளோடு பதியப்பட்டுள்ளன.நாடு முழுவதிலும், ஒரு கோடியே 27 லட்சம் பேரின் விவரங்கள் காலாவதியாகியுள்ளதோடு, புதிய தகவல்கள் பதியப்படாமலும் உள்ளன.

இதுகுறித்து "ப்யூ சென்டர்' வெளியிட்டுள்ள ஆய்வறிக்கையில் கூறியிருப்பதாவது: அமெரிக்காவில் வாக்காளர் பதிவு என்பது நவீன தொழில்நுட்பம் வளர்ந்துள்ள இக்காலத்திலும் கூட, 19வது நூற்றாண்டு பதிவு முறைகளையே கொண்டிருக்கிறது. மிகச் சரியான, செலவை குறைக்க கூடிய, போதுமான தகவல்களை பதிவதற்காக, வாக்காளர் பதிவு முறை, 21ம் நூற்றாண்டு நடைமுறைகளை மேற்கொள்ள வேண்டும்.இவ்வாறு "ப்யூ சென்டர்' தன் அறிக்கையில் தெரிவித்துள்ளது.

தினமலர்

அப்பொழுது நமது இந்தியாவில் எத்தனை இலட்சம் போ் இப்படி உலா வருகிறாா்களோ தொியலையே... சாமிகளா?! :அடபாவி:

ஆம், இந்த ஆவி வாக்காளர்கள் அனைத்து நாட்டிலுமே உள்ளார்கள்.

:அடபாவி: :அடபாவி: :அடபாவி:

வளர்ந்த நாடான அமெரிக்காவில இப்படி..!

அவங்களுக்கு நிறைய வேலை இருக்குப்பா.......... குண்டு போடுறது.... ராக்கெட் தயாரிக்கிறது..... அடுத்த நாடுகளை எப்படி சண்டை போட வைப்பது அப்படின்னு நிறைய யோசிக்கிறதுனால இதைமறந்துட்டாங்க போல

அண்ணா அவங்களும் அரசியல் வாதிகள் தான