இந்தியா, சீனாவிலிருந்து ஆட்களை எடுக்காதீர்கள் – யுஎஸ் நிறுவனங்களுக்கு ஒபாமா ‘உத்தரவு’!

வாஷிங்டன்: பொறியியல், தகவல் தொழில்நுட்பம் உள்ளிட்ட துறைகளுக்கு திறமையான பணியாளர்களை இனி இந்தியா மற்றும் சீனாவிலிருந்து தேர்வு செய்வதை தாம் விரும்பவில்லை என அமெரிக்க அதிபர் ஒபாமா அந்நாட்டு நிறுவனங்களுக்கு அறிவுறுத்தியுள்ளார்.

இதன் மூலம் இனி அமெரிக்காவில் இந்தியப் பணியாளர்கள் பெருமளவில் புறக்கணிக்கப்படும் நிலை ஏற்பட்டுள்ளது.

பாரக் ஒபாமா அமெரிக்க அதிபரானதிலிருந்து இந்தியாவுடனான பொருளாதார, வேலைவாய்ப்பு உறவுகள் விஷயத்தில் மிகுந்த கெடுபிடியைக் காட்டி வருகிறார்.

வெள்ளை மாளிகையில் இந்தியர்களுக்கு வரவேற்பு, தீபாவளி கொண்டாட்டம், காந்திக்கு சிலை – மரியாதை என வெளிப்புறத்தில் இந்திய நண்பராக தன்னைக் காட்டிக் கொண்டாலும், அமெரிக்க பொருளாதாரத்தில் இந்தியர்களின் தாக்கத்தை அடியோடு ஒழிப்பதை முக்கிய குறிக்கோளாக வைத்துள்ளார்
ஒபாமா என்பது அவரது பேச்சின் மூலம் பல முறை தெரிய வந்துள்ளது.

இந்தியாவில் அவுட்சோர்சிங் செய்யும் அமெரிக்க நிறுவனங்களுக்கு இனி வரிச்சலுகை இல்லை என முன்பு அவர் அறிவித்ததன் விளைவு, பல பெரிய இந்திய நிறுவனங்கள் கடும் பாதிப்புக்கு உள்ளாகின.

இப்போது தன் இந்திய எதிர்ப்பை வெளிப்படையாகவே அறிவித்துள்ளார் ஒபாமா. 2013-ம் ஆண்டுக்கான பட்ஜெட் திட்டவரைவு கூட்டத்துக்குப் பிறகு அவர் செய்தியாளர்களிடம் பேசுகையில், “ஒவ்வொரு நிறுவனமும் திறமையான பணியாளர்களைத்தான் விரும்புகின்றன. குறிப்பாக பொறியியல, தகவல் தொழில்நுட்பம் போன்ற துறைகளுக்கான பணியாளர்களை இந்தியா மற்றும் சீனாவிலிருந்து எடுக்கவே நிறுவனங்கள் விரும்புகின்றன.

ஆனால் இதனை நான் விரும்பவில்லை. தேவையான பள்ளிகள், ஆசிரியர்கள், வளங்கள், வசதிகளை அரசே செய்து தரும். திறமையான அமெரிக்க மாணவர்களை உருவாக்கி வேலைக்கு எடுத்துக் கொள்ளுங்கள். அமெரிக்க நிறுவனங்கள் விரும்பும் திறமையான தொழிலாளர்கள் என்பது, அந்த திறமையாளர்களை உருவாக்கும் பணியில் இறங்கப் போகும் ஆசிரியர் ஆசிரியைகளிடமிருந்தே தொடங்கட்டும்,” என்றார்.

மேலும் அவர் கூறுகையில், “இந்த கல்வி முறைப்படி திறமையாகக் கல்வி கற்பிக்கும் ஆசிரியர்களைப் பாராட்ட வேண்டும். இதில் தவறும் ஆசிரியர்களை பள்ளியிலிருந்து வேறு பணிக்கு அல்லது இடத்துக்கு மாற்ற வேண்டும்.

மேலும் கல்வி என்பது அதிக செலவு பிடிக்கும் சொகுசான விஷயம் என்ற நினைப்பு நாடு முழுக்க உள்ள அமெரிக்கர்களிடம் மாற வேண்டும். அதற்காக கல்விச் செலவுக்கு விதிக்கப்படும் வரிக்கு நிரந்தரமாகவே விலக்கு அளிக்க திட்டமிட்டுள்ளோம். இதன் மூலம் பல ஆயிரம் டாலர்களை மக்கள் மிச்சப்படுத்த முடியும். இனி ஒவ்வொரு அமெரிக்கக் குடும்பமும் உயர்கல்வியை குறைந்த செலவில் கற்க முடியும் என்ற நிலையை உருவாக்குவதே இந்த 21-ம் நூற்றாண்டில் அமெரிக்கா தன் மக்களுக்கு செய்து தரும் சத்தியம்,” என்றார் ஒபாமா.

அட, அமெரிக்கா தனக்கு எது நல்லது என்று பார்த்து திருந்திக்கிட்டிருக்கு… திருத்தமா இருந்த நம்ம கல்வித் துறை வெறும் வர்த்தகமா மாறிக்கிட்டிருக்கு!

-என்வழி செய்திகள்

அவரோட நாட்டு பற்றை அவர் காண்பித்து இருக்கிறார்

இந்தியா இப்போதாவது முன்னேறட்டும்..
பகிர்விற்கு நன்றி அண்ணா..

உள் நாட்டு வேலை வாய்ப்பு அதிகரிப்புக்காக செய்கிற காரியங்கள் ... இன்னும் 10 மாதங்கள் தானே அவருடைய பதவி ...அடுத்த முறை பதவியை பிடிக்க இவர் ஆரம்பித்து இருக்கும் இவரின் செய்கைகள்

இளமாறன் wrote:உள் நாட்டு வேலை வாய்ப்பு அதிகரிப்புக்காக செய்கிற காரியங்கள் ... இன்னும் 10 மாதங்கள் தானே அவருடைய பதவி ...அடுத்த முறை பதவியை பிடிக்க இவர் ஆரம்பித்து இருக்கும் இவரின் செய்கைகள்

அண்ணா அவர்கள் நாட்டில் ஒரு முறை பதவியில் இருந்தவர்கள் மறுமுறை நிற்க முடியாது என்கிறார்களே உண்மையா

இரா.பகவதி wrote:

இளமாறன் wrote:உள் நாட்டு வேலை வாய்ப்பு அதிகரிப்புக்காக செய்கிற காரியங்கள் ... இன்னும் 10 மாதங்கள் தானே அவருடைய பதவி ...அடுத்த முறை பதவியை பிடிக்க இவர் ஆரம்பித்து இருக்கும் இவரின் செய்கைகள்

அண்ணா அவர்கள் நாட்டில் ஒரு முறை பதவியில் இருந்தவர்கள் மறுமுறை நிற்க முடியாது என்கிறார்களே உண்மையா

அப்படி எல்லாம் இல்லையே .. இப்பொழுது எந்த எந்த கட்சிகள் யார் யார் நிற்கிறார்கள் என்று மாநிலம் ஒவ்வொன்றாக தேர்வு நடந்து கொண்டிருக்கிறது பிறகு ஒபாமா பதவிக்கு யார் யார் நிற்க முடியும் என்பது இன்னும் ஓரிரு மாதங்களில் தெரிந்து விடும்

எங்கோ படித நியாபகம் அமெரிகாவில் ஒருமுறை அதிபராக இருப்பவர் அடுத முறை இருக்க முடியாது என

இரா.பகவதி wrote:எங்கோ படித நியாபகம் அமெரிகாவில் ஒருமுறை அதிபராக இருப்பவர் அடுத முறை இருக்க முடியாது என

இரண்டுமுறை அதாவது எட்டு ஆண்டுகள் இருக்கலாம்.

இரண்டு முறை என்பதை தான் நான் மறதியாக ஒருமுறை என்று நினைதுவிட்டேன் ,

நன்றி அண்ணா

இரா.பகவதி wrote:இரண்டு முறை என்பதை தான் நான் மறதியாக ஒருமுறை என்று நினைதுவிட்டேன் ,

நன்றி அண்ணா