இந்தியா அறிந்திராத `காந்த வெடிகுண்டு'

**சிவா** · **சிவா** Wed Feb 15, 2012 8:35 am

டெல்லியில், காந்த வெடிகுண்டு மூலம் இஸ்ரேல் தூதரக கார் தகர்க்கப்பட்ட சம்பவம், போலீசாரிடைய அதிர்ச்சியை ஏற்படுத்தி உள்ளது. ஏனென்றால், காந்த வெடிகுண்டு இதற்கு முன்பு இந்தியாவில் பயன்படுத்தப்பட்டது இல்லை. எனவே, இது வெளிநாட்டு அமைப்பின் கைவரிசையாக இருக்கும் என்று நம்பப்படுகிறது.

காந்த வெடிகுண்டு, இந்தியாவுக்கு புதிது என்றாலும், இது ஈரானிலும், ஈராக்கிலும் பரவலாக பயன்படுத்தப்படக் கூடியது ஆகும். இரண்டாம் உலகப்போரின்போது, கப்பல்களில் இத்தகைய குண்டை ஒட்டிவைத்து, கப்பலை தகர்த்துள்ளனர். ஈராக்கில், 2004-ம் ஆண்டில் இருந்து இக்குண்டு பயன்படுத்தப்படுகிறது. அங்கு நகர்ப்புறங்களில் பாதுகாப்பு வளையத்தில் இருக்கும் மேல் அதிகாரிகளை இதன்மூலம் எளிதாக தீர்த்துக் கட்டுகிறார்கள்.

அரபு நாடுகளில் `ஒப்வா லசிகா' என்று அழைக்கப்படும் இந்த காந்த வெடிகுண்டு, தீவிரவாதிகளுக்கு பிடித்தமான ஆயுதம் ஆகும். ஏனென்றால், கைக்கு அடக்கமாகவும், எடுத்துச் செல்ல எளிதாகவும் இது இருக்கிறது. இதை யாரும் கவனிக்காதபோது காரில் பொருத்திவிட்டு எளிதாக நகர்ந்து விடலாம். பாதுகாப்பான இடத்தில் இருந்தபடி, ரிமோட் கண்ட்ரோல் மூலமாகவோ அல்லது செல்போன் மூலமாகவோ இயக்கி குண்டை வெடிக்கச்செய்து விடலாம். அதிலும், காரின் எரிபொருள் டாங்க் அருகே இதை பொருத்தினால், சேதத்தின் அளவு பெரிதாக இருக்கும்.

சி4-ஐயும், உலோக துண்டுகளையும் இணைத்து இந்த குண்டை உருவாக்குகிறார்கள். இதை காந்தத்தில் ஒட்டி வைத்தால், காந்த வெடிகுண்டு தயார்.

தினதந்தி

பாலாஜி · பாலாஜி Wed Feb 15, 2012 10:49 am

எப்படியெல்லாம் அறிவை பயன்படுத்துராங்க

இந்தியா அறிந்திராத `காந்த வெடிகுண்டு'

இந்தியா அறிந்திராத `காந்த வெடிகுண்டு'

Re: இந்தியா அறிந்திராத `காந்த வெடிகுண்டு'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக