இரும்பில் செய்த பூச்செண்டு...

ரேவதி · ரேவதி Wed Feb 15, 2012 11:41 am

* நீ, என் அற்புதமான கனவு
ஆனால் நீ...

* என் இருட்டு வானில்
வெண்ணிலவாக வந்தாய்...
என் கறுப்பு வாழ்வில்
வானவில்லாக வந்தாய்!

* ஆனால்,
நிலவும், வானவில்லும்
மறைவது போல்
மறைந்து விட்டாய்!

* உன் ஒரு சிரிப்பு
பல லட்சம் சந்தோஷம் தந்தது...
உன் ஒரு பார்வை
பல டன் நிம்மதி கொடுத்தது!

* நீ நிமிர்ந்து பார்த்த போது
நட்சத்திரங்கள் தோன்றின...
நீ புரிந்து கொண்ட போது
நிலா கூட ஒளிந்து கொண்டது!

* உனக்கு என்னை பிடிக்கவில்லை
அது உந்தன் குற்றமில்லை...
உன்னை, நான் வெறுக்கவில்லை
அதற்கு எனக்கு சக்தியில்லை!

* உன்னை எனக்கு காட்டியதற்காக
ஆயிரம் முறை நன்றி சொல்வேன்
கடவுளுக்கு!

* உன்னை சந்தித்த பிறகே தெரிந்தது
நான் எத்தனை பெரிய
அதிர்ஷ்டசாலியென்பது...
நீ போன பிறகுதான் தெரிகிறது
நான் எத்தனை பெரிய
துரதிர்ஷ்டசாலியென்பது!

* என் காதலை நீ
தவறாக புரிந்து கொள்வதை விட
புரிந்து கொள்ளாமல் போனதே நல்லது!

* உன் இதயம்... இரும்பில் செய்த பூச்செண்டு
என் காதல்... கடலில் விழுந்த கற்கண்டு!

* நீ, என்னை மறந்தாலும் பரவாயில்லை
பிரிந்தாலும் பரவாயில்லை
உன்னை என் வாழ்வில்
சந்தித்ததே போதும்!

* உன்மேல் நான் கொண்ட
காதலின் ஞாபகங்களே
என் வாழ்வின் மீதம்!

— எம்.எஸ்.ஸ்ரீராம், சென்னை.