விஜயகாந்த் - ஸ்டாலின் விமான சிநேகம்: ஹலோவுடன் முடிந்த "கை'கோர்ப்பு

விருதுநகரில் இருந்து சென்னை திரும்பும் வழியில், மதுரை விமான நிலையத்தில் சந்தித்துக் கொண்ட தே.மு.தி.க., தலைவர் விஜயகாந்த், தி.மு.க., பொருளாளர் ஸ்டாலின் பரஸ்பர நலம் விசாரித்துக் கொண்டனர்; அரசியல் பேசவில்லை.

அருப்புக்கோட்டையில் பிப்., 12ல் நடந்த கட்சி நிர்வாகி இல்லத் திருமணத்தில் பங்கேற்க, முதல் நாளே மதுரை வந்தார் விஜயகாந்த். திருமண நிகழ்ச்சியை முடித்துக் கொண்டு, அன்றிரவு சென்னை செல்ல விமான நிலையத்திற்குச் சென்றார். தலைமை நிலையச் செயலர் பார்த்தசாரதி, சுந்தர்ராஜன் எம்.எல்.ஏ., உடன் சென்றனர். விருதுநகரில் நடந்த இளைஞரணி நேர்காணல் நிகழ்ச்சியை முடித்துக் கொண்டு, சென்னை செல்வதற்காக தி.மு.க., பொருளாளர் ஸ்டாலின், விமான நிலைய வி.ஐ.பி., அறையில் தங்கியிருந்தார். அவருடன் மனைவி துர்கா, முன்னாள் அமைச்சர்கள் தங்கம் தென்னரசு, சாத்தூர் ராமச்சந்திரன் இருந்தனர்.

முன்கூட்டியே சென்ற தே.மு.தி.க., நிர்வாகிகள், ஸ்டாலின் இருக்கும் தகவலை போனில் விஜயகாந்திற்கு தெரிவித்தனர். விமான நிலையத்திற்குள் நுழைந்த விஜயகாந்திடம், ஸ்டாலின் அறையில் இருப்பதாக தங்கம் தென்னரசு தெரிவித்தார். அறையில் நுழைந்த விஜயகாந்தை ஸ்டாலின், அவரது மனைவி எழுந்து வரவேற்றனர். ஸ்டாலினிடம் நலம் விசாரித்த விஜயகாந்த், உடம்பை கவனித்துக் கொள்ளும்படி கூறி விட்டு, சற்று தள்ளி கட்சியினருடன் அமர்ந்தார். அரை மணி நேரம் வரை இருவரும் ஒரே அறையில் இருந்த போதும், வேறு எதுவும் பேசவில்லை என, கட்சியினர் தெரிவித்தனர். பின், ஒரே விமானத்தில் சென்னை சென்றனர்.

தே.மு.தி.க., நிர்வாகி ஒருவர் கூறுகையில், ""விமான நிலையத்தில் சந்தித்துக் கொண்டதால், இருவரும் நலம் விசாரித்துக் கொண்டனர். சட்டசபை கூட்டத் தொடர்களின் போது இருவரும் சந்தித்தால், வணக்கம் தெரிவித்துக் கொள்வதில்லையா அது போன்று தான் இதுவும். மற்றபடி அரசியல் குறித்து பேச்சு எழவில்லை,'' என்றார்.

விமானத்தில் அளவளாவல்:விமான நிலைய சந்திப்புக்கு பின், மதுரையிலிருந்து சென்னைக்கு ஒரே விமானத்தில் ஸ்டாலின், விஜயகாந்த், அகில இந்திய காங்கிரஸ் உறுப்பினர் கார்த்தி சிதம்பரம் பயணம் செய்தனர்.மூவரும் விமானத்தில் பரஸ்பரம் பேசிக் கொண்டுள்ளனர். மூவரும் விமானத்தில் பேசிக் கொண்ட நிகழ்வை, மற்ற பயணிகளும் வேடிக்கை பார்த்துள்ளனர்.

dinamalar

நம்பிட்டோம்..! வர எம்‌பி தேர்தலில் திமுகவுடன் இணயபோகிறார் உளவுத்துறை கூறுகிறது..!

தமிழகத்தில் ஆரோக்கியமான அரசியல் ஆரம்பமாகிறது. இதை நாம் விமா்சனம் செய்யாமல் இருகை தட்டி வரவேற்போம்.

பரஸ்பர மாியாதையினிமித்தமான இந்த நலம் விசாாிப்புக்கு பாராட்டுக்கள் பெறுகிறாா்கள் இந்த இரு தலைவா்களும்.

அடுத்த கூட்டணி

அரசியல்லில் இதல்லம் சகஜம்ப

இதை உள்நோக்கத்தோடு குதர்க்க அர்த்தம் குறை காண வேண்டாம்...
பரஸ்பர நாகரீக நலம் விசாரிப்பு நடக்கட்டும் நம்மூர் அரசியலிலும்...

நல்ல நிகழ்வு !!!